Train Journey with Pets: അവധിക്കാലമായാല്‍ ഒരു ദീര്‍ഘ യാത്ര പ്ലാന്‍ ചെയ്യാത്തവര്‍ വളരെ വിരളമാണ്. യാത്ര പോകാന്‍ ഇഷ്ടപ്പെടുന്നവരാണ് നമ്മില്‍ അധികവും. ഇന്ന് ട്രെയിന്‍ യാത്ര ഇഷ്ടപ്പെടുന്നവര്‍ ഏറെയാണ്‌. ട്രെയിനില്‍ ദീര്‍ഘ ദൂരയാത്ര നടത്തുന്നത് ഏറെ ആസ്വാദ്യകരമായ ഒരു അനുഭവമാണ്‌.
കൂടാതെ, ഇന്ന് വര്‍ദ്ധിച്ച വിമാന നിരക്ക് കൂടുതല്‍ ആളുകളേയും ട്രെയിന്‍ യാത്ര തിരഞ്ഞെടുക്കാന്‍ പ്രേരിപ്പിക്കുന്നു. ഇന്ത്യന്‍ റെയില്‍വേ നല്‍കുന്ന സൗകര്യങ്ങള്‍ കൂടുതല്‍ ആളുകളെ ട്രെയിന്‍ യാത്രയിലേയ്ക് ആകര്‍ഷിക്കുന്നു എന്നതാണ് മറ്റൊരു പ്രധാന വസ്തുത.
Also Read: Solar Eclipse 2023: ഈ വര്‍ഷത്തെ രണ്ടാമത്തെ സൂര്യഗ്രഹണം ഒക്ടോബർ 14-ന്, ഈ രാശിക്കാര്‍ക്ക് ഏറെ ദോഷം
ഇന്ത്യന്‍ റെയില്‍വേ ഇപ്പോള്‍ പരിഷ്ക്കരണത്തിന്‍റെ പാതയിലാണ്. ദിവസം തോറും ഇന്ത്യന്‍ റെയില്‍വേ നടപ്പാക്കുന്ന മാറ്റങ്ങള്‍ സംബന്ധിച്ച വാര്‍ത്തകള്‍ പുറത്തുവരുന്നുണ്ട്. യാത്രക്കാരുടെ സൗകര്യാര്‍ത്ഥം നിരവധി പരിഷ്ക്കാരങ്ങളാണ് റെയില്‍വേ നടപ്പാക്കുന്നത്. അടുത്തിടെ വേഗത കൂടിയ ട്രെയിന്‍ സംബന്ധിക്കുന വാര്‍ത്തകള്‍ റെയില്‍വേ മന്ത്രാലയം പുറത്തു വിട്ടിരുന്നു.
എന്നാല്‍, ഈ വാര്‍ത്ത ട്രെയിന്‍ യാത്രക്കാര്‍ക്ക് ഏറെ സന്തോഷം നല്‍കും എന്ന കാര്യത്തില്‍ തര്‍ക്കമില്ല. അതായത്, ഇനി ട്രെയിന്‍ യാത്രയ്ക്ക് നമ്മുടെ ഓമനകളായ നായകളേയും പൂച്ചകളേയും ഒപ്പം കൂട്ടാം...!! അതായത്, ഇനി ട്രെയിന്‍ യാത്ര നിങ്ങള്‍ക്ക് നിങ്ങളുടെ വളർത്തുമൃഗങ്ങളുമൊത്ത് കൂടുതല്‍ ആസ്വദിക്കാം...!!
ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (IRCTC) വളർത്തുമൃഗങ്ങൾക്കായി ഓൺലൈൻ ടിക്കറ്റ് ബുക്കിംഗ് ഉടന്‍ അനുവദിക്കും. മുന്‍പ് വളർത്തുമൃഗ ഉടമയോട് ഫസ്റ്റ് ക്ലാസ് എസി ടിക്കറ്റോ ക്യാബിനോ കൂപ്പേയോ ബുക്ക് ചെയ്യാനും യാത്രാ ദിവസം പ്ലാറ്റ്‌ഫോമിലെ പാഴ്‌സൽ ബുക്കിംഗ് കൗണ്ടർ സന്ദർശിച്ച് മുഴുവൻ കൂപ്പും റിസർവ് ചെയ്യാനും ആവശ്യപ്പെട്ടിരുന്നു.എന്നല്‍ ഈ നിയമമാണ് ഇനി മാറാന്‍ പോകുന്നത്.
