Best Electric Cars in India: இந்தியாவில் போக்குவரத்துத்துறையில், புதைபடிவ எரிபொருளிலிருந்து மின்சார வாகனங்களுக்கான மாற்றம் முழு முனைப்புடன் நடைபெற்று வருகின்றது. இதனை ஊக்குவிக்கும் வகையில் பல அட்டோமொபைல் நிறுவனங்கள் தங்கள் மின்சார மற்றும் நான்கு சக்கர வாகனங்களை உருவாக்கி வருகின்றன.
தற்போது, டாடா மோட்டார்ஸ், ஹூண்டாய் உள்ளிட்ட பெரிய ஆட்டோமொபைல் நிறுவனங்கள் தங்கள் மின்சார எஸ்யூவி-களை (Electric SUV) இந்தியாவில் விற்பனை செய்கின்றன. மிகவும் வலுவான செயல்திறன் மற்றும் அம்சங்களுடைய இவற்றின் உதவியுடன் நீங்கள் ஒரே சார்ஜில் நீண்ட தூரம் பயணிக்க முடியும். அத்தகைய சிறப்பு அம்சம் வாய்ந்த எஸ்யூவி-க்களை பற்றி இங்கே காணலாம்.
கொரிய ஆட்டோமொபைல் நிறுவனமான ஹூண்டாய் தனது மின்சார எஸ்யூவி கோனாவை இந்தியாவில் விற்பனை செய்கிறது. நிறுவனத்தின் இணையதளத்தில் கொடுக்கப்பட்டுள்ள தகவல்களின்படி, இந்த எஸ்யூவி, முழு சார்ஜில், 452 கிலோமீட்டர் வரை பயணிகும். இதன் விலை ரூ .23,77,900 (Electric Electric Automatic Premium) மற்றும் ரூ .23,96,649 ஆகும்.(Electric Electric Automatic Premium Dual tone). (புகைப்படம் - அதிகாரப்பூர்வ வலைத்தளத்திலிருந்து)
டாடா மோட்டார்ஸின் மிகவும் பிரபலமான காம்பாக்ட் எஸ்யூவி டாடா நெக்ஸன் மின்சார மாறுபாட்டிலும் கிடைக்கிறது. இந்த காரை மாநில அரசிடமிருந்து நல்ல மானியத்தில் வாங்கலாம். சமீபத்தில் இந்த எஸ்யூவியின் டார்க் மாறுபாடும் வந்துவிட்டது. இதன் விலை ரூ .13.99 லட்சம் முதல் ரூ .16.85 லட்சம் வரை உள்ளது. இந்த கார் முழு சார்ஜில் 312 கி.மீ. வரை செல்லும். (புகைப்படம் - அதிகாரப்பூர்வ வலைத்தளத்திலிருந்து)
எம்ஜி மோட்டரின் இந்த மின்சார எஸ்யூவி தற்போது இந்தியாவில் கிடைக்கிறது. இது முழு சார்ஜில் 340 கி.மீ வரையிலான பயணத்தை மேற்கொள்கிறது. அதிகாரப்பூர்வ இணையதளத்தில் ஆரம்ப விலை ரூ .20.88 லட்சம் என்று குறிப்பிடப்பட்டுள்ளது. இது 44.5 கிலோவாட் பேட்டரி கொண்டுள்ளது. (புகைப்படம் - அதிகாரப்பூர்வ வலைத்தளத்திலிருந்து)
டாடா மோட்டார்ஸின் மற்றொரு மின்சார கார் டாடா டிகோர் இ.வி. இது குறைந்த பட்ஜெட்டில் உள்ளது. இதை ரூ .59.58 லட்சம் என்ற ஆரம்ப விலையில் வாங்கலாம். இது முழு சார்ஜில் 142 கி.மீ வரை பயணிக்கிறது. இது 21.5 கிலோவாட் பேட்டரி கொண்டுள்ளது. (புகைப்படம் - அதிகாரப்பூர்வ வலைத்தளத்திலிருந்து)
குறைந்த பட்ஜெட்டில் எலக்ட்ரிக் காரை வாங்க விரும்பினால், உங்களுக்கான மற்றொரு நல்ல தேர்வு மஹிந்திரா இ-வெரிட்டோ. இந்த மஹிந்திரா எலக்ட்ரிக் காரை ரூ .10.11 லட்சம் என்ற ஆரம்ப விலையில் வாங்கலாம். இந்த கார் முழு சார்ஜில் 140 கி.மீ வரை செல்லும். (புகைப்படம் - அதிகாரப்பூர்வ வலைத்தளத்திலிருந்து)
