Guava Pickle Recipe: पेरू खाऊन कंटाळलात? बनवा पेरूचे लोणचं, नोट करा रेसिपी

How to Make Guava Pickle : आपल्या भारत देशातील जेवणाची चव जगभर प्रसिद्ध आहे.आपल्या इथल्या प्रत्येक पदार्थाची अनोखी चव आहे.  जेवणाबरोबर खाण्यासाठीही अनेक पदार्थ बनवले जातात. हे पदार्थ जेवणाची चव द्विगुणित करतात शिवाय आरोग्यासाठी फायदेशीर ठरतात. लोणचं  हे यापैकी एक आहे, जे अनेकांना खूप आवडते. गोड आणि आंबट चवीचा हा पदार्थ स्वादिष्ट तर आहेच पण आरोग्यासाठीही फायदेशीर आहे. लोणचं बनवण्यासाठी जवळजवळ सर्व प्रकारच्या भाज्या आणि फळे वापरली जातात. असंच आज आपण पेरू पासून लोणचं कसं बनवायचं हे बघणार आहोत हिवाळ्यात मिळणारे हे फळ आरोग्यासाठी वरदानापेक्षा कमी नाही. सामान्यतः लोकांना हे फळ म्हणून कच्चे खायला आवडते पण काही लोक चटणी बनवून खातात. याशिवाय तुम्ही पेरूपासून तुम्ही लोणचेही बनवू शकता.  चला याची चवदार आणि आरोग्यदायी अशी रेसिपी बघुयात. 

लागणारे साहित्य 

• 3 ते 4 पेरू
• 1 ½ टीस्पून लाल मिरची पावडर
• 1 टेबलस्पून मोहरी
• ¼ टीस्पून मेथी पावडर
• ¼ टीस्पून हिंग पावडर

हे ही वाचा: घरच्या घरी झटपट बनवा लसणाची चटणी, जेवणाची वाढवेल चव; नोट करा Recipe

• मूठभर कढीपत्ता
• 1 टीस्पून लसूण (चिरलेला)
• ३ हिरव्या मिरच्या (लहान तुकडे)
• 2 टीस्पून तीळ तेल
• 1 टीस्पून व्हिनेगर
• चवीनुसार मीठ

हे ही वाचा: Egg Fried Rice Recipe: घरच्या घरीच बनवा स्ट्रीट स्टाईल एग फ्राइड राईस, नोट करा सोपी रेसिपी

जाणून घ्या कृती 

• सगळ्यात आधी पेरू स्वच्छ करून त्याचे लहान तुकडे करून घ्या. 
• नंतर कढई गरम करून त्यात तिळाचे तेल घालून गरम करून घ्या. गरम झाल्यावर त्यात मोहरी टाका आणि तडतडू द्या.
• यानंतर कढीपत्ता, हिंग, हिरवी मिरची, तिखट, मेथी पावडर आणि चिरलेला लसूण घालून चांगले परतून घ्या. 
• हे सर्व मसाले शिजले की मीठ घालून त्यासोबत पेरूचे तुकडे घाला. 3 ते 4 मिनिटे परतून घ्या आणि नंतर थोडे शिजू द्या.

हे ही वाचा: Chicken Soup Recipe: हिवाळ्यात रोगप्रतिकार शक्ती वाढवेल हे चिकन सूप, फक्त बनवण्याची योग्य पद्धत जाणून घ्या

• नंतर, वरून व्हिनेगर घाला आणि चांगले मिसळा.
• एक मिनिटानंतर ते गॅसवरून काढून थंड होण्यासाठी बाजूला ठेवा.
• चपाती किंवा भाताबरोबर सर्व्ह करा आणि आनंद घ्या.