Faecal bacteria in kumbh mela water: ప్రయాగ్ రాజ్ మహా కుంభమేళకు భారీగా భక్తులు వస్తునే ఉన్నారు. ఈ క్రమంలో ఎన్జీటీ, సెంట్రల్ పొల్యుషన్ కంట్రోల్ బొర్డ్ షాకింగ్ విషయాలను బైటపెట్టాయి.
మహా కుంభమేళలకు దేశం నలు మూలల నుంచి భక్తులు వస్తునే ఉన్నారు. జనవరి 13న ప్రారంభమైన కుంభమేళ ఫిబ్రవరి 26తో ముగియనుంది. ఈక్రమంలో కుంభమేళకు ఇప్పటి వరకు దాదాపుగా.. 53 కోట్ల మంది పుణ్యస్నానాలు ఆచరించినట్లు సమాచారం.
అదే విధంగా 144 ఏళ్ల తర్వాత ఏర్పడిన మహా కుంభమేళ కావడంతో ఎలాగైన పుణ్యస్నానాలు చేసేందుకు భక్తులు భారీగా వస్తున్నారు. మొత్తంగా కుంభమేళకు వస్తున్న వారి సంఖ్య మాత్రం ఏమాత్రం తగ్గడంలేదు.
మరొవైపు కుంభమేళలో కొంత మంది తమ పెంపుడు జంతువుల్ని స్నానాలు చేయిస్తున్నారు. మరికొందరు నీటి ఒడ్డుదగ్గరే మల, మూత్రాలను విసర్జిస్తున్నారు. కొన్ని చోట్ల మలం నీళ్లు కూడా లీక్ అయి గంగ నీళ్లలోకి వచ్చేస్తున్నాయి.
చిరిగిన బట్టలు, చెప్పులు, ఇతర వ్యర్థ పదార్థాలను నీళ్లలో పడేస్తున్నారు. ఈ క్రమంలో ఇటీవల కుంభమేళలో నీళ్లను సెంట్రల్ పొల్యుషన్ కంట్రోల్ బొర్డ్, నేషనల్ గ్రీన్ ట్రిబ్యునల్ లు సాంపుళ్లను సేకరించాయి. తాజాగా.. ఈ నీళ్ల నుంచి రిపోర్టులు వచ్చాయి. దీనిలో భారీగా కోలిఫామ్ బ్యాక్టిరియా ఉన్నట్లు అధికారులు వెల్లడించారు.
కేవలం. 100 మిలీటర్ల నీళ్లలో.. 3,500 కోలీఫామ్ బ్యాక్టిరియా ఉన్నట్లు అధికారులు పేర్కొన్నారు. యూపీ పొల్యుషన్ కంట్రోల్ బోర్డ్ కాలుష్యంను నివారించడంలో పూర్తిగా విఫలమైందని సెంట్రల్ పోల్యుషన్ కంట్రోల్ బోర్డ్ సీరియస్ అయ్యింది.
మానవ, జంతు మల విసర్జాతాలు నీళ్లలో చేరాయన్నారు. దీని వల్ల కలరా, విరేచనాలు, టైఫాయిడ్, హెపటైటిస్ ఎ వంటి ఇన్ఫెక్షన్లకు గురయ్యే అవకాశాలు ఉంటాయని అధికారులు హెచ్చరించారు. దీని వల్ల మానవ శరీరంలోని జీర్ణవ్యవస్థ ప్రభావితమౌతుందని నిపుణులు హెచ్చరిస్తున్నారు.
