'अहो केजरीवाल आमची वॅगनार परत द्या'

नवी दिल्ली : अरविंद केजरीवाल जेव्हा पहिल्यांदा दिल्लीचे मुख्यमंत्री झाले होते, तेव्हा त्या ४९ दिवसांत केजरीवाल यांच्या एवढीच त्यांची निळ्या रंगाची वॅगन आर देखिल लोकांच्या नजरेत भरली होती. मात्र रविंद केजरीवाल यांना ही गाडी देणाऱ्या ब्रिटनमधील कुंदन शर्मा यांनी 'आप'मधील सध्याच्या परिस्थितीवर नाराजी व्यक्त करत गाडी परत देण्याची मागणी केली आहे.

दिल्लीत गेल्यावर्षी आपल्या 49 दिवसांच्या मुख्यमंत्रीपदाच्या कार्यकाळात निळ्या वॅगन-आर मोटारीतून फिरणाऱ्या अरविंद केजरीवाल यांना ही गाडी देणाऱ्या ब्रिटनमधील कुंदन शर्मा यांनी 'आप'मधील सध्याच्या परिस्थितीवर नाराजी व्यक्त करत गाडी परत देण्याची मागणी केली आहे.

ब्रिटनमध्ये सॉफ्टवेअर इंजिनियर असलेल्या कुंदन शर्मा यांनी ट्विटरवरून केजरीवाल यांच्याकडे ही मागणी केली आहे. सध्या शर्मा दिल्लीत असून ते म्हणाले, की माझा सध्या भ्रमनिरास झाला आहे. प्रशांत भूषण आणि योगेंद्र यादव यांची पक्षातून हकालपट्टी करण्यात आल्याने मी खूप निराश झालो असल्याचं कुंदन शर्मा यांनी म्हटलं आहे.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.