வெல்லம் என்பது இனிப்புகளின் அரசன் என்று அழைக்கப்படுகிறது. எந்த வித பக்க விளைவுகளும் இல்லாமல், நம் நாவிற்கு ருசியாகவும், உடலுக்கு வலிமையாகவும் வெல்லம் அதன் இனிப்பை நமக்கு அளிக்கின்றது. வெல்லத்தில் உள்ள பல சுகாதார நன்மைகளை இன்னும் பலர் உணரவில்லை என்றுதான் கூற வேண்டும்.
வெல்லம் கால்சியம், மெக்னீசியம், இரும்பு, பொட்டாசியம் மற்றும் பாஸ்பரஸ் ஆகியவற்றால் நிரம்பியுள்ளது மற்றும் துத்தநாகம், தாமிரம், தியாமின், ரைபோஃப்ளேவின் மற்றும் நியாசின் ஆகியவற்றைக் கொண்டுள்ளது. வெல்லத்தில் பி வைட்டமின்கள், சில அளவு தாவர புரதங்கள் மற்றும் பைட்டோ கெமிக்கல்கள் ஆகியவை அதிக அளவில் உள்ளன என்று ஆய்வுகள் தெரிவிக்கின்றன.
வெல்லம் (Jaggery) சாப்பிடுவது, குறிப்பாக குளிர்காலத்தில், பல நன்மைகளை அளிக்கிறது. உங்கள் உணவில் அதிக வெல்லம் சேர்ப்பதன் மூலம் நீங்கள் பெறக்கூடிய சில ஆரோக்கிய நன்மைகள் பின்வருமாறு.
முழு உடலையும் சுத்தப்படுத்துகிறது
உணவு வேதியியலில் 2009 ஆம் ஆண்டு நடத்தப்பட்ட ஆய்வின்படி, வெல்லத்தில் உள்ள ஆன்டிஆக்ஸிடன்ட்கள் மற்றும் தாதுக்கள் இதற்கு ஒரு சைட்டோபுரோடெக்டிவ் தரத்தை அளிக்கின்றன, அதாவது நுரையீரலில் இருந்து சளியை அழிப்பது மட்டுமல்லாமல், சுவாச மற்றும் செரிமான பாதைகளையும் உள்ளே இருந்து வெல்லம் சுத்தம் செய்கிறது.
தினமும் ஒரு முறையாவது வெல்லம் சாப்பிடுவது உங்கள் முழு உடலையும் நச்சுத்தன்மையிலிருந்து விடுபட வைக்கும்.
செரிமானத்தை மேம்படுத்துகிறது
வெல்லத்தை வழக்கமாக உணவுக்குப் பிறகு இனிப்பாக உட்கொள்ள ஒரு காரணம் இருக்கிறது. இது குடலைத் தூண்டி செரிமான (Digestion) நொதிகளின் வெளியீட்டிற்கு உதவுகிறது. மலச்சிக்கல் மற்றும் பிற செரிமான பிரச்சினைகளால் பாதிக்கப்படுபவர்களுக்கு வெல்லம் சிறந்தது என்றும் நம்பப்படுகிறது.
ALSO READ: Health News: மஞ்சளை எப்போதெல்லாம் உட்கொள்ளக் கூடாது? அஜாக்கிரதை ஆபத்தாகலாம்!!
இரத்த சோகையைத் தடுக்கிறது
வெல்லம் இரும்பு மற்றும் பாஸ்பரஸ் போன்ற தாதுக்களால் நிரம்பியுள்ளது. இது உடலில் ஹீமோகுளோபின் உற்பத்திக்கு உதவுகிறது. உணவில் குறைந்த இரும்புச்சத்து உள்ளவர்களுக்கு அல்லது இரும்புச்சத்து குறைபாட்டால் இரத்த சோகை உருவாகும் அபாயத்தில் உள்ளவர்களுக்கு, வெல்லம் உட்கொள்வது சிறந்த பலனைத் தரும்.
நோயெதிர்ப்பு சக்தியை மேம்படுத்துகிறது
ஊட்டச்சத்துக்கள் நிறைந்த மற்றும் உடலை நச்சுத்தன்மையடைய உதவும் எந்தவொரு உணவும் நமது நோயெதிர்ப்பு (Immunity) மண்டலத்திற்கு சிறந்தது. எனவே, வெல்லம் மனிதகுலத்திற்கு கிடைக்கும் சிறந்த நோயெதிர்ப்பு சக்தியை அதிகரிக்கும் உணவுகளில் ஒன்றாக நம்பப்படுகிறது. குளிர்காலம், காய்ச்சல் மற்றும் பிற நோய்களைத் தடுக்க நமது உடலுக்கு கூடுதல் நோய் எதிர்ப்பு சக்தி தேவைப்படுகிறது. குளிர்காலத்தில் வெல்லம் அதிகமாக உட்கொள்ளப்படுவதற்கான காரணமும் இதுதான்.
குளுக்கோஸ் கட்டுப்பாடு மற்றும் எடை இழப்புக்கு உதவும்
வெல்லம் வெள்ளை சர்க்கரைக்கு ஒரு சிறந்த மாற்றாகும். இது உங்கள் இரத்தத்தில் உள்ள குளுக்கோஸ் அளவை அதிகரிக்கும். எடை அதிகரிப்பு மற்றும் உடல் பருமன் அபாயத்தையும் வெல்லம் குறைக்கும். வெல்லத்தை இனிப்பாகத் தேர்ந்தெடுப்பது உங்கள் இரத்த சர்க்கரை அளவைக் (Sugar Level) கட்டுக்குள் வைத்திருப்பது மட்டுமல்லாமல், உங்கள் எடையை சிறப்பாகக் கட்டுப்படுத்தவும் உதவும்.
ALSO READ: Shocking Health Facts: அளவுக்கு மிஞ்சினால் வேம்பும் விஷமே!!
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
