Most Profitable Dubbing Movies: తెలుగు సినీ పరిశ్రమలో డబ్బింగ్ సినిమాల హవా అనేది ఎప్పటి నుంచో ఉంది. వేరే భాషలో హిట్టైన చిత్రాలు తెలుగు సినిమాలకు మించి వసూళ్లను సాధించిన సందర్భాలున్నాయి. ఈ యేడాది తెలుగులో డబ్ అయిన తమిళ డబ్బింగ్ మూవీ ‘అమరన్’ ఇక్కడ కూడా భారీ వసూళ్లను సాధించింది.
కథ బాగుంటే.. తెలుగు సహా ఇతర భాష ప్రేక్షకులు ఆయా చిత్రాలను హిట్ చేసిన సందర్భాలు కోకొల్లలు. ఈ యేడాది అమరన్ మూవీ తెలుగులో అత్యధిక లాభాలను తీసుకొచ్చిన చిత్రంగా నిలిచింది.
జైలర్.. రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన చిత్రం ‘జైలర్’. ఈ చిత్రం తెలుగులో రూ.12 కోట్ల బిజినెస్ చేసింది. అంతేకాదు ఓవరాల్ గా రూ. 35.90 కోట్ల లాభాలను తీసుకొచ్చింది. తెలుగులో దాదాపు రూ. 56 కోట్ల షేర్ (రూ. 100 కోట్ల గ్రాస్)వసూళ్లను రాబట్టింది.
కాంతార.. రిషబ్ శెట్టి హీరోగా నటిస్తూ.. దర్శకత్వం వహించిన చిత్రం ‘కాంతార’. తెలుగులో రూ. 2 కోట్ల ప్రీ రిలీజ్ బిజినెస్ చేసింది. అంతేకాదు ఇక్కడ రూ. 27.65 కోట్ల లాభాలను తీసుకొచ్చింది. మొత్తంగా తెలుగులో రూ. 30 కోట్ల షేర్ (రూ. 60 కోట్ల గ్రాస్) వసూళ్లను రాబట్టింది.
అమరన్.. శివకార్తీకేయన్ హీరోగా సాయి పల్లవి హీరోయిన్ గా నటించిన చిత్రం ‘అమరన్’. ఈ సినిమా తెలుగులో రూ. 5 కోట్ల ప్రీ రిలీజ్ బిజినెస్ చేసింది. ఓవరాల్ గా ఇప్పటి వరకు రూ. 18 కోట్ల లాభాలను తీసుకొచ్చింది. ఇప్పటి వరకు రూ. 23 కోట్ల షేర్ (రూ.43 కోట్ల )వసూళ్లను రాబట్టింది.
బిచ్చగాడు.. విజయ్ ఆంటోని హీరోగా నటించిన చిత్రం ‘బిచ్చగాడు’. కేవలం ఈ సినిమా తెలుగులో రూ. 50 లక్షల బిజినెస్ చేసింది. ఓవరాల్ గా ఈ సినిమా రూ. 17.30 కోట్ల షేర్ (రూ. 33 కోట్ల గ్రాస్) వసూళ్లను రాబట్టింది. ఓవరాల్ గా ఈ సినిమా తెలుగులో రూ. 16.30 కోట్లకు పైగా లాభాలను తీసుకొచ్చింది.
మొత్తంగా తెలుగులో విడుదలైన ఇతర భాష చిత్రాలు కంటెంట్ బాగుంటే.. దాన్ని నెత్తిన పెట్టుకొని ఆదరిస్తారనేదానికి ఈ సినిమాకు వచ్చిన కలెక్షన్స్ నే నిదర్శనం.
