Senagapappu Vadalu Recipe: ఆంధ్రప్రదేశ్‌తో పాటు వివిధ రాష్ట్రాల్లో ఎంతో ప్రసిద్ధి చెందిన స్నాక్స్‌లో శనగపప్పు వడ ఒకటి. వీటిని చాలామంది టీ తాగే సమయంలో తినేందుకు ఎక్కువగా ఇష్టపడుతూ ఉంటారు. ఇవి నోటికి కరకరలాడుతూ ఎంతో రుచిగా తిన్న కొద్ది తినాలనిపిస్తూ ఉంటాయి. అందుకే పిల్లలు కూడా వీటిని ఎంతో ఇష్టంగా తింటూ ఉంటారు. వడలను వివిధ రకాల పిండితో తయారు చేసుకుంటారు. కానీ శనగపప్పుతో తయారుచేసిన వడల టేస్టే వేరుగా ఉంటుంది. అలాగే వీటిని క్రమం తప్పకుండా తినడం వల్ల శరీరానికి కావలసిన కొన్ని పోషకాలు కూడా లభిస్తాయి. అందుకే చాలామంది అప్పుడప్పుడు ఇంట్లో వీటిని స్నాక్స్‌గా తీసుకుంటూ ఉంటారు. చాలామంది వీటిని మరింత హెల్తీగా తయారు చేసుకోవడానికి ఈ వడలను తయారు చేసుకునే క్రమంలో వివిధ రకాల కూరగాయలను కూడా వినియోగిస్తూ ఉంటారు. అయితే మీరు కూడా ఈరోజు శనగపప్పు వడాలను తయారు చేసుకోవాలనుకుంటున్నారా? ఇలా ఇంట్లోనే సులభంగా తయారు చేసుకోండి.
కావలసిన పదార్థాలు:
1 కప్పు శనగపప్పు
1/2 కప్పు ఉల్లిపాయ, తరిగినవి
1/2 అంగుళం అల్లం, తురిమినది
1/2 టీస్పూన్ పచ్చిమిరపకాయలు, తరిగినవి
1/2 టీస్పూన్ జీలకర్ర
1/4 టీస్పూన్ కరివేపాకు
1/4 టీస్పూన్ పసుపు
1/4 టీస్పూన్ మిరపకాయలు
ఉప్పు రుచికి సరిపడా
నూనె వేయడానికి
తయారీ విధానం:
ఈ శనగపప్పు వడాలను తయారు చేసుకోవడానికి ముందుగా ఒక పెద్ద బౌల్ ని తీసుకోవాల్సి ఉంటుంది.
ఆ బౌల్లో శనగపప్పును వేసుకొని తగినంత నీటిని పోసుకొని ఆరు గంటల పాటు నానబెట్టుకోవాల్సి ఉంటుంది.
ఇలా నానబెట్టుకున్న పప్పును బాగా శుభ్రం చేసుకొని ఐదు నిమిషాల పాటు పక్కన పెట్టుకోవాలి.
ఆ తర్వాత గ్రైండర్ గిన్నెలో శనగపప్పు వేసుకొని దాదాపు ఐదు నిమిషాల పాటు ఫైన్ గా పేస్ట్ చేసుకోవాల్సి ఉంటుంది.
ఆ తర్వాత పిండిని పక్కన పెట్టుకొని అందులో ఉల్లిపాయ, అల్లం, పచ్చిమిరపకాయలు, జీలకర్ర, కరివేపాకు, పసుపు, మిరపకాయలు, ఉప్పు వేసి బాగా కలపాలి.
స్టవ్ పై చిన్న మూకుడు పెట్టుకొని నూనెను పోసుకొని బాగా వేడి చేసుకోవాల్సి ఉంటుంది.
Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
ఆ తర్వాత పిండిని వడల లాగా చేసుకుని నూనెను వేసుకొని గోధుమ రంగు వచ్చేంతవరకు బాగా వేయించుకోవాలి.
ఇలా వేయించుకున్న తర్వాత ఒక గిన్నెలోకి తీసుకొని పల్లి చట్నీ లేదా పచ్చి కొబ్బరి చట్నీతో సర్వ్ చేసుకోవచ్చు.
చిట్కాలు:
శనగపప్పు వడలను మరింత రుచిగా చేయడానికి, వాటిలో కొత్తిమీర, పుదీనా ఆకులను కూడా కలుపుకోవచ్చు.
వడలను వేయించేటప్పుడు నూనె చాలా వేడిగా ఉండకూడదు. లేకపోతే అవి బయట మాత్రమే వేగి లోపల ఉడకకుండా ఉంటాయి.
వడలను వేడి వేడిగా వడ్డించడం వల్ల అవి మరింత రుచిగా ఉంటాయి. పిల్లలు కూడా ఎంతో ఇష్టంగా తింటారు.
Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
