1 સાથે લગ્ન અને ઘણા બધા સાથે સંબંધો! આ અનોખા લગ્ન શા માટે બન્યા ભારતીયોની પહેલી પસંદ?

What is Open Marriage: લગ્ન એ દરેક વ્યક્તિના જીવનમાં એક મહત્વપૂર્ણ નિર્ણય છે. ખાસ કરીને ભારતમાં લગ્નને સાત જન્મનો સંબંધ કહેવાય છે. પરંતુ હવે દેશમાં વિવિધ પ્રકારના લગ્ન લોકપ્રિય બની રહ્યા છે. ઘણા લોકો એક કરતા વધુ પાર્ટનર સાથે રહેવાનું પસંદ કરે છે. આ જ કારણ છે કે લોકો લગ્ન કરવાથી દૂર ભાગી રહ્યા છે. આ કડીમાં તમે લિવ-ઇન રિલેશનશિપ, કોન્ટ્રાક્ટ મેરેજ અને ફ્રેન્ડશિપ મેરેજ જેવા ઘણા નામ સાંભળ્યા જ હશે. પરંતુ હવે લગ્નનો બીજો નવો ટ્રેન્ડ શરૂ થયો છે, જેને ઓપન મેરેજ તરીકે ઓળખવામાં આવે છે.

ઓપન મેરેજ શું છે?
ઓપન મેરેજ એ એક પ્રકારનું એક્સ્ટ્રા મેરિટલ અફેર છે. આ અંતર્ગત બે લોકો એકબીજા સાથે લગ્ન કરે છે અને પછી પરસ્પર સંમતિથી તેઓ અન્ય લોકો સાથે પણ સંબંધ બનાવી શકે છે. ઉદાહરણ તરીકે લગ્ન દરમિયાન યુગલો એકબીજા સાથે રહેવા માટે બંધાયેલા નથી. તેઓ પોતાના પાર્ટનર સાથે ખોટું બોલ્યા વિના બીજા કોઈની સાથે સંબંધમાં રહે છે. આ સંબંધ માત્ર રોમેન્ટિક જ નહીં પણ જાતીય પણ હોઈ શકે છે. જ્યારે પાર્ટનરને આની સામે કોઈ વાંધો હોતો નથી.

ભારતીયોની રુચિમાં થયો વધારો
ઓપન મેરેજનું ચલણ ભારતમાં પણ ઝડપથી વધવા લાગ્યું છે. ખાસ કરીને મોટા શહેરોમાં ઓપન મેરેજનો ગ્રાફ ઝડપથી ઊંચો જઈ રહ્યો છે. તમને જાણીને નવાઈ લાગશે કે ફ્રાન્સની પ્રખ્યાત ડેટિંગ એપ ગ્લીડન પર 30 લાખથી વધુ ભારતીયોની પ્રોફાઈલ ઉપલબ્ધ છે. આ એક એક્સ્ટ્રા મેરિટલ ડેટિંગ એપ છે, જ્યાં પરણિત લોકો એકબીજા સાથે ખોટું બોલ્યા વિના બીજા પાર્ટનરની શોધ કરે છે.

સર્વે એ ચોકાવ્યા
ઓપન મેરેજ સાથે જોડાયેલા આંકડા અહીં પૂરા થતા નથી. 2023માં બમ્બલે એક સર્વે કર્યો હતો. આ મુજબ 60% સિંગલ ભારતીયોએ ઓપન મેરેજમાં રસ દાખવ્યો હતો. તેમણે કહ્યું કે ભવિષ્યમાં તે ઓપન મેરેજમાં રહેવા માંગશે. આ આંકડો ખરેખર ચોંકાવનારો છે.