कोरोना विषाणू मेंदूलाही हानी पोहोचवू शकतो का? पाहा संशोधनात काय आलं पुढे

मुंबई : आज जेव्हा कोरोना व्हायरसने संपूर्ण जगाला वेढले आहे. शास्त्रज्ञ त्यातील प्रत्येक बाबींवर संशोधन करत आहेत. श्वसन प्रणालीवर हल्ला करणाऱ्या या विषाणूमुळे जगभरात होणाऱ्या मृत्यूची संख्या लाखोंवर पोहोचली आहे. चीनच्या वुहान शहरातून सुरू झालेल्या या शरीराच्या विविध भागावर होणाऱ्या दुष्परिणामांवर वैज्ञानिकही संशोधन करीत आहेत. अलीकडेच, चीनने मेंदूत कोरोनाच्या परिणामाचा अभ्यास केला आहे. तसेच कोरोना मज्जासंस्थेवर कसा परिणाम करीत आहे हे देखील पाहिले.

कोरोना संक्रमित लोकांनी अनुभवलेल्या लक्षणांचा पूर्ण अहवाल अद्याप तयार नाही. परंतु नुकत्याच झालेल्या संशोधनात कोविड -१९ रुग्णांमध्ये आढळलेल्या न्यूरोलॉजिकल लक्षणांचा अभ्यास केला गेला. कोरोनाने रुग्णांच्या मज्जासंस्थेमध्ये काय लक्षणे कशी दिली याचा अभ्यास केला गेला.

वुहानमधील रुग्णालयात दाखल असलेल्या कोविड -१९ रूग्णांवर हे संशोधन केले गेले आहे. तपासणीत या आजारातील न्यूरोलॉजिकल बदलांचा अभ्यास संशोधकांनी केला आहे. चीनमधील प्रसिद्ध न्यूरोलॉजी जर्नल जामामध्येही संशोधकांचे हे निष्कर्ष प्रकाशित झाले आहेत. संशोधकांना कोविड 19 चे न्यूरोलॉजिकल लक्षणे रूग्णात ठराविक प्रमाणात आढळली आहेत.

संशोधकांनी 16 जानेवारी 2020 ते 19 फेब्रुवारी 2020 पर्यंत कोरोना रूग्णांचा अभ्यास केला आहे. त्यात, संशोधकांना आढळले की, 36.4 टक्क्यांहून अधिक रुग्णांमध्ये ताप-खोकल्यापेक्षा न्यूरोलॉजिकिक लक्षणं अधिक आहेत. ही लक्षणे सामान्यत: गंभीर संक्रमण असलेल्या रूग्णांमध्ये अधिक आढळतात. संशोधकांनी या लक्षणांचे तीन प्रकारात वर्गीकरण केले आहे. 

पहिल्या प्रकारात चक्कर येणे, डोकेदुखी, दृष्टी कमी होणे, चेतना कमी होणे, एटोक्सिया (शरीराच्या एकूण कामकाजावर मेंदूचं नियंत्रण कमी होणे) यासारखी लक्षणं आढळली. याशिवाय दुसर्‍या प्रकारात परिघीय मज्जासंस्था दिसून आली. यात रूग्णात चव आणि गंध कमी होणे, दृष्टी कमी होणे आणि चिंताग्रस्त वेदनांचा समावेश आहे. आणि तिसर्‍या प्रकारात स्केटल स्नायूंच्या दुखापतीचा अभ्यास केला गेला. त्यामुळे कोरेना सारखा गंभीर संसर्ग आजार झाल्यास मानवी मेंदूवर परिणाम करू शकते हे स्पष्टपणे दिसून आले.

214 रुग्णांचा अभ्यास संशोधकांनी केला. यापैकी 126 जणांना गंभीर संक्रमण झाले नाही, तर 88 रूग्णांना तीव्र संक्रमण झाले, या अभ्यासात असे दिसून आले की यापैकी 78 रुग्णांनी कोविड 19 च्या परिणामस्वरूप न्यूरोलॉजिकल बदल दिसला. या रुग्णांमध्ये कोरोना ताप आणि खोकलाची लक्षणे उच्च रक्तदाबच्या लक्षणांपेक्षा जास्त असल्याचे दिसून आले. 

काही रुग्ण फक्त ताप आणि खोकल्याऐवजी न्यूरोलॉजिकल लक्षणं घेऊन रुग्णालयात आले होते. नंतर केलेल्या तपासणीत ते कोरोना पॉझिटिव्ह असल्याचे आढळले. म्हणूनच कोरोना विषाणूच्या काही रूग्णांमध्ये न्यूरोलॉजिकल लक्षणे ही असू शकतात हे दिसले.

संशोधकांनी असा सल्ला दिला आहे की कोविड -१९ च्या रूग्णांमध्ये त्यांच्या न्यूरोलॉजिकल लक्षणांवर देखील विशेष लक्ष देणे आवश्यक आहे. तीव्र संसर्ग झालेल्या रूग्णांमध्ये हे विशेषतः महत्वाचे आहे.