Stock Market Closing Bell: గ్లోబల్ మార్కెట్లలో సానుకూల ధోరణి మధ్య, సోమవారం భారత స్టాక్ మార్కెట్లు లాభాల్లో ముగిశాయి. ఐదు రోజుల సుదీర్ఘ నష్టాలకు విరామం లభించింది . ఈ రోజు మార్కెట్ చివరకు గ్రీన్‌లో ముగిసింది. గత వారం ప్రారంభంలో, మార్కెట్ మొత్తం ఐదు రోజుల పాటు నష్టపోయింది. సెన్సెక్స్ ఈరోజు 79,653.67 పాయింట్ల వద్ద లాభపడింది. ట్రేడింగ్ సమయంలో 1100 పాయింట్లు ఎగిసి 80,539.81 స్థాయికి చేరుకుంది. చివరగా, సెన్సెక్స్ 0.76 శాతం లేదా 602.75 పాయింట్ల లాభంతో 80,005.04 వద్ద ముగిసింది. నిఫ్టీ-50 సూచీ కూడా 158.35 పాయింట్ల లాభంతో 24,339.15 వద్ద ముగిసింది.
సెన్సెక్స్‌లోని 30 కంపెనీల్లో 24 షేర్లు ఈరోజు గ్రీన్‌లో ముగిశాయి. ఐసీఐసీఐ బ్యాంక్ షేర్లు అత్యధికంగా దాదాపు 3 శాతం పెరుగుదలతో ముగిశాయి. 2024-25 రెండవ త్రైమాసికంలో స్టాండ్‌లోన్ లాభంలో 14.5 శాతం పెరుగుదల కారణంగా బ్యాంక్ షేర్లు ఈ రోజు పెరిగాయి. ICICI బ్యాంక్ రెండో త్రైమాసిక ఫలితాలను శనివారం విడుదల చేసింది. దీంతో పాటు జేఎస్‌డబ్ల్యూ స్టీల్, మహీంద్రా అండ్ మహీంద్రా, అదానీ పోర్ట్స్, టాటా స్టీల్, సన్ ఫార్మా, హిందుస్థాన్ యూనిలీవర్, టాటా మోటార్స్, స్టేట్ బ్యాంక్ ఆఫ్ ఇండియా షేర్లు కూడా లాభాల్లో ముగిశాయి. మరోవైపు యాక్సిస్‌ బ్యాంక్, కోటక్‌ మహీంద్రా బ్యాంక్, టెక్‌ మహీంద్రా, హెచ్‌డీఎఫ్‌సీ బ్యాంక్, మారుతీ షేర్లు ఈరోజు నష్టాల్లో ముగిశాయి.
స్టాక్ మార్కెట్ పెరగడానికి కారణం?
అంతర్జాతీయ మార్కెట్లో ముడి చమురు ధరలు భారీగా పతనం కావడం మార్కెట్ సెంటిమెంట్‌కు సానుకూల మద్దతునిచ్చిందని ఇన్వెస్టర్లు అభిప్రాయపడుతున్నారు. దీంతో పాటు ఐసీఐసీఐ బ్యాంక్ షేర్లు పెరగడం, గ్లోబల్ మార్కెట్ల నుంచి బలమైన పోకడలు, దేశీయ ఇన్వెస్టర్ల నిరంతర కొనుగోళ్లు మార్కెట్ పెరగడానికి దోహదపడ్డాయి. ఎక్స్ఛేంజ్ డేటా ప్రకారం, విదేశీ సంస్థాగత పెట్టుబడిదారులు (ఎఫ్‌ఐఐలు) శుక్రవారం రూ. 3,036.75 కోట్ల విలువైన ఈక్విటీలను విక్రయించగా, దేశీయ సంస్థాగత ఇన్వెస్టర్లు (డిఐఐలు) రూ. 4,159.29 కోట్ల విలువైన షేర్లను కొనుగోలు చేశారు.
Also Read: Free Gas Cylinder: దీపావళి నుంచి ఉచితంగా గ్యాస్‌ సిలిండర్లు.. వెంటనే ఇలా దరఖాస్తు చేసుకోండి
దీనికి తోడు వరుసగా త్రైమాసిక ఫలితాలు కూడా విడుదలవుతున్న నేపథ్యంలో స్టాక్ మార్కెట్లలో మరోసారి బుల్ రన్ కు ఆస్కారం ఏర్పడింది. అలాగే దేశీయంగా స్టాక్ మార్కెట్లకు అనుకూలమైన వాతావరణం ఏర్పడుతోంది. ఇదిలా ఉంటే వరుసగా పతనం చూసిన స్టాక్ మార్కెట్లో కొద్దిగా రిలీఫ్ పొందడంతో మరోసారి షేర్ల కొనుగోళ్ల వైపు ఇన్వెస్టర్లు మొగ్గు చూపారు. అలాగే అమ్మకాల ఒత్తిడి నుంచి కాస్త రిలీఫ్ లభించింది. అటు మార్కెట్ క్యాప్ పరంగా చూసినట్లయితే దాదాపు ఆరు లక్షల కోట్ల రూపాయల ఇన్వెస్టర్ల సంపద పెరిగినట్లు గమనించవచ్చు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
