ഡൽഹിയിൽ വോട്ടെണ്ണൽ പുരോഗമിക്കുമ്പോൾ വീണ്ടും കോൺഗ്രസ് പാർട്ടി മൂന്നാം സ്ഥാനത്തേക്ക് പിന്തള്ളപ്പെട്ടിരിക്കുകയാണ്. അതിജീവനം കൊതിക്കുന്ന പാർട്ടിയെ ഇത്തവണയും രാജ്യതലസ്ഥാനം പിന്തുണച്ചില്ല.
1998 മുതൽ തുടർച്ചയായി 15 വർഷം ഡൽഹി ഭരിച്ച പാർട്ടി, 2013 മുതൽ തളർച്ചയിലാണ്. കഴിഞ്ഞ രണ്ട് ലോക്‌സഭാ തിരഞ്ഞെടുപ്പുകളിലും വൻ പരാജയമാണ് ഏറ്റുവാങ്ങിയത്. വർഷങ്ങൾ മുന്നോട്ട് പോകുമ്പോൾ കോൺഗ്രസിന്റെ വോട്ട് വിഹിതം താഴുകയാണെന്ന യാഥാർത്ഥ്യം തള്ളികളയാൻ സാധിക്കില്ല. ഒരു തിരിച്ചുവരവിനായി പാർട്ടി ആഗ്രഹിക്കുന്നുണ്ടെങ്കിലും ഡൽഹി അവരുടെ രാഷ്ട്രീയ ഇടം ആം ആദ്മി പാർട്ടിക്കും ബിജെപിക്കും വിട്ടുകൊടുത്തതോടെ അത് അക്ഷരാർത്ഥത്തിൽ തകർന്നു എന്നതാണ് വസ്തുത.
Read Also: രാജ്യ തലസ്ഥാനത്ത്‌ ആര് വാഴും, ആര് വീഴും; നെഞ്ചിടിപ്പോടെ ആപ്പും പ്രതീക്ഷയോടെ ബിജെപിയും (LIVE)
2015ൽ 70ൽ 62 പേ‍ർക്ക് കെട്ടിവെച്ച തുക നഷ്ടപ്പെട്ടു. 2020ലെ നിയമസഭ തിരഞ്ഞെടുപ്പിൽ പാർട്ടി മത്സരിച്ച 66 സീറ്റുകളിൽ 63 എണ്ണത്തിലും കോൺഗ്രസ് സ്ഥാനാർഥികൾക്ക് കെട്ടിവെച്ച തുക നഷ്ടപ്പെട്ടു. 2020ൽ 48 സ്ഥാനാർത്ഥികൾക്ക് 5% ൽ താഴെ വോട്ട് മാത്രമാണ് ലഭിച്ചത്. ഡൽഹിയിൽ 2003ൽ 48% ഉണ്ടായിരുന്ന വോട്ട് വിഹിതം 2020ൽ 4.3 ശതമാനമായി കുറഞ്ഞു. ലോക് സഭ തെരഞ്ഞെടുപ്പിൽ വോട്ട് വിഹിതത്തിന്റെ കാര്യത്തിൽ കോൺഗ്രസ് മൂന്നാം സ്ഥാനത്തേക്ക് പിന്തള്ളപ്പെട്ടു.
2020 ലും 2015 ലും ചെയ്തതുപോലെ, 2025 ലെ തിരഞ്ഞെടുപ്പിലും കോൺഗ്രസ് ഒറ്റയ്ക്കാണ് മത്സരിക്കുന്നത്. പ്രതിപക്ഷത്തിന്റെ 'ഇന്ത്യ' ബാനറിൽ കോൺഗ്രസിന്റെ പങ്കാളിയായ ആം ആദ്മി പാർട്ടി, ഡൽഹിയിൽ കോൺഗ്രസുമായി സഖ്യത്തിന് വിസമ്മതിച്ചതിക്കുകയായിരുന്നു.
Read Also: ബജറ്റ് ഇഫക്ടില്‍ കുതിച്ച് ബിജെപി, കെജ്രിവാളിനും അതിഷിക്കും വരെ കാലിടറുന്നു
2025 ലെ ലോക്‌സഭാ തിരഞ്ഞെടുപ്പിൽ ഇരു പാർട്ടികളും സഖ്യത്തിൽ മത്സരിച്ചെങ്കിലും പ്രതീക്ഷിച്ച വിജയം നേടാനായിരുന്നില്ല. എഎപി നേട്ടമുണ്ടാക്കിയെങ്കിലും, വോട്ട് വിഹിതത്തിന്റെ കാര്യത്തിൽ കോൺഗ്രസ് മൂന്നാം സ്ഥാനത്തേക്ക് പിന്തള്ളപ്പെട്ടു. തുടർച്ചയായി രണ്ടാം തവണയും 7 ലോക്‌സഭാ സീറ്റുകളും നേടിയ ബിജെപിയുടെ കുതിപ്പ് തടയുന്നതിൽ സഖ്യം പരാജയപ്പെട്ടു.
തുടർച്ചയായി മൂന്നാം തവണയും കോൺഗ്രസ് സംപൂജ്യരായിരിക്കുകയാണ്. ഡൽഹിയിൽ കോൺഗ്രസിന് അതിജീവനം സാധ്യമാണോ? പാർട്ടിക്ക് അടിസ്ഥാന പിന്തുണയുണ്ടെന്ന് നേതാക്കൾ അവകാശപ്പെടുന്നുണ്ടെങ്കിലും കാര്യങ്ങൾ അത്ര എളുപ്പമാകില്ലെന്നാണ് നിലവിലെ ചിത്രം വ്യക്തമാക്കുന്നത്. നിരവധി ക്ഷേമ പദ്ധതികൾ പ്രഖ്യാപിച്ച് കൊണ്ട് പ്രചരണപരിപാടികൾ പാർട്ടി സംഘടിപ്പിച്ചെങ്കിലും ജനപിന്തുണ നേടാൻ പാർട്ടിക്ക് ഇത്തവണയും കഴിഞ്ഞില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
