തിരുവനന്തപുരം: മേയർ ആര്യ രാജേന്ദ്രനും സച്ചിൻ ദേവ് എംഎൽഎയും വിവാഹിതരായി. 11 മണിയോടെ എകെജി സെൻററിൽ വെച്ച് നടന്ന ചടങ്ങിൽ വളരെ ലളിതമായായിരുന്നു നേതാക്കൾ കൈമാറിയ രക്ത ഹാരങ്ങൾ ഇരുവരും അണിഞ്ഞതോടെ ചടങ്ങുകൾ പൂർത്തിയായി.മുഖ്യമന്ത്രി പിണറായി വിജയൻ, സിപിഎം സംസ്ഥാന സെക്രട്ടറി എംവി ഗോവിന്ദൻ, കോഴിക്കോട് ജില്ലാ സെക്രട്ടറി പി മോഹനൻ മാസ്റ്റർ, തിരുവനന്തപുരം ജില്ലാ സെക്രട്ടറി ആനാവൂർ നാഗപ്പൻ വിവിധ മന്ത്രിമാർ, രാഷ്ട്രീയ രംഗത്തെ പ്രമുഖർ എന്നിർ ചടങ്ങിൽ പങ്കെടുത്തു.
അതേസമയം വിവാഹത്തിന് ഉപഹാരങ്ങൾ ഒന്നും വേണ്ടെന്ന് ഇരുവരും നേരത്തെ അറിയിച്ചിരുന്നു. ലളിതമായി തയ്യാറാക്കിയ കത്തിൽ രക്ഷകർത്താക്കളുടെയും വീടിന്റെയും വിവരത്തിന് പകരം സച്ചിന്‍റെയും ആര്യയുടെയും പാർട്ടിയിലെ ഭാരവാഹിത്വം പറഞ്ഞാണ് പരിചയപ്പെടുത്തിയത്. ബാലുശ്ശേരി എംഎൽഎയും സിപിഎം കോഴിക്കോട് ജില്ലാ കമ്മിറ്റി അംഗവുമാണ് കെഎം സച്ചിൻദേവ്,സിപിഎം ചാല ഏരിയാ കമ്മിറ്റി അംഗം കൂടിയാണ് ആര്യ രാജേന്ദ്രൻ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
