Egg Dal Curry Recipe: స్పైసీ శెనగపప్పు ఎగ్ కర్రీ అంటే కేవలం రుచికరమైన వంటకం మాత్రమే కాదు, ఆరోగ్యకరమైన ప్రోటీన్లు ఇతర పోషకాలతో నిండి ఉండే పదార్థం. ఈ వంటకం శెనగపప్పు, గుడ్ల కలయిక వల్ల ప్రోటీన్ల అధికంగా ఉంటుంది. అంతేకాకుండా ఇందులో ఉండే మసాలాలు జీర్ణక్రియను మెరుగుపరుస్తాయి, రోగ నిరోధక శక్తిని పెంచుతాయి. దీని తినడం వల్ల శరీరానికి ఎలాంటి ఆరోగ్యలాభాలు కలుగుతాయి అనేది తెలుసుకుందాం.
శెనగపప్పు, గుడ్లు రెండూ అధిక ప్రోటీన్లను కలిగి ఉంటాయి. ప్రోటీన్లు శరీర కణాల నిర్మాణానికి, కండరాల పెరుగుదలకు శరీరాన్ని మరమ్మతు చేయడానికి అవసరం. ఈ కర్రీలో ఉండే మసాలాలు జీర్ణక్రియను మెరుగుపరుస్తాయి. జీర్ణ సమస్యలను తగ్గిస్తాయి. మసాలా దినుసులు శరీర రోగ నిరోధక శక్తిని పెంచుతాయి, వ్యాధుల నుంచి రక్షిస్తాయి. శెనగపప్పులో ఫైబర్, విటమిన్లు ,ఖనిజాలు పుష్కలంగా ఉంటాయి. ఇవి శరీర ఆరోగ్యానికి అవసరం.
కావలసిన పదార్థాలు:
గుడ్లు - 4
పచ్చి శెనగపప్పు - 1 కప్పు
ఉల్లిపాయలు - 2 (ముక్కలు చేసుకోవాలి)
పచ్చిమిర్చి - 3 (ముక్కలు చేసుకోవాలి)
కరివేపాకులు - కొద్దిగా
అల్లం వెల్లుల్లి పేస్టు - 1 స్పూను
పసుపు - అర స్పూను
జీలకర్ర - 1 స్పూను
ఉప్పు - రుచికి సరిపడా
ధనియాల పొడి - 1 స్పూను
జీలకర్ర పొడి - అర స్పూను
నూనె - 2 స్పూన్లు
తయారీ విధానం:
ముందుగా శెనగపప్పును అరగంట పాటు నానబెట్టుకోండి. గుడ్లను ఉడికించి, చల్లారిన తర్వాత పెట్టుకోండి. స్టవ్ మీద కళాయి పెట్టి నూనె వేయండి. నూనె వేడి అయ్యాక జీలకర్ర వేసి వేయించండి. ఆ తర్వాత ఉల్లిపాయ ముక్కలు, పచ్చిమిర్చి ముక్కలు వేసి వేగించండి. ఉల్లిపాయలు బంగారు రంగులోకి మారిన తర్వాత అల్లం వెల్లుల్లి పేస్టు వేసి కొద్దిసేపు వేగించండి. ఇప్పుడు నానబెట్టిన శెనగపప్పును కడిగి, కళాయిలో వేసి కలుపుకోండి. పసుపు, ధనియాల పొడి, జీలకర్ర పొడి, ఉప్పు వేసి బాగా కలుపుకోండి. కరివేపాకులు వేసి కలుపుకోండి. కొద్దిగా నీళ్లు పోసి, కర్రీని మూత పెట్టి ఉడికించండి. శెనగపప్పు బాగా ఉడికిన తర్వాత, ఉడికించిన గుడ్లను ముక్కలు చేసి కర్రీలో వేసి కలుపుకోండి. కర్రీని మరోసారి కొద్దిసేపు ఉడికించి, దిగబెట్టుకోండి.
సర్వింగ్ సూచన:
స్పైసీ శెనగపప్పు ఎగ్ కర్రీని వేడి వేడిగా రొట్టీ, చపాతీ, పరాటా లేదా అన్నంతో సర్వ్ చేసుకోండి. కర్రీని మరింత స్పైసీగా చేయాలంటే, పచ్చిమిర్చి సంఖ్యను పెంచుకోవచ్చు. కర్రీని మరింత రుచిగా చేయాలంటే, కొద్దిగా కారం పొడి లేదా గరం మసాలా వేసుకోవచ్చు.
Also Read: Rava Punugulu: కేవలం 15 నిమిషాల్లో ఇలా రవ్వ పునుగులు ఇలా చేసుకోండి..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
