అతడు విజిల్ వేయకుండా ఏ ఇండియన్ క్రికెట్ మ్యాచ్ మొదలవదు. టీమిండియా క్రికెటర్లు సాధించిన సంచరీ సెలబ్రేషన్స్ ఏవీ అతడు త్రివర్ణ పతాకం రెపరెపలాడించకుండా పూర్తికావు. మనం చెప్పుకుంటోంది ఎవరి గురించో కాదు.. టీమిండియాకు, క్రికెట్ లెజెండ్ సచిన్ టెండుల్కర్‌కి వీరాభిమాని అయిన సుధీర్ కుమార్ గౌతం గురించే. అవును, నిరంతరం క్రికెట్ స్టేడియంలు, టీమిండియా ఆటగాళ్ల చుట్టే తిరిగే క్రికెట్ అభిమాని సుధీర్ కుమార్ గౌతం గురించే. అలాగని క్రికెట్‌పై, క్రికెటర్లపై సుధీర్ కుమార్‌కి ఉన్న ప్రేమ వన్ సైడ్ లవ్ స్టోరీలాంటిది కాదు. క్రికెట్‌పై, ఆటగాళ్లపై అంతులేని అభిమానం, గౌరవం పెంచుకున్న సుధీర్ కుమార్ అంటే టీమిండియా ఆటగాళ్లకు కూడా అంతే అభిమానం, ఇష్టం, ప్రేమ. అందుకే, అవకాశం ఉన్నప్పుడల్లా అతడిపై తమకు తోచిన రీతిలో ప్రేమను కురిపిస్తూ వస్తున్నారు టీమిండియా క్రికెటర్లు. తాజాగా సుధీర్ కుమార్‌ని తన ఇంటికి మధ్యాహ్నం విందుకు ఆహ్వానించి అతడిపై తనకు ఉన్న అభిమానాన్ని చాటుకున్నాడు టీమిండియా మాజీ కెప్టేన్ మహేంద్ర సింగ్ ధోనీ.
Special Day with Captain Cool @msdhoni, Super Lunch with Super Family at Farm House. Words can't describe the moments spent. Thank You MS Dhoni and Sakshi Di @SaakshiSRawat. Captain Relaxed after winning #IPL2018 @ChennaiIPL. pic.twitter.com/qZHjGm9KCR
— Sudhir Kumar Gautam (@Sudhir10dulkar) June 1, 2018
ధోనీ ఫామ్ హౌజ్‌లో జరిగిన ఈ విందుకు హాజరైన సుధీర్ కుమార్ గౌతం అనంతరం అక్కడ ధోనీ అండ్ ఫ్యామిలీతో కలిసి తీసుకున్న ఫోటోలను ట్విటర్‌లో షేర్ చేసుకుని ఆనందం వ్యక్తంచేశాడు. "సూపర్ కూల్ కెప్టేన్ ధోనీ అండ్ ఫ్యామిలీతో కలిసి లంచ్ చేసే అవకాశం జీవితంలో మరువలేనిది. ఇది నిజంగానే తన జీవితంలో ఓ స్పెషల్ రోజు. ఐపీఎల్ 2018 టోర్నీ గెలుచుకున్న అనంతరం ధోనీ రిలాక్స్ అవుతున్నారు" అని సుధీర్ కుమార్ గౌతం ఆ ట్వీట్‌లో పేర్కొన్నాడు.
