कोविडपेक्षा घातक व्हायरसचे 323 सॅम्पल लॅबमधून गायब, जगभरात तज्ज्ञांची झोप उडाली

Deadly Viruses Leak:  कोरोना व्हायरसने 2020 आणि 2021 या वर्षात जगभर हाहाकार माजवला. या महामारीमुळे लाखो लोकांना आपला जीव गमवावा लागला. ऑस्ट्रेलियातून एक भयानक बातमी आली असून कोरोनासारख्या घातक विषाणूचे शेकडो नमुने प्रयोगशाळेतून गायब झाल्याचे समोर आले आहे. क्वीन्सलँडचे आरोग्य मंत्री टिम निकोल्स यांनी जाहीर केले आहे की, लाइव्ह व्हायरसचे 323 नमुने आता गहाळ झाले आहेत. यामध्ये हेंड्रा व्हायरसचे सुमारे 100 नमुने, हंता व्हायरसचे नमुने आणि लस्सा व्हायरसचे 223 नमुने समाविष्ट आहेत. हे सर्व विषाणू मानवांसाठी अत्यंत धोकादायक आहेत. त्यामुळे पुन्हा एकदा देशावर टांगती तलवार असल्याची भीती संशोधकांकडून वर्तवण्यात येत आहे. 

सॅम्पल्स गायब झाल्याने एकच खळबळ 

या प्राणघातक विषाणूंचे नमुने गायब झाल्यानंतर जगभरात खळबळ उडाली आहे. कारण क्वीन्सलँडच्या अधिकाऱ्यांचे म्हणणे आहे की, हे नमुने शस्त्रे म्हणून वापरले जाऊ शकतात. यासोबतच हे काम कुणी सामान्य व्यक्तीने केलेले नसून ते एखाद्या तज्ज्ञाने केले असावे, असा दावाही त्यांनी केला आहे. 2021 मध्ये नमुने गहाळ झाले, परंतु याचा तपास ऑगस्ट 2023 मध्ये लागल्याचे, डेली मेल वृत्ताने म्हटले आहे. 

(हे पण वाचा - कोवीड लसीमुळे अचानक होतोय तरुणांचा मृत्यू? सरकारने संसदेत स्पष्टच म्हटलं...) 

व्हायरोलॉजी लॅबमधून प्राणघातक विषाणू गायब

क्वीन्सलँडच्या पब्लिक हेल्थ व्हायरोलॉजी लॅबमधून प्राणघातक विषाणूच्या कुपी बेपत्ता झाल्याचा समज आहे जेव्हा ते फ्रीजरमध्ये ठेवलेले होते तेव्हा ते खराब झाले होते. पत्रकार परिषदेत बोलताना क्वीन्सलँडचे मुख्य आरोग्य अधिकारी जॉन गेरार्ड म्हणाले, 'या नमुन्यांचे हे हस्तांतरण चिंतेचे कारण आहे. योग्य कागदपत्रांची पूर्तता न करता ते फ्रीजरमध्ये नेण्यात आले. नमुना त्या सुरक्षित स्टोरेजमधून काढला गेला असेल आणि तो हरवला असेल किंवा अन्यथा बेहिशेबी असेल, तर याचा धोका सर्वाधिक असल्याचं म्हटलं जात आहे. 

मानवांसाठी व्हायरस प्राणघातक

लॅबमधून बाहेर पडलेल्या विषाणूचे तीनही प्रकार हेन्ड्रा व्हायरस, हंता व्हायरस आणि लस्सा व्हायरस मानवांसाठी घातक ठरू शकतात. हेंड्रा विषाणू प्रामुख्याने घोड्यांना संक्रमित करतो, परंतु तो मानवांमध्ये देखील पसरू शकतो. या विषाणूमुळे मृत्यू होण्याचे प्रमाण 57 टक्के आहे. 1994 मध्ये ब्रिस्बेन उपनगरात 21 घोडे आणि दोन मानवांना संसर्ग झाल्यानंतर हा विषाणू पहिल्यांदा सापडला होता. डब्ल्यूएचओच्या म्हणण्यानुसार, विषाणूचा नैसर्गिक होस्ट फ्रूट बॅट आहे, ज्यापासून हा संसर्ग घोड्यांमध्ये आणि नंतर मानवांमध्ये पसरतो.

हंताव्हायरस हा प्राणीजन्य किंवा झुनोटिक विषाणू देखील आहे. जो उंदरांमध्ये उद्भवतो आणि त्यांच्या विष्ठा, मूत्र आणि लाळेमध्ये पसरतो. मानवांमध्ये, हा विषाणू हंताव्हायरस पल्मोनरी सिंड्रोमला कारणीभूत ठरतो. ज्यामुळे ताप, थंडी वाजून येणे, मळमळ, अतिसार आणि फुफ्फुसात द्रव भरणे होते. सीडीसीच्या मते, सर्व लक्षणांच्या 38 टक्के प्रकरणांमध्ये हा संसर्ग घातक आहे. लस्सा विषाणू हा रेबीजचा एक प्रकार आहे, जो मानव आणि इतर सस्तन प्राण्यांना संक्रमित करू शकतो. एकदा लासा विषाणू संसर्गाची लक्षणे दिसू लागल्यानंतर, कोणताही ज्ञात उपचार नाही आणि तो जवळजवळ नेहमीच घातक असतो. ज्यामुळे दरवर्षी जगभरात अंदाजे 59 हजार मृत्यू होतात.

इतका वेळ का लागला?

क्वीन्सलँडचे अधिकारी या महिन्यातच नमुने गहाळ असल्याची पुष्टी करण्यास सक्षम होते, कारण फ्रीझर उघडण्यासाठी परवानगीसाठी त्यांना एक वर्ष प्रतीक्षा करावी लागली. तसेच हे नमुने कुठे आहेत किंवा ते आधीच नष्ट झाले आहेत की नाही हे आता स्पष्ट झालेले नाही. गहाळ सामग्रीमुळे सामान्य लोकांना संसर्ग होण्याचा धोका असू शकतो असे सांगणारा कोणताही पुरावा सध्या उपलब्ध नाही.