जवळजवळ सर्वच घरांमध्ये सकाळची वेळ नेहमीच घाई-गडबडीची आणि तणावपूर्ण असते. विशेषतः जेव्हा मुलांना शाळेत पाठवण्याची घाई असते. अशा परिस्थितीत, कधीकधी मुलांना तयार करणे एक आव्हानात्मक काम बनते. मुलांच्या या गडबडीत अनेक पालकांची दिवसाची सुरुवातच खराब होते. अशावेळी अनेकदा पालकांना काय करावं कळत नाही. तेव्हा खाली काही सोप्या टिप्स दिल्या आहेत. ज्या टिप्समुळे पालकांची सकाळी फार गडबड होत नाही. आणि त्यांचीही चिडचिड होत नाही. 

मुलांना तयार करण्यासाठी टिप्स

रात्रीची तयारी करा

सकाळची गर्दी टाळण्यासाठी मुलांच्या शाळेच्या पिशव्या, पुस्तके, नोटबुक आणि गणवेश आदल्या रात्री तयार ठेवा. यामुळे मुलांना सकाळी लवकर तयार होण्यास मदत होईल आणि तुम्हीही सकाळची वेळ शांततेत घालवू शकाल. मुलांच्या डब्यासोबतच त्यांच्या शाळेच्या गणवेशाची तयारी देखील आदल्या दिवशी रात्री करुन ठेवा. 

नियमित वेळी उठण्याची सवय लावा 

सकाळी त्याच वेळी मुलांना उठवण्याची सवय लावा. यामुळे त्यांचे शरीर या दिनचर्येनुसार वेळेवर उठण्यास तयार होईल. मुलांचा अलार्म वाजवण्याची वेळ हळूहळू कमी करून तुम्ही त्यांना लवकर उठण्याची सवय लावू शकता.

नाश्त्याचे नियोजन आगाऊ करा

निरोगी आणि सोपा नाश्त्याच प्लानिंग करा. जसे की ओट्स, दूध, फळे किंवा सँडविच इत्यादी पदार्थ मुलांना देऊ शकता. जे मुलांना लवकर खायला देता येतात. यामुळे मुलांना वेळेवर नाश्ता करता येईल आणि त्यांना शाळेसाठी तयार होण्यासाठी वेळ मिळेल.

सकाळचे वातावरण सकारात्मक बनवा 

मुलांना उत्साहित आणि आनंदी ठेवण्यासाठी सकाळी सकारात्मक वातावरण तयार करा. तुम्ही त्यांची आवडती गाणी वाजवू शकता किंवा त्यांना प्रेरणादायी गोष्टी सांगू शकता. यामुळे त्यांचा मूड सुधारेल आणि ते आनंदाने तयार होतील.

स्क्रीन टाइम मर्यादित करा

टीव्ही, मोबाईल किंवा इतर उपकरणे टाळण्यासाठी मुलांना सकाळी स्क्रीन टाइमपासून दूर ठेवा. यामुळे त्यांचे लक्ष विचलित होणार नाही आणि ते लवकर तयारी करण्यावर लक्ष केंद्रित करतील.

मुलांना जबाबदाऱ्या द्या

मुलांना काही लहान जबाबदाऱ्या द्या, जसे की त्यांचे बूट घालणे किंवा त्यांच्या बॅगेत पाण्याची बाटली ठेवणे. जेव्हा ते स्वतः काहीतरी करतात तेव्हा त्यांना अधिक आत्मविश्वास मिळतो आणि ते लवकर तयार होण्यास अधिक प्रेरित होतात.
प्रोत्साहन आणि प्रशंसा द्या: मुले वेळेवर तयार झाल्यावर त्यांची प्रशंसा करा. तुमच्याकडून मिळालेल्या सकारात्मक प्रतिसादामुळे मुलांना बरे वाटते आणि भविष्यातही त्यांना लवकर तयारी करण्यास प्रेरित करते.