நம்மில் பெரும்பாலானோருக்கு, காலையில் எழுந்தவுடன் காபி குடிக்க வேண்டும். அதன் பிறகு தான், உடலுக்கு புத்துணர்ச்சி கிடைக்கும் என்ற எண்ணம் பலர் மனதில் உள்ளது. காபியில் உள்ள காபின் உடலுக்கு உடனடி ஆற்றலை தருகிறது என்பது உண்மை தான். சோர்வு மற்றும் மன அழுத்தத்தை போக்க, காபி சிறந்த பானமாக இருக்கும். ஆனால் அளவிற்கு அதிகமாக காபி குடிப்பது என்பது ஆரோக்கியத்திற்கு கேடு.
அதிக காபி குடிப்பது விஷம் போன்றது
சிலருக்கு காபி மீது அளவு கடந்த ஆசை இருக்கும். அவர்களுக்கு ஒரு நாளைக்கு நான்கைந்து முறை காபி குடிக்கும் வழக்கம் இருக்கும். காபியில் உள்ள காஃபின் மூளை ஆரோக்கியத்திற்கு மிகவும் நன்மை பயக்கும். இது நம் உடலில் உள்ள டோபமைனின் அளவையும் சீர் செய்கிறது. ஆனால் காபியை அளவிற்கு அதிகமாக சாப்பிடுவது நல்லதல்ல. அதிலும், சில குறிப்பிட்ட உடல் நிலை அல்லது உடல் நல பிரச்சனை (Health Tips) இருப்பவர்களுக்கு அளவிற்கு அதிக காபி குடிப்பது விஷம் போன்றது என எச்சரிக்கின்றனர் நிபுணர்கள்
இரத்த அழுத்த நோயாளிகள் (High BP Patients)
உயர் இரத்த அழுத்தம் உள்ள நோயாளிகள் தவறுதலாக கூட அளவிற்கு அதிகமாக காபி உட்கொள்ளக்கூடாது. இரத்த அழுத்தத்தை கட்டுக்குள் வைக்க, காபி சாப்பிடுவதைத் தவிர்க்க வேண்டும். அதிக காபி உங்கள் தூக்கத்தை பாதிக்கலாம். இதன் காரணமாக தூக்கமின்மை பிரச்சனை ஏற்படும் அபாயமும் அதிகரிக்கிறது. தூக்கமின்மை இதய நோய் அபாயத்தையும் அதிகரிக்கிறது. இதனால், மன அழுத்தமும் அதிகரிக்கும்.
ஆஸ்டியோபோரோசிஸ் மூட்டு வலி பிரச்சனை உள்ளவர்கள் (Osteoporosis & Joint Pain)
அளவிற்கு அதிக காபி, எலும்புகளில் இருந்து கால்ஷியத்தை உறிஞ்சி விடும். எலும்புகள் பலவீனமடையத் தொடங்கும். இதனால், எலும்பு மெலிதல் என்னும் ஆஸ்டியோபோரோசிஸ் நோய் தாக்கும் அபாயம் உள்ளது. இதில், எலும்பின் அடர்த்தி குறையத் தொடங்குகிறது, இதன் காரணமாக எலும்பு முறிவு ஏற்படும் அபாயம் அதிகரிக்கிறது. காபி குடிப்பது எலும்புகளை எதிர்மறையாக பாதிக்கிறது. எனவே, ஆஸ்டியோபோரோசிஸ், மூட்டு வலி, முழங்கால் வலி, போன்ற பிரச்சனை உள்ளவர்கள் காபி குடிப்பதை தவிர்ப்பது நல்லது.
மேலும் படிக்க | நெய் கலந்த உணவுகளை இவர்கள் சாப்பிடவே கூடாது..! உயிருக்கே ஆபத்து..!
கர்ப்பிணிகள் ( Diet For Pregnant Ladies)
கர்ப்ப காலத்தில் பெண்கள் அளவிற்கு அதிகமாக காபி குடிக்க வேண்டாம் என்று அறிவுறுத்தப்படுகிறார்கள். காபியை ஒன்றுக்கு மேற்பட்ட முறை குடிப்பது கர்ப்பிணிகளுக்கும், கருவில் உள்ள குழந்தைக்கும் நல்லதல்ல. கர்ப்ப காலத்தில் அதிகமாக காபி குடிப்பதும் பிபி பிரச்சனையை அதிகரிக்கும்.
பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
