Deputy CM Pawan Kalyan: ఇవాళ సోమవారం ప్రముఖ టాలీవుడ్ నిర్మాతలు అందరూ.. ఆంధ్రప్రదేశ్ డిప్యూటీ ముఖ్యమంత్రి పవన్ కళ్యాణ్ ను కలిసిన.. సంగతి తెలిసిందే. అందులో సుప్రియ యార్లగడ్డ.. కూడా ఒకరు. పవన్ కళ్యాణ్ హీరోగా..పరిచయం అయిన అక్కడ అమ్మాయి ఇక్కడ అబ్బాయి సినిమాలో.. సుప్రియ హీరోయిన్ గా నటించారు. అక్కినేని నాగార్జున.. మేనకోడలిగా సుప్రియ.. హీరోయిన్ గా ఇండస్ట్రీకి పరిచయం అయ్యారు. కానీ ఆ సినిమా తర్వాత.. సుప్రియ పెద్దగా సినిమాలలో కనిపించలేదు.
గత కొంతకాలంగా నిర్మాతగా.. తన అదృష్టాన్ని పరీక్షించుకుంటున్న సుప్రియ ఇవాళ నిర్మాతల సమావేశంలో కూడా పాల్గొన్నారు. డిప్యూటీ సీఎం గా ఎంపిక అయినందుకు.. పవన్ కళ్యాణ్ కు అభినందనలు తెలిపిన సుప్రియ.. ఆయనతో ఫోటో కూడా దిగారు. మళ్లీ 28 ఏళ్ల తర్వాత ఆ జంటను చూస్తున్న అభిమానులు కూడా సంతోషించారు. ఈ ఫోటో ఇప్పుడు ఇంటర్నెట్ లో అందరి దృష్టిని ఆకట్టుకుంటుంది.
ఇక ప్రస్తుతం పవన్ కళ్యాణ్ అటు సినిమాలతో పాటు ఇటు రాజకీయ పనులతో కూడా బిజీగా ఉండగా, సుప్రియ యాక్టింగ్ కి దూరం అయ్యి నిర్మాతగా బిజీగా మారింది. అన్నపూర్ణ స్టూడియో బాధ్యతలు కూడా ఆమె చూసుకుంటున్నారు.
సినిమాటోగ్రఫి మంత్రి శ్రీ కందుల దుర్గేష్, నిర్మాతలు అశ్వనీదత్, ఎ.ఎం.రత్నం, సురేష్ బాబు, ఎస్.రాధాకృష్ణ, దిల్ రాజు, భోగవల్లి ప్రసాద్, డి.వి.వి.దానయ్య, సుప్రియ యార్లగడ్డ, ఎన్.వి.ప్రసాద్, బన్నీ వాసు, నవీన్ ఎర్నేని, నాగవంశీ, టి.జి.విశ్వప్రసాద్, రవిశంకర్ తదితరులు ఈ సమావేశంలో పాల్గొన్నారు. విజయవాడలోని క్యాంప్ ఆఫీసులో.. ఈరోజు ఉదయం ఈ సమావేశం జరిగింది.
కొత్త ప్రభుత్వానికి ఇండస్ట్రీ తరపున అభినందనలు తెలిపిన నిర్మాతలు.. తాము ఎదుర్కొంటున్న సమస్యలను కూడా విన్నవించుకున్నారు. పవన్ కళ్యాణ్ కూడా ఈ విషయాలలో సానుకూలంగానే స్పందించినట్లు తెలుస్తోంది. నిర్మాత అల్లు అరవింద్ ఈ విషయాన్ని తెలియజేశారు.
స్వయంగా ఈ విషయాల గురించి ముఖ్యమంత్రి చంద్రబాబు నాయుడుతో మాట్లాడుతానని.. పవన్ కళ్యాణ్ హామీ ఇచ్చినట్లుగా చెప్పుకొచ్చారు అల్లు అరవింద్. అయితే ఉన్న సమస్యల గురించి పూర్తి స్థాయిలో చర్చించడం కుదరలేదని.. త్వరలోనే మరొకసారి కలిసి సినీ రంగా విస్తరణకు ఉన్న అవకాశాల గురించి మరొకసారి చర్చ జరపబోతున్నట్లు తెలిపారు.
Also Read: KTR: ఎమ్మెల్యేల జంప్‌ జిలానీలపై కేటీఆర్‌ సంచలన ట్వీట్‌.. మాస్‌ వార్నింగ్‌
Also Read: Sanjay Kumar: బీఆర్‌ఎస్‌ పార్టీ నుంచి ఐదో వికెట్‌ డౌన్‌.. కాంగ్రెస్‌లోకి జగిత్యాల ఎమ్మెల్యే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
