किरकोळ भांडणातून शेजाऱ्याला दगडानं मारहाण, दृश्य सीसीटीव्हीत कैद

पुणे: किरकोळ भांडणातून आलेला संताप कोणत्या थराला जाऊ शकतो, याचं उदाहरण पुण्यात पाहायला मिळालं. दांडेकर पूल परिसरात राजेंद्र नगर परिसरात भांडणातून एकानं दुसऱ्याच्या डोक्यात भलामोठा दगड अनेकदा मारला. 

अभिजीत मारणे असं जखणी तरूणांचं नाव आहे. कोणाही संवेदनशील माणसाला हादरवून सोडणारा हा प्रकार आहे. पार्कींगमध्ये अभिजित बाईक काढत असताना झालेल्या वादातून शिवाजी मोरे या व्यक्तीनं त्याला आधी फरशीनं आणि मग मोठ्या दगडानं बेदम मारहाण केली. 

मोठाला दगड अनेकदा उचलून अभिजितला मारहाण झाली. जखमी अभिजीत अतिदक्षता विभागात मृत्यूशी झुंज देत आहे. अभिजितच्या कंबरेवर, छातीवर, डोक्यावर, पायांवर मोरे यांनं हा दगड निर्घृणपणे अनेकदा फेकून मारला. सीसीटीव्हीमधल्या या दृष्यातून या प्रकाराची भयानकता दिसून येते. दरम्यान, दगडानं हल्ला करणाऱ्या मोरेला पोलिसांनी अटक केलीय. 

पाहा हा धक्कादायक व्हिडिओ -

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.