K Kavitha Celebrates Sankranti Festival With Family: తెలుగు రాష్ట్రాల్లో సంక్రాంతి పండుగ అంగరంగ వైభవంగా జరుగుతోంది. బీఆర్ఎస్ పార్టీ ఎమ్మెల్సీ, తెలంగాణ జాగృతి అధ్యక్షురాలు కల్వకుంట్ల కవిత పండుగ సంబరాల్లో మునిగి తేలుతున్నారు. భోగి రోజు సంబరాలు చేసుకోగా.. సంక్రాంతి పండుగను కుటుంబసభ్యులతో కలిసి చేసుకున్నారు. ఆ ఫొటోలు వైరల్‌గా మారాయి.
సంక్రాంతి వేడుకలను బీఆర్ఎస్ పార్టీ ఎమ్మెల్సీ, తెలంగాణ జాగృతి అధ్యక్షురాలు కల్వకుంట్ల కవిత ఘనంగా చేసుకున్నారు.
హైదరాబాద్‌ జూబ్లీహిల్స్‌లోనితన నివాసంలో కుటుంబసభ్యుల మధ్య సంక్రాంతి సంబరాలు కవిత చేసుకుని ఆనందంలో మునిగారు.
సంక్రాంతి పండుగను సాంప్రదాయం ఉట్టిపడేలా ఎమ్మెల్సీ కవిత చేసుకున్నారు. త‌న నివాసంలో గుమ్మం ఎదుట రంగురంగులతో అతిపెద్ద ముగ్గు వేసి కవిత అబ్బురపరిచారు.
ఈ సందర్భంగా ముగ్గుపై పాలు పొంగించారు. అనంతరం పిండివంటలు వండుకుని తిని.. కుటుంబంతో ఆనందంగా గడిపారు
ఈ సందర్భంగా రాష్ట్ర ప్రజలు, రైతులకు సంక్రాంతి శుభాకాంక్షలు తెలిపిన కవిత 'రైతాంగం.. పాడిపంటలు, సిరి సంపదలు, సుఖ సంతోషాలతో ఉండాలి' అని ఆకాంక్షించారు.
