குளிர்காலத்தில் கற்றாழை ஜெல்லை இப்படி எல்லாம் கூட பயன்படுத்தலாமா? மருத்துவ மகத்துவம்

Aloe vera Benefits Tamil | கற்றாழை நமது சருமம், முடி மற்றும் ஒட்டுமொத்த ஆரோக்கியத்திற்கும் நன்மையை கொடுக்கக்கூடியது என்பதை எல்லோருமே அறிந்து வைத்திருப்போம். கற்றாழை ஜெல்லைப் எப்படி பயன்படுத்தினாலும் உடலுக்கு நல்ல விஷயங்களே கிடைக்கும். கற்றாழை ஜூஸ் செய்து கூட குடிக்கலாம். ஆனால் கற்றாழை குளிர்ச்சியான தன்மை கொண்டது. இது உடலை குளிர்விக்கும். அதனால், குளிர்காலத்தில் கற்றாழை ஜெல்லை பயன்படுத்துவது சரியா தவறா என்ற கேள்வி பெரும்பாலான மக்களுக்கு உள்ளது. எனவே குளிர்காலத்தில் கற்றாழை ஜெல்லைப் பயன்படுத்துவதால் என்ன நடக்கும்?, குளிர்காலத்தில் கற்றாழை ஜெல்லை எப்படி பயன்படுத்துவது என்பதை இங்கே தெரிந்து கொள்ளுங்கள். 

குளிர்காலத்தில் சருமம் மற்றும் கூந்தல் அழகு மெருகேற கற்றாழை ஜெல்லைப் பயன்படுத்தலாம். குளிர்காலத்தில் வறண்ட சருமத்திற்கு மிகவும் நன்மை கொடுக்ககூடியது கற்றாழை. இதைப் பயன்படுத்துவது சருமத்திற்கு நீரேற்றத்தை அளிக்கிறது, சருமத்தை ஈரப்பதமாக்குகிறது, முடியில் கூட இதைப் பயன்படுத்துவது குளிர்காலத்தில் பொடுகுத் தொல்லையைத் தடுக்க உதவும்.

குளிர்காலத்தில் கற்றாழை ஜெல்லை தடவுவதால் கிடைக்கும் நன்மைகள்

உங்கள் சருமத்தை ஈரப்பதமாக்கும்

குளிர்காலத்தில் சருமம் வறண்டு, பொலிவிழந்து காணப்படும். அந்த சூழ்நிலையில் முகத்தில் புதிய கற்றாழை ஜெல்லை தடவுவது சருமத்தை ஈரப்பதமாக்கி மென்மையா மாற்றும். இது மட்டுமல்லாமல், கற்றாழை ஜெல் சருமத்தில் தேய்க்கும்போது ஒரு லேசான அடுக்கை உருவாக்குகிறது, இதன் காரணமாக ஈரப்பதம் நீண்டநேரமாக இருக்கும்.

வறண்ட சருமம்

கற்றாழை வயதானதைத் தடுக்கும் பண்புகளைக் கொண்டுள்ளது. எனவே குளிர்காலத்தில் சருமம் வறண்டு காணப்படும்போது, சுருக்கங்கள் அதிகரிக்கும் அபாயம் அதிகம். கற்றாழை ஜெல்லைப் பயன்படுத்துவது சுருக்கங்களிலிருந்து நிவாரணம் அளிக்கும், இது மட்டுமல்லாமல், கற்றாழையில் உள்ள ஆக்ஸிஜனேற்ற பண்புகள் முகப்பரு மற்றும் சுருக்கங்களை நீக்கவும் உதவுகின்றன.

உதடு பராமரிப்பு

வெடிப்பு மற்றும் வறண்ட உதடுகளில் கற்றாழை ஜெல்லைப் பயன்படுத்துவது உதடுகளுக்கு ஈரப்பதத்தையும் ஊட்டச்சத்தையும் அளிக்கிறது, குறிப்பாக குளிர்காலத்தில் தூங்குவதற்கு முன் வெடிப்புள்ள உதடுகளில் இதைப் பயன்படுத்தலாம்.

காயங்களை குணப்படுத்தும்

கற்றாழை ஜெல் சருமத்தில் ஏற்படும் விரிசல்களையும், சளியால் ஏற்படும் சிறிய காயங்களையும் விரைவாக குணப்படுத்துகிறது. இது தவிர, கருவளையங்களின் பிரச்சனையைக் குறைக்க கற்றாழை ஜெல்லைப் பயன்படுத்தலாம்.

பொடுகை போக்கும்

குளிர்காலத்தில், உச்சந்தலையில் பொடுகு பிரச்சனை அதிகமாகிறது, அத்தகைய சூழ்நிலையில், கற்றாழை ஜெல்லில் உள்ள பூஞ்சை எதிர்ப்பு மற்றும் பாக்டீரியா எதிர்ப்பு பண்புகள் பொடுகை நீக்கி உச்சந்தலையை ஈரப்பதமாக்க உதவுகின்றன. இது மட்டுமல்லாமல், தலைமுடியைக் கழுவுவதற்கு முன் கற்றாழை ஜெல்லைப் பயன்படுத்துவது கூந்தலுக்கு ஊட்டமளித்து, இயற்கையான பளபளப்பைத் தருகிறது. கற்றாழை ஜெல்லை உச்சந்தலையில் தடவுவது இரத்த ஓட்டத்தை அதிகரிக்கிறது, இது முடி வளர்ச்சிக்கு உதவுகிறது.

கற்றாழை ஜெல்லை எப்படி பயன்படுத்துவது?

கற்றாழை ஜெல்லைப் பயன்படுத்த, புதிய கற்றாழையை வெட்டி, அதன் உள்ளே உள்ள கூழை வெளியே எடுக்கவும். நீங்கள் ஆர்கானிக் கற்றாழை ஜெல்லையும் பயன்படுத்தலாம். நீங்கள் விரும்பினால், அதில் வைட்டமின் ஈ காப்ஸ்யூலைச் சேர்த்து, முகத்திலும் உடலிலும் தொடர்ந்து தடவலாம். வெடிப்புள்ள குதிகால்களிலும் தடவலாம். புதிய கற்றாழை ஜெல்லை தலைமுடியில் 30 நிமிடங்கள் தடவி, பின்னர் சாதாரண ஷாம்பூவைப் பயன்படுத்தி தலைமுடியைக் கழுவவும். வெடித்த உதடுகளில் இதை லிப் பாமாகவும் பயன்படுத்தலாம்.

மேலும் படிக்க | இந்த அறிகுறிகள் இருக்கிறதா? சிறுநீரக பிரச்சனையாக இருக்கலாம்! ஜாக்கிரதை!

மேலும் படிக்க | முடி அதிகம் கொட்டுகிறதா? கவலை வேண்டாம்! இந்த உணவுகளை மட்டும் சாப்பிடுங்கள்!

பொறுப்பு துறப்பு: இவை அனைத்தும் பொதுவான மற்றும் வீட்டு வைத்தியம் சார்ந்த தகவல்களின் அடிப்படையில் எழுதப்பட்டவை. இதனை பின்பற்றும் முன் மருத்துவ ஆலோசனை பெறுவது நல்லது. இந்த தகவல்களை ஜீ நியூஸ் (Zee Tamil News) உறுதிப்படுத்தவில்லை.

சார்பில்லாத சமரசமில்லாத செய்திகள் உங்கள் உள்ளங்கைகளில்!