व्यायामानंतर केलेल्या या ५ चूकांमुळे वजन कमी होत नाही!

मुंबई : तुम्ही आठवड्यातून ५ दिवस व्यायाम करता तरीही त्याचा परिणाम जाणवत नाही का? यासाठी तुम्ही व्यायमानंतर लगेचच काय खाता हे महत्त्वाचे आहे. कारण वजन कमी न होण्यास त्या गोष्टी जबाबदार ठरतात. व्यायामानंतर तुमच्या होणाऱ्या खाण्या-पिण्याचा चुका त्यास कारणीभूत ठरतात. तर जाणून घेऊया व्यायामानंतर काय खाणे योग्य ठरेल...?

अति प्रमाणात खाणे:

वजन कमी करताना तुम्ही किती व्यायाम करता यापेक्षा तुम्ही किती खाता, काय खाता याला अधिक महत्त्व आहे. त्यामुळे व्यायामानंतर योग्य ते अन्नपदार्थ योग्य प्रमाणात खा.

कार्ब्स न घेणे:

व्यायामानंतर स्नायूंना अधिक प्रमाणात ग्लुकोजची गरज असते. धान्य, डाळी, फळे आणि भाज्या यातून तुम्हाला भरपूर प्रमाणात ग्लुकोज मिळेल.

अतिरिक्त प्रमाणात प्रोटीन्स घेणे:

व्यायामाचे फायदे अधिक करण्यासाठी व्यायामानंतर प्रोटीन्स घेणे गरजेचे आहे, हा गैरसमज आहे. जर तुमच्या आहारात पुरेशा प्रमाणात प्रोटीन असेल तर व्यायामानंतर तुम्हाला अतिरिक्त प्रोटीन्स घेण्याची आवश्यकता नाही.

बियर पिणे:

व्यायामानंतर बियर घेतल्यास रिबिल्ड आणि रिकव्हर होण्याची स्नायूंची क्षमता कमी होईल.

पाणी न पिणे:

हलका व्यायाम केल्याने देखील थोड्या प्रमाणात डिहायड्रेशन जाणवते. म्हणून व्यायामानंतर पुरेसे पाणी प्या.