Varun Sandesh Constable: వరుణ్ సందేశ్ హీరోగా ఆర్యన్ సుభాన్ SK డైరెక్షన్ లో తెరకెక్కిన చిత్రం ‘ కానిస్టేబుల్’. జాగృతి మూవీ మేకర్స్ పతాకంపై బలగం జగదీష్ నిర్మిస్తున్నారు. వరుణ్ సందేశ్ కి జోడిగా మధులిక వారణాసి కథానాయికగా పరిచయం కాబోతుంది. తాజాగా ఈ సినిమా కి సంబంధించిన మోషన్ పోస్టర్ ను నిర్మాత కుమార్తె జాగృతి బర్త్ డే సందర్భంగా డివో మ్యూజిక్ యూట్యూబ్ ఛానెల్ లో విడుదల చేశారు.
ఈ సందర్భంగా హీరో వరుణ్ సందేశ్ మాట్లాడుతూ, ఈ మూవీపై మేము పెట్టుకున్న అంచనాలకు తగ్గట్టుగా మోషన్ పోస్టర్ కూడా చాలా బాగా వచ్చింది. సినిమా పోస్ట్ ప్రొడక్షన్ పనులు అంతే వేగంగా జరుగుతున్నాయి. ఇందులో కానిస్టేబుల్ గా కొత్త యాంగిల్ లో చూపించడం విశేషం. ఒక థ్రిల్లింగ్ ఎలిమెంట్స్ తో ప్రేక్షకుల ముందుకు ఈ సినిమా రాబోతుంది. తప్పకుండ ఈ చిత్రం నా కెరీర్ లో డిఫరెంట్ మూవీగా నిలుస్తుందనే ఆశాభావం వ్యక్తం చేశారు.
నిర్మాత బలగం జగదీష్ మాట్లాడుతూ... కథ, కథనాలు అద్భుతంగా అమరిన చిత్రమిది. పోలీస్ పాత్రలో వరుణ్ సందేశ్ నటన ప్రేక్షకులకు సరికొత్త అనుభూతిని ఇస్తుందన్నారు.
దర్శకుడు ఆర్యన్ సుభాన్ SK మాట్లాడుతూ.. సస్పెన్స్ క్రైమ్ థ్రిల్లర్ చిత్రమిది. ఇందులో వరుణ్ సందేశ్ నట విశ్వరూపం చూడవచ్చన్నారు. మోషన్ పోస్టర్ థ్రిల్లింగ్ ఎలిమెంట్స్ తో ఉంటుందన్నారు. ఈ చిత్రంలోని ఇతర ముఖ్య పాత్రలలో దువ్వాసి మోహన్, సూర్య, రవి వర్మ, మురళీధర్ గౌడ్, బలగం జగదీష్, ప్రభావతి, కల్పలత, నిత్య శ్రీ, శ్రీ భవ్య తదితరులు తారాగణం. ఈ సినిమాకు కెమెరా; హజరత్ షేక్ (వలి), సంగీతం :సుభాష్ ఆనంద్, ఎడిటింగ్: వర ప్రసాద్, B. G. M :గ్యాని, ఆర్ట్: వి. నాని, పండు, మాటలు :శ్రీనివాస్ తేజ, పాటలు: రామారావు, శ్రీనివాస్ తేజ, ఎగ్జిక్యూటివ్ ప్రొడ్యూసర్ :మిట్టపల్లి జగ్గయ్య, సహనిర్మాత: బి నికిత జగదీష్, కుపేంద్ర పవర్, నిర్మాత; బలగం జగదీష్, కథ, స్క్రీన్ ప్లే, దర్శకత్వం :ఆర్యన్ సుభాన్ SK
వరుణ్ సందేశ్ విషయానికొస్తే.. రీసెంట్ గా ‘నిందా’ మూవీలో అద్భుతమైన నటన కనబరిచాడు. మరోవైపు విరాజిలో కూడా తన యాక్టింగ్ తో మెస్మరైజ చేసాడు. ఇపుడు రాబోయే ‘కానిస్టేబుల్’ మూవీతో మరో హిట్టును తన ఖాతాలో వేసుకుంటాడా లేదా అనేది వెయిట్ సీ.
ఇదీ చదవండి: ఒకే టైటిల్ తో ఎన్టీఆర్ ఏఎన్ఆర్ చిరు చేసిన ఈ సినిమాలు తెలుసా..
ఇదీ చదవండి: ఒకే రోజు విడుదలైన చిరు, కమల్ హాసన్ సినిమాలు.. దర్శకుడు కూడా ఒకడే..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
