Masala Vada Get Placed In Tirumala Annaprasadam Menu: కలియుగ దైవం తిరుమల వెంకటేశ్వరడిని దర్శించుకునే భక్తులకు ఆకలితో అలమటించరు. లక్షలాది మంది భక్తులకు నిత్యం అన్నప్రసాదం అందిస్తున్న తిరుమల తిరుపతి దేవస్థానం తాజాగా మరింత నాణ్యంగా.. రుచికరంగా అందించాలని నిర్ణయించింది. ప్రసాదంలో కొత్తగా వడ అందించాలని టీటీడీ భావిస్తోంది.
తిరుమల కొండపై భక్తులకు కడుపునిండా అన్నప్రసాదం భోజనం అందిస్తోంది. అన్నప్రసాదాన్ని మరింత రుచికరంగా అందించాలని టీటీడీ నిర్ణయం తీసుకుంది.
అన్నప్రసాదం మెనూలో టీటీడీ అధికారులు భారీ మార్పులు చేస్తున్నారు. ఈ భోజనంలో సరికొత్తగా మరో పదార్థం అందించాలని నిర్ణయించింది.
అన్నప్రసాద వితరణ కేంద్రంలో భోజనంతో పాటు మసాలా వడలు పెట్టాలని టీటీడీ ప్రయోగాత్మకంగా పరిశీలిస్తోంది. భక్తులకు మసాలా వడలు వడ్డించేందుకు సిద్ధమైంది.
ఈ వడలు కూడా ఉల్లిపాయలు.. వెల్లులి లేకుండా తయారుచేయడం విశేషం. తరిగొండ వెంగమాంబ అన్నప్రసాద కేంద్రంలో సోమవారం ట్రయల్ రన్ చేపట్టారు.
ప్రయోగాత్మకంగా దాదాపు 5 వేల మంది భక్తులకు టీటీడీ అధికారులు మసాలా వడలు వడ్డించారు. వడ్డించిన మసాలా వడలు రుచిగా ఉన్నాయని భక్తులు సంతృప్తి వ్యక్తం చేశారు.
భక్తుల నుంచి సానుకూల స్పందన లభించడంతో ఫిబ్ర‌వ‌రి 4వ తేదీ రథసప్తమి సందర్భంగా పూర్తిస్థాయిలో భక్తులందరికీ మసాలా వడలు వడ్డించాలని టీటీడీ నిర్ణయించినట్లు సమాచారం.
