जॉनी लीव्हरची मुलगी जेमीचा अनोखा अंदाज, फोटो व्हायरल

मुंबई : दिग्गज कॉमेडियन जॉनी लीव्हर आणि स्टँड-अप कॉमेडियन जेमी लिव्हरने इन्स्टग्रामवर तिचे काही फोटो शेअर केले आहेत. या फोटोंच्या माध्यमातून तिचा अनोखा लूक चाहत्यांसमोर आला आहे. तिचे हे फोटो सोशल मीडियावर चांगलेच व्हायरल होताना दिसत आहे.  

जेमी लिव्हरने एका मुलाखतीत म्हटले, 'माझा जन्म मुंबईत झाला, पण माझ्यातील विनोदी कलाकाराने लंडनमध्ये जन्म घेतला. माझे वडील ब्रिटनच्या दौऱ्याला गेले असताना तेव्हा त्यांनी मला एक स्टँड-अप कॉमेडियन म्हणून संधी दिली.त्यानंतर माझ्यात विनोदी कलाकार होण्याची उमेद जागी झाली.'

याआधी जेमी एका कंपनीमध्ये मार्केटिंगमध्ये नोकरी करत होती. वडीलांनी सोपावलेल्या जबाबदारी नंतर तिचा विनोदी कलाकार म्हणून प्रवास चालू झाला. जेमी सध्या वडील जॉनी लिव्हर यांच्याकडून अभिनयाचे धडे घेत आहे.

बहुप्रतिक्षित 'हाऊसफुल ४' चित्रपटात जेमी तिच्या वडीलांसोबत स्क्रिन शेअर करताना दिसणार आहे. 'हाऊसफुल ४' चित्रपटाच्या माध्यमातून हे दोघे मोठ्या पडद्यावर चाहत्यांना पोट धरून हसण्यास भाग पाडणार आहेत. 

'हाऊसफुल ४' चित्रपटाच्या माध्यमातून अक्षय कुमार, रितेश देशमुख, बॉबी देओल, क्रिती सॅनॉन, पूजा हेगडे अशी एकापेक्षा एका तगडी स्टारकास्ट चाहत्यांचे मनोरंजन करणार आहे.