આજથી શરુ થયો ગ્રહણ યોગ, શનિ-રાહુ, સૂર્ય સાથે મળી મચાવશે તાંડવ, આ રાશિના લોકોએ 30 દિવસ રહેવું સાવધાન

Grahan Yog 2023: 14 એપ્રિલ 2023 ના રોજ ગ્રહોના રાજા સૂર્યએ મીન રાશિ છોડી મેષ રાશિમાં પ્રવેશ કર્યો છે. મેષ રાશિમાં સૂર્યના ગોચરના કારણે રાહુ સાથે સૂર્યનો સંયોગ થશે. સૂર્ય રાહુનો આ સંયોગ મેષ રાશિમાં ગ્રહણ યોગનું નિર્માણ કરે છે. જો કે મેષ રાશિમાં સૂર્ય બળવાન રહે છે અને શુભ પરિણામ આપે છે, પરંતુ આ વખતે રાહુની હાજરીના કારણે સૂર્ય કેટલીક રાશિઓને અશુભ પરિણામ આપશે. ગ્રહણ યોગ બનવા ઉપરાંત સૂર્ય અને રાહુના આ સંયોગ પર શનિનું અશુભ અસર પણ રહેશે જે આ રાશિના લોકોની મુશ્કેલીઓમાં વધારો કરશે. તેના કારણે આ રાશિના લોકોએ 1 મહિના સુધી સાવધાન રહેવું પડશે.

આ પણ વાંચો:

રોટલી માટે લોટ બાંધતી વખતે ભુલ્યા વિના કરો આ કામ, ઘરમાં હંમેશા રહેશે બરકત

કંગાળ કરી શકે છે અક્ષય તૃતીયા પર કરેલી આ ભુલ, માતા લક્ષ્મી થાય છે નારાજ

ઘરના આ વાસ્તુ દોષ ખરાબ કરી શકે છે સ્વાસ્થ્ય, સારા સ્વાસ્થ્ય માટે આ રીતે દુર કરો દોષ

વૃષભ - સૂર્ય-રાહુની યુતિ વૃષભ રાશિના લોકોની માનસિક ચિંતા વધારી શકે છે. પારિવારિક સમસ્યા થઈ શકે છે. આ સમય દરમિયાન ખર્ચ વધી શકે છે, જેના કારણે બચત કરવામાં મુશ્કેલી આવી શકે છે. બિનજરૂરી યાત્રા થઈ શકે છે. સ્વાસ્થ્ય પણ બગડી શકે છે. તમારા સ્વાસ્થ્યનું ધ્યાન રાખો. માતા તરફથી કોઈ સમસ્યા થઈ શકે છે. તેમની સાથેના સંબંધો બગડી શકે છે અથવા અણબનાવ થઈ શકે છે.

કન્યા - ગ્રહણ યોગ અને શનિની દ્રષ્ટિ કન્યા રાશિના લોકોને પરેશાન કરશે. આ લોકોને બીમારી કે અકસ્માતનો સામનો કરવો પડી શકે છે. ધનહાનિ થઈ શકે છે. નાણાકીય વ્યવહારો ટાળો. કોઈને રુપિયા ઉધાર આપવાનું ટાળો નહીં તો પૈસા પાછા નહીં મળે. વાણી પર સંયમ રાખો. કાર્યસ્થળ પર સહકર્મીઓ સાથેના સંબંધો બગડી શકે છે.

મકર - ગ્રહણ યોગ મકર રાશિના લોકોને પણ પરેશાન કરી શકે છે. આ સમય દરમિયાન શત્રુઓ સક્રિય રહેશે. કોઈપણ જગ્યાએ નાણાકીય રોકાણ ટાળો, નહીંતર નુકસાન સહન કરવું પડી શકે છે. ખર્ચમાં વધારો રહેશે. પ્રેમ જીવનમાં નિષ્ફળતા મળી શકે છે. વિવાહિત જીવનમાં પણ સમસ્યા આવી શકે છે. તમારા પ્રિયજનો સાથે વાત કરતી વખતે સંયમ રાખો.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)