फक्त फायदाच नाही तर नुकसानही करु शकते बटाट्याचे जास्त सेवन, याचे तोटे काय जाणून घ्या

मुंबई : बटाटा हा असा पदार्थ आहे, ज्याचा स्वयंपाक घरातील प्रत्येक भाजीमध्ये वापर केला जातो. बटाटा ही अशी मूळ भाजी आहे की सर्व वयोगटातील लोकांना ती खायला आवडते. बटाट्याशिवाय अनेक पदार्थ अपूर्ण असतात. तसेच यामुळे जेवणाला वेगळीच एक चव येते. ऐवढेच काय तर काही लोक बटाट्याशिवाय भाजीच बनवत नाही. अगदी कोणतीही भाजी पर्याय म्हणून नसली की, लोकं बटाट्याची भाजी बनवतात.

बटाट्यामध्ये फायबर, झिंक, लोह आणि कॅल्शियम भरपूर प्रमाणात असते. याशिवाय बटाट्यामध्ये कॅरोटीनॉइड्स, फ्लेव्होनॉइड्स आणि फिनोलिक अॅसिड्ससारखे अँटी-ऑक्सिडंट्स देखील असतात. जे तुम्हाला अनेक आरोग्य समस्यांपासून वाचवण्यास मदत करू शकतात.

परंतु हे लक्षात घ्या की, प्रत्येक गोष्टीचे फायदे आणि तोटे असतात. त्याचप्रमाणे बटाट्याचे देखील आहे, याच्या अतिसेवनाने शरीराचे अनेक नुकसान होऊ शकते.

1. रक्तदाब

बटाट्याच्या अतिसेवनाने रक्तदाब वाढू शकतो. जर तुम्ही रक्तदाबाचे रुग्ण असाल तर बटाट्याचे जास्त सेवन करायला विसरू नका. त्यामुळे रक्तदाबाची समस्या आणखी वाढू शकते.

2. ऍलर्जी

बटाटे खाल्ल्याने अनेकांना ऍलर्जी होऊ शकते. विशेषत: जर तुम्ही निळ्या रंगाचे किंवा अंकुरलेले बटाटे खाल्ले तर ते शरीराचे नुकसान देखील करू शकतात. अशा बटाट्याच्या सेवनाने अॅलर्जीचा त्रास होऊ शकतो.

3. वजन वाढणे

बटाट्याच्या अतिसेवनाने वजन वाढू शकते. बटाट्यांमध्ये कर्बोदके भरपूर असतात आणि कर्बोदकांमधे जास्त प्रमाणात कॅलरीज वाढू शकतात, ज्यामुळे लठ्ठपणा होऊ शकतो.

4. आम्लता

बटाट्याच्या अतिसेवनामुळे अनेकांना अॅसिडिटीचा त्रास होऊ शकतो. जर तुम्हाला गॅस, अपचनाची समस्या असेल तर तुम्ही बटाट्याचे सेवन टाळावे.