RPF-GRP जवानांना नाही हे अधिकार, रेल्वेचे 5 मोठे नियम; फार कमी लोकांना माहिती
तुम्ही ट्रेनने प्रवास करत असाल तर ही बातमी तुमच्यासाठीच आहे. आज आम्ही तुम्हाला रेल्वेच्या काही महत्त्वाच्या नियमांबद्दल सांगणार आहोत
)
मुंबई : तुम्ही ट्रेनने प्रवास करत असाल तर ही बातमी तुमच्यासाठीच आहे. आज आम्ही तुम्हाला रेल्वेच्या काही महत्त्वाच्या नियमांबद्दल सांगणार आहोत. पुढच्या वेळी ट्रेनमध्ये चढण्यापूर्वी हे नियम लक्षात ठेवा, अन्यथा तुम्हाला त्रासाला सामोरे जावे लागू शकते. या नियमांचे पालन करण्यात अयशस्वी झाल्यास केवळ दंडच नाही तर तुरुंगात जावे लागू शकते.
आरपीएफ, जीआरपीचे जवान तिकीट तपासू शकत नाही
भारतीय रेल्वेच्या नियमांनुसार, ट्रेनच्या आत किंवा बाहेर तिकीट तपासण्याचा अधिकार फक्त TTE आणि मोबाईल पथकाला आहे. अशा स्थितीत रेल्वेत सुरक्षेसाठी तैनात असलेले RPF, GRP जवान किंवा इतर कर्मचारी तुमचे तिकीट तपासू शकत नाहीत. जर त्यांनी असे केले तर तुम्ही त्यांना तिकीट दाखवण्यास नकार देऊ शकता.
ट्रेन सुटल्यानंतरही दोन स्थानकांपर्यंत आरक्षण कायम
जर तुमची ट्रेन कोणत्याही कारणाने चुकली तर TTE तुमची सीट पुढील दोन स्टेशनपर्यंत कोणालाही देऊ शकत नाही. म्हणजेच पुढील दोन स्थानकांवर तुम्ही ट्रेनच्या आधी पोहोचून तुमचा प्रवास पूर्ण करू शकता. पण लक्षात ठेवा.
हेही वाचा - PM Kisan: किसान योजनेत पैशांचा पाऊस! आता दर महिन्याला मिळणार इतकी रक्कम, लवकर करा हे काम
दोन स्टेशनांनंतर, TTE आरएसी तिकीट असलेल्या प्रवाशाला जागा देऊ शकते. पण तुमच्यासमोर दोन स्टेशनचा पर्याय आहे.
कुटुंबातील सदस्य तिकिटावर प्रवास करू शकतात
इतर लोक तिकीटावर प्रवास करू शकत नाहीत हे तुम्हाला माहित असेल. पण, कुटुंबाबाबत वेगळा नियम आहे. तुम्ही कुटुंबातील सदस्याच्या तिकिटावर प्रवास करू शकता.
हेही वाचा - Rakesh Jhunjhunwala यांचा हा शेअर पुन्हा तुफान पैसा खेचण्याच्या तयारीत; ब्रोकरेजही बुलिश
परंतु, ज्या व्यक्तीच्या तिकिटावर तुम्ही प्रवास करत आहात त्याच्याशी तुमचे रक्ताचे नाते असले पाहिजे. आहे. उदाहरणार्थ, आई-वडील, भावंड, जोडीदार किंवा मुलांच्या नावावर तिकीट असेल तर तुम्ही त्यांच्या तिकिटावर प्रवास करू शकता.
मात्र यासाठी तुम्हाला स्टेशनवर जाऊन तिकिटावरील नाव बदलावे लागेल.
विद्यार्थी तिकीट हस्तांतरण
कुटुंबातील सदस्यांव्यतिरिक्त, भारतीय रेल्वे कोणत्याही शैक्षणिक संस्थेतील विद्यार्थ्यांना तिकीट हस्तांतरण सुविधा देखील प्रदान करते. अशा परिस्थितीत संस्थेच्या प्रमुखांनी आवश्यक कागदपत्रांसह लेटरहेडवर लिखित स्वरूपात ट्रेन सुटण्याच्या 48 तास आधी अर्ज करावा लागतो.