HMPV Virus Spread: చైనా వైరస్ భారత్‌లోకి ఎంట్రీ ఇచ్చింది. మొదట కర్నాటకలోని ఇద్దరు చిన్నారులకు హెచ్‌ఎంపీవీ పాజిటివ్‌ వచ్చింది. ఆ తర్వాత గుజరాత్‌, చెన్నైలో కూడా పాజిటివ్‌ కేసులు వచ్చాయి. ఈ నేపథ్యంలో తెలంగాణ ప్రభుత్వం కూడా అప్రమత్తమైంది. గాంధీ ఆసుపత్రిలో ప్రత్యేక ఏర్పాట్లు చేశారు.
హెచ్‌ఎంపీవీ వైరస్ కరోనా ప్రమాదకరం కాదని గాంధీ ఆసుపత్రి వైద్యులు చెప్పారు. ఇది సాధారణ ఇన్‌ఫ్లూయెంజా మాత్రమే వారంలో తగ్గిపోతుందని వైద్యులు చెబుతున్నారు. అయితే వైరస్ వ్యాప్తి చెందుతే ఆ రోగులకు ప్రత్యేక ఏర్పాట్లు గాంధీలో చేశారు.
ముఖ్యంగా 600 ఆక్సిజన్‌ బెడ్స్‌, 40 వేల లీటర్ల లిక్విడ్‌ ఆక్సిజన్‌, 450 వెంటిలేటర్స్, 400 మానిటర్స్‌, పీడియాట్రిక్‌ వెంటిలేటర్ల ఏర్పాట్లు కూడా పూర్తి చేశారు.
ఈ వైరస్ 2001 నుంచే ఉంది. శ్వాసకోశ వ్యవస్థపై ప్రభావం చూసుతుందని మంత్రి దామోదర రాజనర్సింహ కూడా చెప్పార. తుమ్మినప్పుడు, దగ్గినప్పుడు వచ్చే తుంపర్ల ద్వారా ఈ వైరస్ వ్యాప్తి చెందుతుంది అన్నారు.
ఇక హెచ్‌ఎంపీవీ వైరస్ గురించి ఆందోళన వద్దన WHO మాజీ చీఫ్‌ సైంటిస్ట్‌ డా. సౌమ్య స్వామినాథన్‌ కూడా తెలిపారు. ఈ వైరస్ కొత్తగా వచ్చిందేమి లేదు. గతంలోనే వచ్చిందనన్నారు. జలుపు చేసినప్పుడు కొన్ని ప్రత్యేక జాగ్రత్తలు తీసుకుంటే త్వరగా బయటపడవచ్చు అన్నారు.
కరోనా సమయంలో డబ్ల్యూహెచ్‌ఓ చీఫ్‌ సైంటిస్ట్‌గా సౌమ్య పనిచేశారు. ఇక గాంధీ ఆసుపత్రిలో కరోనా సమయంలో అన్ని ఏర్పాట్లను చేసి తగిన చికిత్సను అందించిన సంగతి తెలిసిందే. ఈ ప్రభుత్వ ఆసుపత్రిని ప్రస్తుత హెచ్‌ఎంపీవీ వ్యాప్తి నేపథ్యంలో మరోసారి సిద్ధం చేశారు.
