'बिग बॉस 18' मध्ये बोल्डनेसचा तडका; कर्दाशियन बहिणींची घरात एन्ट्री?

Kardashian Sisters in Bigg Boss 18 : बॉलिवूड अभिनेता सलमान खान सध्या 'बिग बॉस 18'चं सुत्रसंचालन करत आहे. या शोमध्ये नेहमीच वाइल्ड कार्ड कंटेस्टेंटची एन्ट्री ही नेहमीच चर्चेत राहते. शोमध्ये सतत स्पर्धकांमध्ये होणाऱ्या वादामुळे एक वेगळीच चर्चा सुरु असते. आता अशी माहिती समोर आली आहे की शोमध्ये इंटरनॅशनल सेलिब्रिटी किम कर्दाशियन आणि तिची बहीण एक वाइल्ड कार्ड स्पर्धक म्हणून सहभागी होणार आहेत. 

भास्करनं दिलेल्या रिपोर्टनुसार, अशी माहिती समोर आली आहो की 'बिग बॉस 18' च्या निर्मात्यांनी यंदाच्या सीझनविषयी कर्दाशियन सिस्टरशी चर्चा केली. खरंतर याविषयी सध्या काही निश्चित नाही की या शोमध्ये त्या खरंच वाईल्ड कार्ड एन्ट्री म्हणून येणार आहेत की फक्त गेस्ट म्हणून आता सगळ्या प्रेक्षकांचे लक्ष त्याकडेच लागले आहे. असं म्हटलं जातं की कर्दाशियन सिस्टर्स या डिसेंबरमध्ये या शोमध्ये एन्ट्री घेऊ शकतात. तर किम कर्दाशियन, कार्टनी आणि क्लो यांच्यापैकी फक्त 2 बहिणी किंवा मग तिघीही येऊ शकतात, अजून यावर देखील शिक्कामोर्तब झालेला नाही. 

कर्दाशियन सिस्टर्स किम आणि क्लो यावर्षी मुकेश अंबानींचा मुलगा अनंत अंबानीच्या लग्नात दिसल्या होत्या. या लग्नात किम ही भारतीय पोशाखात दिसली होती. त्याशिवाय तिनं दागिने देखील परिधान केले होते. कर्दाशियननं लग्नातील इतर कार्यक्रमांमध्ये देखील हजेरी लावली होती. त्यात किम ही नीता अंबानी यांच्यासोबत दिसली. 

दरम्यान, किम कर्दाशियननं गणपती बाप्पाच्या मूर्तिसोबत काही फोटो शेअर केले होते. त्यावेळी तिनं बाप्पाच्या मुर्तीचा एका प्रॉप म्हणून वापर केला आणि त्यांना खूप ट्रोल करण्यात आलं. त्यावरून तिला प्रचंड ट्रोल करण्यात आलं. त्या फोटोवरून होणारा वाद पाहता किमनं ते फोटो सोशल मीडियावरून डीलिट करून टाकले. असं म्हटलं जातं की शोमध्ये वाइल्ड कार्ड एन्ट्री म्हणून निर्मात्यांनी मॉडेल आणि इन्फ्लूएंसर अदिती मिस्त्रीशी चर्चा केली आहे. अदिती कोण असा प्रश्न तुम्हाला पडला असेल तर अदिती ही अभिनेता साहिल खानला डेट केलं आहे. अदिती ही 24 वर्षांची आहे, सोशल मीडियावर ती तिच्या कॉन्टेटमुळे चर्चेत राहते. साहिल खानसोबत अदितीचे अनेक फोटो आहेत आणि ते सोशल मीडियावर प्रचंड व्हायरल होत आहेत.