దేశ రాజధాని ఢిల్లీలో ఓ వ్యక్తి గన్‌తో హల్ చల్ చేశాడు. ఢిల్లీలోని జామియా వద్ద ఈ ఘటన జరిగింది. గన్ చేతుల్లోకి తీసుకుని రోడ్డుపైకి వచ్చిన యువకుడు రోడ్డుపై అరుస్తూ పరుగులు పెట్టాడు. మరోవైపు జామియా వద్ద విద్యార్థులు పౌరసత్వ సవరణ చట్టానికి వ్యతిరేకంగా ఆందోళన చేస్తున్నారు. ఈ క్రమంలో యువకుడు గన్‌తో హల్ చల్ చేయడం సంచలనం సృష్టించింది. అక్కడే ఉన్న మీడియా ప్రతినిధులు హల్ చల్ దృశ్యాలను చిత్రీకరించారు.
#WATCH A man brandishes gun in Jamia area of Delhi, culprit has been detained by police. More details awaited. pic.twitter.com/rAeLl6iLd4
— ANI (@ANI) January 30, 2020
మరోవైపు అరుస్తూ పరుగులు పెట్టిన యువకుడు .. ఓ రౌండ్ కాల్పులు కూడా జరిపాడు. ఈ ఘటనలో ఓ విద్యార్థికి గాయాలయ్యాయి. అతన్ని తోటి విద్యార్థులు, పోలీసులు ఆస్పత్రికి తరలించారు. అతని చేతికి తీవ్రంగా గాయమైంది. ఐతే ప్రస్తుతం అతని పరిస్థితి నిలకడగానే ఉందని వైద్యులు తెలిపారు. అటు గన్ తో హల్ చల్ చేసిన యువకున్ని పోలీసులు అదుపులోకి తీసుకున్నారు. అతన్ని యూపీలోని గౌతమ్ బుద్ధనగర్ జిల్లాకు చెందిన రామ్ భగత్ గోపాల్ శర్మగా గుర్తించారు. ఐతే అతడు గన్ ఎక్కడి నుంచి తీసుకువచ్చాడు..? ఏ ఉద్దేశ్యంతో గన్ తో బయటకు వచ్చాడు..? అనే విషయాలపై పోలీసులు ఆరా తీస్తున్నారు.
