Prabhas Look From Kannappa: విష్ణు మంచు ప్రతిష్టాత్మకంగా నిర్మిస్తున్న కన్నప్ప చిత్రం ప్రమోషన్లలో.. కొత్త ఉత్సాహంతో ముందుకెళ్లింది. ఈ సినిమా టీం ఇప్పటికే అక్షయ్ కుమార్, కాజల్ అగర్వాల్ పాత్రల ఫస్ట్ లుక్ పోస్టర్లతో ప్రేక్షకుల్లో అంచనాలను పెంచింది. ఇప్పుడు, ఈ చిత్రానికి సంబంధించిన ఓ ఆసక్తికరమైన అప్డేట్ వచ్చింది.
అవా ఎంటర్టైన్మెంట్స్ హై, 24 ఫ్రేమ్ ఫ్యాక్టరీ బ్యానర్లపై మోహన్ బాబు భారీ ఎత్తున నిర్మిస్తున్న కన్నప్ప సినిమా పైన ఇప్పటికే ప్రేక్షకులలో ఎన్నో అంచనాలు ఏర్పడ్డాయి. తాజా అప్డేట్ కోసం అభిమానులు ఆసక్తిగా ఎదురు చూస్తున్నారు. ముఖ్యంగా ఈ సినిమాలో ప్రభాస్ పాత్ర అప్డేట్..కోసం పాన్ ఇండియా పరంగా ఉన్న ఆయన అభిమానులు తెగ ఆసక్తి చూపిస్తున్నారు. తాజాగా, చిత్రయూనిట్ ఓ ప్రత్యేక పోస్టర్‌ను రిలీజ్ చేసింది, దీనిలో ప్రభాస్ పాత్రను సంబంధించిన పోస్టర్‌ను ఫిబ్రవరి 3న విడుదల చేయనున్నట్లు ప్రకటించారు.
ఈ పోస్టర్‌లో ప్రభాస్‌ను అద్భుతంగా చిత్రించారు. అతని చేతిలో ఉన్న త్రిశూలం, చూపులు, నుదుట విబూది ఈ లుక్‌ను మరింత ఆకట్టుకునేలా చేశాయి. ఈ లుక్ కన్నప్ప చిత్రానికి ప్రత్యేక ఆకర్షణగా మారే అవకాశం ఉంది. ఈ పోస్టర్ ప్రేక్షకులకు ఆధ్యాత్మిక అంశాలను కూడా పరోక్షంగా తెలియజేస్తున్నట్లు కనిపిస్తోంది.
ఈ చిత్రం వచ్చే ఏప్రిల్ 25న ప్రేక్షకుల ముందుకు రాబోతోంది. కన్నప్ప సినిమాలో అక్షయ్ కుమార్, మోహన్ లాల్, మోహన్ బాబు, శరత్ కుమార్, బ్రహ్మానందం, కాజల్ అగర్వాల్, ప్రీతి ముకుందన్ తదితరులు ప్రధాన పాత్రల్లో నటిస్తున్నారు. వీరి సహా ఎంతోమంది ప్రముఖ నటులు ఈ సినిమాలో నటించి, కథకు మరింత వైవిధ్యాన్ని తీసుకొచ్చారు.
ఈ సినిమా ప్రత్యేకత అంటే, ఇది ఒక ఆధ్యాత్మిక నేపథ్యంతో రూపొందించబడిన చిత్రం. ముఖేష్ కుమార్ సింగ్ ఈ చిత్రాన్ని దృశ్య పరంగా అద్భుతంగా తెరకెక్కించారు. సినిమాకు సంబంధించిన మరిన్ని అప్డేట్స్ త్వరలో రానున్నాయి.
ప్రభాస్ లుక్‌తో సంబంధించి కొత్త పోస్టర్ విడుదల చేయడం, సినిమా పైన మరింత ఆసక్తిని రేపుతుంది. ఫిబ్రవరి 3న ఈ పోస్టర్ విడుదల కాబోతుండటంతో, అభిమానులంతా ఆ రోజు కోసం ఎదురుచూస్తున్నారు. కన్నప్ప చిత్రం ప్రేక్షకులకు అద్భుతమైన అనుభవాన్ని ఇవ్వాలని టీమ్ ఆశాభావం వ్యక్తం చేసింది.
Also Read: Gaddar Award: బండి సంజయ్ సంచలన వ్యాఖ్యలు.. 'ఎంతో మందిని చంపిన వ్యక్తి గద్దర్‌'
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
