ஒருநாள் போட்டிக்கான ICC தரவரிசை பட்டியலில் இந்தியாவின் விராட் கோலி, ஜஸ்பிரித் பும்ரா தொடர்ந்து முதலிடத்தில் உள்ளனர்!
ஒருநாள் போட்டிக்கான ICC தரவரிசை பட்டியல் வெளியாகியுள்ளது. இதில் மட்டையாளர்களுக்கான பட்டியலில் விராட் கோலி 899 புள்ளிகளுடன் தொடர்ந்து முதல் இடம் வகித்து வருகின்றார். இரண்டாம் இடத்தில் இந்தியாவின் ரோகித் ஷர்மா 871 புள்ளிகளுடன் நிலையான இடத்தினை பிடித்துள்ளார்.
முந்தைய பட்டியலில் 9-வது இடம் பிடித்திருந்த ஷிகார் தவான் தற்போது 8-வது இடத்திற்கு முன்னேறியுள்ளார். அதேவேலையில் இந்திய கிரிக்கெட் அணியின் முன்னாள் தலைவர் தோனி 20-வது இடத்தினை பிடித்துள்ளார்.
பந்துவீச்சாளர்கள் தரவரிசை பட்டியலில் இந்தியாவின் ஜஸ்பிரித் பும்ரா 841 புள்ளிகளுடன் முதல் இடத்தில் உள்ளார். இவரைத்தொடர்ந்து அப்கானிஸ்தான் அணியின் ரசித் கான் 788 புள்ளிகளுடன் இரண்டாம் இடத்திலும், 723 புள்ளிகளுடன் குல்தீப் யாதவ் 3-வது இடத்திலும் உள்ளனர். மற்றொரு இந்திய வீரரான யுவேந்திர சாஹல் 683 புள்ளிக்களுடன் 5-வது இடத்தில் உள்ளார்.
அணிகளுக்கான தரவரிசையினை பொருத்தமட்டில் 126 புள்ளிகள் பெற்று இங்கிலாந்து அணி முதல் இடம் பிடித்துள்ளது. இந்தியா 121 புள்ளிகளுடன் இரண்டாம் இடம் வகிக்கிறது. ஒருநாள் தரவரிசை பட்டியலில் இந்தியா முதல் இடத்தினை தவறவிட்டுள்ள போதிலும், டெஸ்ட் போட்டிகளுக்கான தரவரிசை பட்டியலில் 116 புள்ளிகளுடன் முதல்இடம் பிடித்துள்ளது. டி20 போட்டிகளுக்கான தரவரிசை பட்டியலில் 127 புள்ளிகள் பெற்று பாக்கிஸ்தானிடன்(138) முதல் இடத்தினை தவறவிட்டுள்ளாது.
ஆல்-ரவுன்டர் பட்டியலில் அப்கானிஸ்தான் வீரர் ரசித் கான் 353 புள்ளிகளுடன் முதல் இடம் பிடித்துள்ளார். எனினும் முதல் 20 பேர் பட்டியலில் இந்தியாவின் 4 வீரர்கள் இடம் பிடித்துள்ளனர். 227 புள்ளிகளுடன் குல்தீப் யாதவ் 14-வது இடத்திலும், 222 புள்ளிகளுடன் ரவிந்திர ஜடேஜா 16-வது இடத்திலும், 220 புள்ளிகளுடன் ஹார்திக் பான்டயா 18 இடத்திலும், 215 புள்ளிகளுடன் கேதர் ஜாதவ் 20-வது இடத்திலும் உள்ளனர்.
