लोकसभा पराभवानंतर काँग्रेसचा पहिल्यांदा कार्यकर्ता मेळावा

नागपूर : लोकसभा निवडणुकीत झालेल्या पराभवानंतर नागपुरात काँग्रेस तर्फे पहिल्यांदा कार्यकर्ता मेळावा आयोजित करण्यात आला होता... नागपुरातील वसंतराव देशपांडे सभागृहात मंगळवारी हा कार्यकर्ता मेळावा पार पडला. यावेळी लोकसभा निवडणुकीत झालेला पराभव व येत्या विधानसभा निवडणुकीत पक्षाला बळकटी कशी देता येईल यावर स्थानिक पक्ष नेत्यांनी विचार मंथन केले.

काँग्रेसमधील अंतर्गत राजकारणाचा परिणाम याही मेळाव्यात दिसून आला. लोकसभा निवडणुकीतील काँग्रेस उमेदवार नाना पाटोले, रामटेकचे उमेदवार किशोर गजभिये यांच्यासह केवळ मुत्तेमवार गटाचेच नेते या मेळाव्यात उपस्थित होते. काँग्रेसचे ज्येष्ठ नेते नितीन राऊत आणि अनिस अहमद या बैठकीला गैरहजर राहिले.