पुण्यातील 5 उंच इमारती; 45 मजल्यांचे टॉवर मुंबईला देतात टक्कर

Pune City Tall Buildings :   देशातील शैक्षणिक आणि सांस्कृतिक राजधानी अशी पुणे शहराची ओळख आहे. मुंबईनंतर पुणे हे महाराष्ट्रातील सर्वात मोठे महानगर आहे. पुणे शहराचा झपाट्याने औद्योगिक विकास होत आहे.  पुणे शहर आता माहिती आणि तंत्रज्ञान क्षेत्राचे केंद्र म्हणजेच महाराष्ट्राचे IT हब बनले आहे. तसेच येथे झपाट्याने नव्या गृहनिर्माण वसहाती देखील निर्माण होत आहेत. पुणे हे मेट्रो सिटी आहे.  पुण्यातील 35   मजल्यांचे उंच टॉवर मुंबईला टक्कर देतात. पुणे शहरातही मुंबई सारख्या अनेक उंच इमारती आहे. जाणून घेऊया पुण्यातील पाच सर्वात उंच इमारती कोणत्या?

मुंबईत अनेक उंच टॉवर आहेत. रिलायन्स उद्योग (Reliance) समूहाचे सर्वेसर्वा मुकेश अंबानी (Mukesh Ambani) यांचे निवासस्थान असलेले अँटिलिया टॉवर, सिंघानिया यांची JK House ही इमारत, ऑबेरॉय टॉवर यासह अनेक उंच इमारती मुंबईत आहेत. तर, अनेक नव्या इमारती मुंबईत उभ्या राहत आहेत. मुंबई प्रमाणेच पुण्यात देखील अनेक उंच टॉवर आहेत. या सर्व रेसिजेंशियल तसेच कमर्शियल इमारती आहेत.

पुण्यातील उंच इमारती कोणत्या?

1. पुण्यातील सर्वात उंच इमारत हडपसर परिसरात आहे. अमानोरा गेटवे टॉवर्स असे या इमारतीचे नाव आहे. 165 मीटर उंच (541 फूट) असलेल्या या इमारतीत 45 मजले आहेत. येथे 2 टॉवर्स आहेत. 2021 मध्ये बांधून ही इमारत पूर्ण झाली.

2. हडपसरमधीलच अमानोरा ॲड्रेनो टॉवर्स हे पुण्यातील दुसऱ्या क्रमांकाचे उंच टॉवर आहे. 119 मीटर म्हणजे 390 फूट उंच ही इमारत आहे. येथे 35 मजल्याचे  5 टॉवर उभारण्यात आले आहे. 2022 मध्ये ही इमारत बांधून पूर्ण झाली आहे.

3. ब्लू रिज ही पुण्यातील तिसऱ्या क्रमांकाची उंच इमारत आहे. आयटी कंपन्यांचे हब असलेल्या हिंजवडी भागात ही इमारत आहे. ही 118 मीटर उंच (387 फूट) इमारत आहे. येथे 32 मजल्यांचे चार टॉवर आहेत. 2014 मध्ये ही इमारत बांधून पूर्ण झाली होती.

4. न्याती आयरीस ही पुण्यातील चौथ्या क्रमांकाची उंच टॉवर आहे. खराडी भागात ही इमारत आहे. ही इमारत 117 मीटर उंच म्हणजे 384 फूट उंच आहे. येथे 32 मजल्यांचे  एकूच चार टॉवर आहे. 2021 मध्ये ही इमारत पूर्ण झाली.

5. हडपसरमधील अमानोरा फ्यूचर टॉवर्स ही पुण्यातील पाचव्या क्रमांकाची उंच इमारत आहे. येथे 31 मजल्यांचे एक टॉवर आहे. याची उंची 115 मीटर म्हणजे 377 फूट उंच आहे. 2014 मध्ये ही इमारत बांधण्यात आली. 

हे देखील वाचा... महाराष्ट्रातील 3 अनोखी गावं; छोटी वस्तू खरेदी करायची असली तरी इथले लोक होड्या काढतात आणि थेट मुंबईला येतात