Telugu highest remuneration heroines: ప్రస్తుతం తెలుగు సినిమాల ప్రపంచవ్యాప్తంగా ఎంతో పేరు తెచ్చుకుంటున్నాయి. ఈ క్రమంలో దక్షిణ భారత సినీ పరిశ్రమలో హీరోయిన్లకు.. భారీ పారితోషికం లభిస్తోంది. ప్రస్తుతానికి అత్యధిక రెమ్యూనరేషన్ తీసుకుంటున్న టాప్ 5 హీరోయిన్లెవరో తెలుసుకోవాలంటే.. ఇది తప్పక చదవాల్సిందే..
ఇటీవల పాన్-ఇండియా సినిమాలు ప్రపంచవ్యాప్తంగా గుర్తింపు పొందాయి. దీంతో దక్షిణ భారత సినీ తారలకు విశేషమైన అభిమానులు ఏర్పడ్డారు. ప్రస్తుతం అత్యధిక పారితోషికం తీసుకుంటున్న నటి ఎవరు? రష్మికా మందన్నా, నయనతారలలో ఎవరు ముందున్నారు? ఈ వివరాలను ఇప్పుడు తెలుసుకుందాం.
సాయి పల్లవి తన నేచురల్ యాక్టింగ్‌తో ప్రేక్షకులను ఆకట్టుకుంటుంది. ఆమె నాగ చైతన్య సరసన నటించిన "తండెల్" చిత్రానికి రూ. 5 కోట్లు పారితోషికంగా తీసుకుంది. అలాగే రణ్‌బీర్ కపూర్ ప్రధాన పాత్రలో నటిస్తున్న "రామాయణం"లో భాగం కానున్న ఆమె ప్రతి సినిమాకు రూ. 6 కోట్లు పారితోషికంగా అందుకుంటుందట. ఎంతోమంది స్టార్ హీరోయిన్స్ ఉండగా.. గ్లామర్ పాత్రలకు ఎంతో దూరంగా ఉండే.. సాయి పల్లవి మొదటి స్థానంలో నిలవడంతో.. అందరూ ఆశ్చర్యపోతున్నారు.
నయనతార దక్షిణ భారతదేశంలో అత్యధిక పారితోషికం అందుకుంటున్న హీరోయిన్లలో ఒకరు. 2018లో ఫోర్బ్స్ ఇండియా "సెలెబ్రిటీ 100" జాబితాలో ఉన్న ఏకైక దక్షిణ భారతీయ నటి ఆమె. IMDb ప్రకారం, ఆమె ఒక్క సినిమాకు రూ. 3 - 12 కోట్లు వసూలు చేస్తోంది.
"బాహుబలి" చిత్రంతో అంతర్జాతీయ గుర్తింపు తెచ్చుకున్న అనుష్క శెట్టి, 2010లో తమిళనాడు ప్రభుత్వం నుంచి "కళైమామణి" అవార్డును పొందింది. IMDb నివేదిక ప్రకారం, ఆమె ఒక్క సినిమాకు రూ. 5 - 7 కోట్లు పారితోషికంగా అందుకుంటుంది.
"పుష్ప" చిత్రంతో దేశవ్యాప్తంగా గుర్తింపు పొందిన రష్మిక మందన్నా, ప్రస్తుతం బాలీవుడ్‌లోకి అడుగుపెట్టింది. "మిషన్ మజ్ను", "గుడ్‌బై" చిత్రాలతో బాలీవుడ్‌లో బిజీగా మారిన రష్మిక, "పుష్ప 2"లో అల్లు అర్జున్ సరసన నటిస్తోంది. ఆమె ఒక్క సినిమాకు రూ. 4 - 8 కోట్లు తీసుకుంటోంది.
తెలుగు, తమిళ చిత్రసీమలో తనదైన ముద్ర వేసుకున్న సమంతా, 2012లో "ఈగ" చిత్రంతో విపరీతమైన క్రేజ్ సంపాదించుకుంది. తమిళనాడు, తెలుగు రాష్ట్రాల్లో భారీ ఫ్యాన్ బేస్ కలిగిన ఆమె, ప్రతి సినిమాకు రూ. 3 - 8 కోట్లు తీసుకుంటుందట.
