एकाच व्यक्तीने Zomato वरुन मागवलं 5 लाखांचं जेवणं; 9 कोटी भारतीयांनी घरबसल्या App वरुन मागवली बिर्याणी

Food Lover: हल्ली कामाच्या ओघात किंवा थोडा आळसपणा म्हणून घरी स्वयंपाक करण्याची सवय मागे पडत चालली आहे. Zomato सारख्या फूड ऍपवरुन जेवण ऑर्डर केलं की, अवघ्या काहीशा वेळात ते घरपोच होतं. यामुळे अनेकांना फूड ऑर्डर करण्याची सवय लागली. पण एखादा माणूस किती जेवण ऑर्डर करेल याला मर्यादा आहेच. पण एका व्यक्तीने ही मर्यादा ओलांडली आहे. 2024 मध्ये एका फूड लव्हरने तब्बल 5 लाख रुपयांचं जेवण ऑर्डर केलं आहे. 

झोमॅटोने ही माहिती अधिकृत दिली आहे. एवढंच नव्हे तर सर्वाधिक ऑर्डर केलेल्या पदार्थांची यादी देखील जाहीर केली आहे. यामध्ये ही माहिती समोर आली आहे. ज्याने वर्षभरात 5 लाखांचं जेवणं बुक केलं आहे. झोमॅटोने या लिस्टमध्ये ही देखील माहिती दिली आहे की, 2024 मध्ये बिर्याणीची ऑर्डर सर्वात जास्त करण्यात आली. 

एका व्यक्तीचे 5 लाखांचे बिल
Zomato च्या म्हणण्यानुसार, कंपनीने 2024 मध्ये 9 कोटी बिर्याणीच्या ऑर्डर्स बुक केल्या आहेत. ज्यामध्ये दरवर्षी बिर्याणीच्या तीन प्लेट्सच्या दराने वाढ होत आहे. यावर कंपनीचे म्हणणे आहे की, देशात सर्वाधिक बिर्याणीप्रेमी आहेत. चालू वर्षात झोमॅटोसाठी सर्वात धक्कादायक ग्राहक हा आहे, ज्याने एका वर्षात 5 लाख रुपयांचे खाद्यपदार्थ ऑर्डर केले आहेत. या फूड लव्हर्सच्या सिंगल बिलाची संपूर्ण रक्कम पाहिली तर ती 5,13,733 रुपये आहे. हे बिल 1 जानेवारी ते 6 डिसेंबर पर्यंत आहे. 

2024 मध्ये Zomato वर सर्वाधिक ऑर्डर केलेले पदार्थ

त्याच वेळी, दिल्ली या यादीत सर्वात पुढे आहे, ज्याचे एकूण बिल 195 कोटी रुपये आहे. यानंतर या यादीत बेंगळुरू आणि मुंबई अनुक्रमे दुसऱ्या आणि तिसऱ्या स्थानावर आहेत. Zomato ने सांगितले की 2024 मध्ये देखील, बिर्याणी सर्वात जास्त ऑर्डर केलेल्या डिशच्या यादीत सर्वात वर आहे, ज्यासाठी 2024 मध्ये कंपनीने 9,13,99,110 ऑर्डर बुक केल्या आहेत. यानंतर, सर्वाधिक ऑर्डर केलेल्या पदार्थांच्या यादीत तांदूळ देखील अग्रस्थानी आहे. बिर्याणीनंतर झोमॅटोने पिझ्झासाठी सर्वाधिक ऑर्डर्स बुक केल्या आहेत. Zomato ने 2024 च्या अखेरीस 5 कोटींहून अधिक पिझ्झाची विक्री केली आहे. Zomato ने एका वर्षात पिझ्झासाठी 5,84,46,908 ऑर्डर बुक केल्या आहेत. त्याचबरोबर 31 डिसेंबरला नवीन वर्षाच्या मुहूर्तावर त्यात खूप वाढ होऊ शकते, असे सांगण्यात येत आहे.

चहा ठरला अव्वल

भारत हा चहाप्रेमींनी भरलेला आहे यात शंका नाही. अशा परिस्थितीत जर शीतपेयेबद्दल बोलायचे झाले तर सर्वांच्या आवडत्या चहाने जोमेटची यादी जिंकली आहे. Zomato ने 2024 मध्ये 77,76,725 चहाच्या ऑर्डर्स बुक केल्या आहेत. त्याच वेळी, कॉफीसाठी 74,32,856 ऑर्डर बुक करण्यात आल्या. त्याचबरोबर चहा-कॉफीनंतर रेस्टॉरंटमध्ये कोल्ड्रिंक्सच्या अधिक ऑर्डर्स बुक झाल्या आहेत. कंपनीने दावा केला आहे की, नवीन वर्षाच्या निमित्ताने आकड्यात आणखी बदल होणार आहेत.