അതായത്, റെയില്‍വേ ഉടന്‍തന്നെ വളര്‍ത്തു മൃഗങ്ങള്‍ക്കായി ഓണ്‍ ലൈന്‍ ടിക്കറ്റ് ബുക്കിംഗ് ആരംഭിക്കുമെന്നാണ് സൂചന. എസി-1 ക്ലാസ് ട്രെയിനുകളിൽ വളർത്തുമൃഗങ്ങൾക്കായി ഓൺലൈൻ ബുക്കിംഗ് സൗകര്യം മന്ത്രാലയം നിർദ്ദേശിച്ചിട്ടുണ്ട്.
വളർത്തുമൃഗങ്ങളുമൊത്തുള്ള യാത്ര യാത്രക്കാർക്ക് കൂടുതൽ സൗകര്യപ്രദവും സൗകര്യപ്രദവുമാക്കുമെന്ന് റെയിൽവേ ബോർഡ് മന്ത്രാലയം അറിയിച്ചു. IRCTC വെബ്‌സൈറ്റിൽ മൃഗങ്ങളുടെ ഓൺലൈൻ ബുക്കിംഗ് സൗകര്യം ആരംഭിക്കുന്നതിന് സോഫ്റ്റ്‌വെയറിൽ മാറ്റങ്ങൾ വരുത്താൻ റെയിൽവേ ബോർഡ് സെന്‍റർ ഫോർ റെയിൽവേ ഇൻഫർമേഷൻ സിസ്റ്റംസിനോട് (CRIS) ആവശ്യപ്പെട്ടതായി റിപ്പോർട്ടിൽ പറയുന്നു.
വെബ്സൈറ്റ് തയ്യാറാകുന്നതോടെ യാത്രയ്ക്ക് മുന്‍പായി ആദ്യ ചാർട്ട് തയ്യാറാക്കിയതിന് ശേഷം ഐആർസിടിസി വെബ്‌സൈറ്റിൽ മൊബൈൽ അല്ലെങ്കിൽ കംപ്യൂട്ടർ ഉപയോഗിച്ച് ഓൺലൈനായി അനിമൽ ടിക്കറ്റ് ബുക്ക് ചെയ്യാൻ റെയിൽവേ യാത്രക്കാർക്ക് കഴിയുമെന്ന് Rail Yatri റിപ്പോര്‍ട്ട് പറയുന്നു. എന്നാൽ, ഇതിനായി യാത്രക്കാരുടെ പക്കല്‍ കണ്‍ഫേം ടിക്കറ്റ് ഉണ്ടാവണം. മൃഗങ്ങൾക്കായി ഓൺലൈൻ ബുക്കിംഗ് സൗകര്യം ആരംഭിച്ചതിന് ശേഷം നായ-പൂച്ച എന്നിവയ്ക്കായി ടിക്കറ്റ് ബുക്ക് ചെയ്യാനുള്ള അധികാരം ടിടിഇക്ക് ഉണ്ടാകുമെന്ന് അധികൃതർ അറിയിച്ചു. എന്നാല്‍, ഏതെങ്കിലും കാരണവശാല്‍ യാത്രക്കാരൻ ടിക്കറ്റ് റദ്ദാക്കിയാലും മൃഗങ്ങളുടെ ടിക്കറ്റ് നിരക്ക് തിരികെ നൽകില്ല.
മൃഗങ്ങള്‍ക്കായി ടിക്കറ്റ് ബുക്ക് ചെയ്ത് ശേഷം ഗാർഡുകൾക്കായി നീക്കിവച്ചിരിക്കുന്ന എസ്എൽആർ കോച്ചിൽ മൃഗങ്ങളെ സൂക്ഷിക്കും. മൃഗ ഉടമകൾക്ക് തീവണ്ടി നിര്‍ത്തുന്ന അവസരത്തില്‍ അവരുടെ വളർത്തുമൃഗങ്ങൾക്ക് വെള്ളം, ഭക്ഷണം മുതലായവ നൽകാം.
എന്നാല്‍, കുതിരകൾ, പശുക്കൾ, എരുമകൾ തുടങ്ങിയ വലിയ വളർത്തുമൃഗങ്ങളെ ബുക്കുചെയ്‌തതിന് ശേഷം ഗുഡ്‌സ് ട്രെയിനുകളിൽ കൊണ്ടുപോകാം. യാത്രയിൽ അവയെ പരിപാലിക്കാൻ ആളുണ്ടായിരിക്കണം. മൃഗങ്ങൾക്ക് എന്തെങ്കിലും ആപത്ത് സംഭവിച്ചാല്‍ ഉടമ ഉത്തരവാദിയാണ്. റെയിൽവേ ഇതിന് ഉത്തരവാദിയല്ല എന്നും നിയമത്തില്‍ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
