இந்தியாவில் ஸ்மார்ட்போன் அத்தியாவசிய பொருளாக மாறி விட்ட நிலையில், அதன் சந்தை நாளுக்கு நாள் அதிகரித்து வருகிறது. பட்ஜெட் போன்கள் அதிக அளவில் ஒரு பக்கம் விற்றாலும், ப்ரீமியம் போன் வாங்குபவர்களின் எண்ணிக்கையும் ஒரு பக்கம் அதிகரித்து வருகிறது. இஎம்ஐ வசதி கிடைப்பதும் இதற்கு முக்கிய காரணமாக உள்ளது
ஆப்பிள் ஐபோன்களின் விலை அதிகமாக இருந்தாலும் அதன் மீதான மக்களின் ஆர்வம் அதிகமாக இருப்பதால், ஒவ்வொரு மாதமும் விற்பனை அதிகரித்துக் கொண்டே செல்கிறது. ஆப்பிள் நிறுவனத்தின் தலைமை நிர்வாக அதிகாரி டிம் குக் வெள்ளிக்கிழமை, அக்டோபர் மற்றும் டிசம்பர் 2024 காலகட்டத்தில், ஆப்பிள் நிறுவனம் இந்தியாவில் ஐபோன் விற்பனையில் சாதனை படைத்ததுள்ளதாக கூறினார். இந்த காலாண்டில் இந்தியாவில் அதிகம் விற்பனையாகும் ஸ்மார்ட்போன் மாடலாக ஐபோன் உள்ளது.
ஆப்பிள் நிறுவனத்தின் வருவாய் குறித்து டிம் குக் கூறுகையில், 'இந்த காலாண்டில் இந்தியாவில் அதிகம் விற்பனையாகும் மாடலாக ஐபோன் இருந்தது. இந்தியா உலகின் இரண்டாவது பெரிய ஸ்மார்ட்போன் சந்தை மற்றும் மூன்றாவது பெரிய PC மற்றும் டேப்லெட் சந்தையாகும். இந்த சந்தைகளில், எங்கள் நிறுவனத்தின் போன்கள் விற்பனை மேலும், மேலும் அதிகரிப்பதற்கான சாத்தியங்கள் இருப்பதாக நான் நினைக்கிறேன்‘ என்றார்.
இந்தியாவில் அதிகம் விற்பனையாகும் ஸ்மார்ட்போன் மாடலாக ஐபோன் இருப்பது இதுவே முதல் முறை என நிபுணர்கள் கூறுகின்றனர். கவுண்டர்பாயின்ட் ரிசர்ச் (Counterpoint Research) ஆராய்ச்சி இயக்குனர் தருண் பதக் இது குறித்து கூறுகையில், 'அக்டோபர்-டிசம்பர் காலாண்டில் இந்தியாவில் அதிகம் விற்பனையான மாடலாக ஐபோன் 15 இருந்தது. டிம் குக் மேலும் கூறுகையில், கான்டரின் சமீபத்திய கணக்கெடுப்பின்படி, டிசம்பர் காலாண்டில் அமெரிக்கா, நகர்ப்புற சீனா, இந்தியா, இங்கிலாந்து, பிரான்ஸ், ஆஸ்திரேலியா மற்றும் ஜப்பான் ஆகிய நாடுகளில் ஐபோன் அதிகம் விற்பனையான மாடலாக இருந்தது என்றார்.
2024 ஆம் ஆண்டில், ஆப்பிள் இந்திய ஸ்மார்ட்போன் சந்தையை மதிப்பின் அடிப்படையில் 23% பங்குடன் உள்ளது. இதற்குப் அடுத்தபடியாக, Samsung 22%, Vivo 16%, Oppo 14% மற்றும் Xiaomi 9% ஆக இருந்தது. இருப்பினும், எண்ணிகையை பொறுத்தவரை, Vivo 19% பங்குகளுடன் இந்திய சந்தையில் முன்னிலை வகிக்கிறது. அதைத் தொடர்ந்து Xiaomi 17%, சாம்சங் 16% மற்றும் Oppo 15%. அக்டோபர் - டிசம்பர் காலாண்டில், Vivo 20% பங்குகளுடன் முதலிடத்தைப் பிடித்தது. இதற்க்ஜு அடுத்தபடியாக Xiaomi 16%, சாம்சங் 15%, Oppo 14% மற்றும் ஆப்பிள் 11% என்ற அளவில் இருந்தது.
ஆப்பிள் இந்தியாவில் விற்பனை மேலும் அதிகரிக்கும் என்று நம்பிக்கை வெளியிட்டார். டிசம்பர் காலாண்டில் இந்தியா ஒரு புதிய சாதனையைப் படைத்தது மற்றும் நிறுவனம் இங்கு நான்கு புதிய கடைகளைத் திறக்கப் போகிறது. ஆப்பிள் நிறுவனம் தற்போது மும்பை மற்றும் புது தில்லியில் இரண்டு ஸ்டோர்களைக் கொண்டுள்ளது. ஏப்ரல் மாதத்தில், ஆப்பிள் இந்தியாவிற்கான உள்ளூர்மயமாக்கப்பட்ட ஆங்கிலம் உட்பட மேலும் பல மொழிகளில் "ஆப்பிள் நுண்ணறிவை" கொண்டு வர உள்ளது.
மேலும் படிக்க | 8வது ஊதியக்குழு: மாறும் Fitment Factor, தாறுமாறா எகிறப்போகும் ஊதியம், ஓய்வூதியம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
