अभिनेत्रीचा संताप अनावर; 'माझा भाऊ कोरोना पॉझिटीव्ह नाही तरीसुद्धा.....'

मुंबई : मालिका विश्वात आपली वेगळी ओळख प्रस्थापित करणाऱ्या एका लोकप्रिय अभिनेत्रीने सोशल मीडियाच्या माध्यमातून कोरोना Coronavirus व्हायरसविषयी गैरसमज आणि अफवा पसरवणाऱ्यांवर निशाणा साधला आहे. असं करत असताना तिने स्वत:च्याच भावाचंही उदाहरण दिलं आहे. सध्याच्या आव्हानात्मक प्रसंगी आपल्या कुटुंबातीलच व्यक्ती कशा प्रकारे जबाबदारीने वागत आहेत हे तिनं सर्वांसमोर आणलं आहे. पण, या साऱ्यामागे एक कारणही असल्याचं तिची पोस्ट वाचून लक्षात येत आहे. 

विमानसेवा पुरवणाऱ्या कंपनीत कार्यरत असणाऱ्या अनेकांकडेच सध्या कोरोना संशयितांच्या दृष्टीने पाहण्यात येत आहे. पण, हे पूर्णपणे चुकीचं असून, आपला भाऊसुद्धा वैमानिक आहे. पण, तो कोरोना पॉझिटीव्ह नाही. उलटपक्षी त्याने स्वत:हून अतिशय जबाबदारपणे काही दिवस विलगीकरणात राहण्याचा निर्णय घेतला असल्याची अतिशय महत्त्वाची बाब तिने सर्वांसमोर मांडली. 

काही दिवसांपूर्वीच एका विमानसेवा पुरवणाऱ्या कंपनीत कार्यरत असणाऱ्या महिला कर्मचाऱ्याला आणि तिच्या आईला शेजाऱ्यांकडून बरीच अपमानास्पद वागणूक मिळाली होती. त्याच महिला कर्मचाऱ्याचा व्हिडिओ शेअर करत दिव्यांकाने कोरोनाच्या मुद्द्यावरुन अफवा पसरवणाऱ्यांना किमान आता तरी हे सर्व बंद करा असं स्पष्ट शब्दांत सांगितलं आहे. 

एकमेकांमध्ये अंतर राखा, पण सर्वप्रथम आपण मानवता अजिबातच विसरु नका असा संदेश तिने दिला. 'माझा भाऊ वैमानिक आहे. अतिशय जबाबदारीने तो विलगीकरणार आहे.  कोणतीही चिन्हं नसतानाही. आणि जर तो कोरोना पॉझिटीव्ह असता तर, इतरांप्रमाणेच त्यानेसुद्धा यावर उपचार घेतलेच असते', असं तिने लिहिलं. आपल्या भोपाळच्या घराबाहेर अधिकाऱ्यांना यासंबंधीचा एक शिक्का लावल. अर्थात ते गरजेचं होतं. पण, यावेळी ते भावाला कोरोना झाला नसल्याचं नमूद न करताच गेले. सध्याच्या घडीला विमानसेवांमध्ये काम करणाऱ्यांच्या कुटुंबांना कोणत्या परिस्थितीचा सामना करावा लागत असेल याविषयी दिव्यांकाने चिंता व्यक्त केली. 

 

 

 

 

View this post on Instagram

#CoronaShaming is most dastardly act one can indulge into. Keep distance, be careful but don't lose empathy that primarily defines us as humans. My brother is a pilot, willingly self quarantined at home, while SHOWING NO SYMPTOMS for 13 days. Even if he would have been affected he would have got himself treated like any other dutiful staff. Until recently, when officials posted a label outside our Bhopal house which is important but it 'failed to mention that he's NOT COVID POSITIVE', I didn't know what trauma airline staff was going through. Several being made to leave their houses, many are being ill treated, their families are being stigmatised...just because THEY CHOSE TO SERVE YOU OVER THEIR LIFE! My father risks his life everyday to provide others medicines from his pharmacy. My brother dared to keep flying till last government directive so that several stranded passengers can return home. It's a risk so many brothers, sisters, fathers, mothers are taking every day providing us essential services, while their families can only pray for their well being. We conveniently traveled and we are still shopping for our medicines, grocery etc but when it comes to addressing these selfless workers, some of us choose to ostracise them! Least we can do is be respectful as neighbors and fellow citizens, let them live with dignity, if not thank them personally. #AviationCrewDeservesRespect #BeingQuarantinedIsNotBeingPositive #StopCoronaShaming #NotAllQuarantinedArePositive

A post shared by Divyanka Tripathi Dahiya (@divyankatripathidahiya) on Mar 27, 2020 at 11:03am PDT

कोरोनाशी लढा देत असतेवेळी कित्येकजण त्यांचे प्राण पणाला लावून रुग्णांची शक्य त्या सर्व परिंनी सेवा करत आहेत. हे स्पष्ट करतेवेळी तिने आपल्या वडिलांचं आणि भावाचं उदाहरण दिलं. सध्याच्या घडीला हरवत चाललेली माणुसकी आणि अफवांचा उठणारा बाजार पाहता परिस्थिती किती चिंताजनक आहे हेच तिच्या या पोस्टमधून सर्वांपर्यंत पोहोचलं.