'तू मरणार आहेस का?' हल्ल्यानंतर तैमूरने सैफला विचारला प्रश्न; पहिल्यांदा सांगितलं 'त्या' रात्री नेमकं काय घडलं?

अभिनेता सैफ अली खान याच्यावर गेल्या महिन्यात राहत्या घरी हल्ला झाला होता. या संपूर्ण प्रकरणावर पहिल्यांदाच सैफ अली खानने मौन सोडलं आहे. 16 जानेवारी रोजी, मुंबईत एका घुसखोराने सैफवर त्याच्या घरी हल्ला केला आणि त्याला सहा चाकूने वार करण्यात आले. अभिनेत्याला रुग्णालयात दाखल करण्यात आले होते. यावेळी त्याच्यावर श्सत्रक्रिया करण्यात आली आणि सैफला काही दिवसांनी घरी सोडण्यात आलं. घटनेनंतरच्या सैफच्या पहिल्या मुलाखतीत टाईम्सला सांगितले की, हल्ल्यानंतर त्याचा मुलगा तैमूरची पहिली प्रतिक्रिया काय होती?

तैमूरच्या प्रतिक्रियेवर सैफ अली खान

हल्लेखोराशी लढताना जखमी झाल्यानंतर सैफला आठवले की त्याचा कुर्ता रक्ताने माखला होता. सैफची पत्नी करीना आणि मुले तैमूर आणि जेह यांच्यासह कुटुंब खाली गेले आणि रुग्णालयात जाण्यासाठी ऑटो किंवा कॅब शोधू लागले. "मी म्हणालो, मला थोडे दुखत आहे. माझ्या पाठीत काहीतरी होत आहे मला त्याचा त्रास होतोय. यावेळी करीनाने सांगितले की, तू हॉस्पिटलमध्ये जा आणि मी माझ्या बहिणीच्या करीनाच्या घरी जाते. ती हताशपणे फोन करत होती - पण कोणीही फोन उचलला नाही. आणि आम्ही एकमेकांकडे पाहिले आणि मी म्हणालो, 'मी ठीक आहे. याच दरम्यान तैमूरने सैफला प्रश्न विचारला की, 'तू मरणार आहेस का?' तेव्हा सैफने त्या परिस्थितीतही दिलेलं उत्तर तैमूर आणि संपूर्ण खान कुटुंबाला बळ देऊन गेला. सैफ म्हणाला की, 'नाही'.

सुरुवातीच्या वृत्तानुसार, सैफचा मोठा मुलगा इब्राहिम आणि तैमूर लीलावती रुग्णालयात त्याच्यासोबत असल्याचं डॉक्टरांनी उघड केलं. त्याच्या 8 वर्षांच्या मुलाला त्याच्यासोबत का आणले याबद्दल बोलताना सैफ म्हणाला, "तो पूर्णपणे शांत होता. तो ठीक होता. तो म्हणाला, 'मी तुझ्यासोबत येतोय.' आणि मला वाटलं, जर काही झालं तर... त्यावेळी त्याला पाहून मला खूप समाधान वाटत होतं आणि मला एकटं जायचं नव्हतं. करीनाने तैमूरला माझ्यासोबत पाठवलं होतं, कारण तो माझ्यासाठी काय करेल हे त्याला माहीत होतं. कदाचित ते नव्हतं... त्यावेळी, ते करणं योग्य होतं. मला ते आवडलं आणि मला असंही वाटलं, जर देव करो, काही झालं तर मी त्याला तिथे हवं असं म्हणेन आणि त्यालाही तिथे हवं होतं. म्हणून, आम्ही रिक्षातून गेलो."

21 जानेवारीला मिळाला डिस्चार्ज 

सैफने पाच दिवस लीलावती रुग्णालयात घालवले. हल्ल्याच्या दिवशी अभिनेत्यावर दोन शस्त्रक्रिया झाल्या. त्याच्यावर उपचार करणाऱ्या डॉक्टरांनी सांगितले की, त्याला सहा जखमा झाल्या आहेत, ज्यामध्ये दोन खोल जखमा आहेत. 21 जानेवारी रोजी सैफला रुग्णालयातून डिस्चार्ज देण्यात आला. या महिन्याच्या सुरुवातीला, हल्ल्यानंतर तो पहिल्यांदाच नेटफ्लिक्स इंडियाच्या एका कार्यक्रमात सार्वजनिकरित्या उपस्थित झाला. मानेवर पट्टी बांधून आणि हातात प्लास्टर घालून, सैफने त्याचा आगामी नेटफ्लिक्स चित्रपट - ज्वेल थीफचे प्रमोशन केले.