Gold: భారతదేశంలో బంగారాన్ని కొనుగోలు చేసే సంప్రదాయం పురాతన కాలం నుంచి వస్తోంది. ప్రజలు బంగారం కొని ఇంట్లో దాచుకుంటారు. అయితే ఇంట్లో ఎంత బంగారాన్ని ఉంచుకోవచ్చో తెలుసా. పరిమితికి మంచి బంగారం ఉంచితే ఏమౌతుందో తెలుసా. బంగారం అమ్మితే పన్ను కట్టాల్సిందేనా. దీనికి సంబంధించి పూర్తి వివరాలు తెలుసుకుందాం.
Gold: భారతదేశంలో బంగారాన్ని కొనుగోలు చేసే సంప్రదాయం పూర్వ కాలం నుంచి వస్తోంది. బంగారం కొనుగోలు చేసి ఇంట్లో దాచుకుంటారు.అంతేకాదు మన దేశంలో బంగారాన్ని పెట్టుబడిగా కాకుండా సంప్రదాయంగా కూడా చూస్తారు. అందుకే ఏ శుభకార్యమైనా పసిడిని కొనుగోలు చేసే ఆచారం ఉంది. మహిళలకు ఇది అలంకారమైనప్పటికీ చాలా మంది దీన్ని కష్టకాలంలో ఉపయోగపడే ఆస్తులుగా చూస్తుంటారు. భద్రతను ద్రుష్టిలో ఉంచుకుని చాలా మంది బ్యాంకు లాకర్ లో బంగారాన్ని దాచుకుంటారు.
అయితే ఇంట్లో ఎంత బంగారాన్ని దాచుకోవచ్చో తెలుసా. పరిమితికి మించి బంగారం ఉంచితే ఏమౌతుందో తెలుసా. బంగారం అమ్మితే పన్ను కట్టాల్సిందేనా. పూర్తి వివరాలు తెలుసుకుందాం.
భారత ప్రభుత్వ ఆదాయపు పన్ను నిబంధనల ప్రకారం..ఇంట్లో బంగారాన్ని ఉంచుకునేందుకు పరిమితి ఉంది. దీని ప్రకారం ఈ పరిమితి స్త్రీలకు, పురుషులకు భిన్నంగా ఉంటుంది. సెంట్రల్ బోర్డ్ ఆఫ్ డైరెక్ట్ టాక్సెస్ నిబంధనల ప్రకారం మీరు ఇంట్లో కొంత మొత్తంలో బంగారాన్ని మాత్రమే ఉంచుకునే వీలుంటుంది. మీరు ఈ నిర్ణీత పరిమితి కంటే ఎక్కువ బంగారాన్ని ఇంట్లో ఉంచుకుంటే మీరు దానికి సంబంధించిన రుజువు తప్పనిసరిగా చూపించాల్సి ఉంటుంది. బంగారం కొనుగోలు మొదలైన వాటికి సంబంధించిన రశీదులను మీ దగ్గర ఉంచుకోవాలి.
ఆదాయపు పన్ను చట్టం ప్రకారం..వివాహిత మహిళలు తమ దగ్గర 500గ్రాముల బంగారాన్ని ఉంచుకోవచ్చు. పెళ్లికాని మహిళలకు ఈ పరిమితిని 250 గ్రాములు మాత్రమే ఉంచుకోవాలి. అదే సమయంలో పురుషులు 100గ్రాముల బంగారాన్ని మాత్రమే ఉంచుకునేందుకు అనుమతి ఇస్తారు.
మీరు డిక్లేర్డ్ ఆదాయం లేదా పన్ను రహిత ఆదాయం నుంచి బంగారాన్ని కొనుగోలు చేసి ఉంటే లేదా మీరు చట్టబద్ధంగా బంగారాన్ని వారసత్వంగా పొందినట్లయితే మీరు దానిపై ఎలాంటి పన్ను చెల్లించాల్సిన అవసరం ఉండదు. నిబంధనల ప్రకారం నిర్ణీత పరిమితిలో దొరికిన బంగారు ఆభరణాలను ప్రభుత్వం జప్తు చేయదు. కానీ నిర్ణీత పరిమితికి మించి బంగారం ఉంటే మీరు దానికి సంబంధించిన రసీదును చూపించాల్సి ఉంటుంది.
బంగారాన్ని ఇంట్లో ఉంచుకునేందుకు పన్ను లేదా కానీ మీరు బంగారాన్ని విక్రయిస్తే దానిపై పన్ను చెల్లించాలి. మీరు మూడేళ్ల పాటు ఉంచిన తర్వాత బంగారం విక్రయిస్తే..దాని నుంచి వచ్చే లాభంపై 20శాతం చొప్పున లాంగ్ టర్మ్ క్యాపిటల్ గెయిన్స్ పన్ను విధిస్తారు.
మీరు మూడేళ్లలోపు సావరిన్ గోల్డ్ బాండ్ ను విక్రయిస్తే దాని నుంచి వచ్చే లాభం మీ ఆదాయానికి జోడిస్తారు. అలాగే మీ పన్ను స్లాబ్ ప్రకారం దానిపై పన్ను విధిస్తారు. సావరిన్ గోల్డ్ బాండ్ ను మూడేళ్ల తర్వాత విక్రయించినట్లయితే లాభంపై 20శాతం ఇండెక్సేషన్, 10శాతం ఇండెక్సేషన్ లేకుండా కూడా పన్ను విధిస్తారు. కానీ మీరు మెచ్యూరిటీ వరకు గోల్డ్ బాండ్ ను ఉంచుకుంటే లాభంపై ఎలాంటి పన్ను ఉండదు.
