कमी वयात मिळालेलं यश कसं हाताळावं? विनोद कांबळी आणि पृथ्वी शॉकडून काय शिकावं?

सोशल मीडियावर गेल्या काही दिवसांपासून विनोद कांबळी आणि पृथ्वी शॉबाबत चर्चा होतेय. एकेकाळी कमी वयात यशाच्या शिखरावर पोहोचलेल्या या दोघांची सद्यस्थिती हा चर्चेचा विषय आहे.

दक्षता ठसाळे-घोसाळकर | Dec 05, 2024, 16:06 PM IST

रमाकांत आचरेकर सरांच्या स्मारकाच्या उद्घाटन सोहळ्यात भारतीय क्रिकेट संघाचा खेळाडू विनोद कांबळी याचीच चर्चेत होती. विनोद कांबळी आणि सचिन तेंडुलकर हे दोघेही रमाकांत आचरेकर सरांचे शिष्य पण आज दोघांची अवस्था मात्र वेगवेगळ्या स्तरावर आहे. तसेच दुसऱ्या बाजूला आयपीएल मेगा लिलावात अनसोल्ड राहिल्यानंतर भारतीय क्रिकेटर पृथ्वी शॉ देखील चर्चेत आला. यानंतर कमी वयात मिळालेलं यश याला कारणीभूत असल्याची चर्चा रंगली. अशावेळी कमी वयात मिळालेलं यश कसं हाताळावं हा प्रश्न उपस्थित राहतो.

1/8

रमाकांत आचरेकर सरांच्या स्मारकाच्या उद्घाटन सोहळ्यात भारतीय क्रिकेट संघाचा खेळाडू विनोद कांबळी याचीच चर्चेत होती. विनोद कांबळी आणि सचिन तेंडुलकर हे दोघेही रमाकांत आचरेकर सरांचे शिष्य पण आज दोघांची अवस्था मात्र वेगवेगळ्या स्तरावर आहे. तसेच दुसऱ्या बाजूला आयपीएल मेगा लिलावात अनसोल्ड राहिल्यानंतर भारतीय क्रिकेटर पृथ्वी शॉ देखील चर्चेत आला. यानंतर कमी वयात मिळालेलं यश याला कारणीभूत असल्याची चर्चा रंगली. अशावेळी कमी वयात मिळालेलं यश कसं हाताळावं हा प्रश्न उपस्थित राहतो.

2/8

खेळाच्या दोन्ही बाजू

खेळ म्हटलं की, त्यामध्ये यश-अपयश हे आलंच. पण अशावेळी अपयशाने खचून जाऊ नये आणि यशाने हुरळून जाऊ नये. पृथ्वी आणि विनोद कांबळी यांना आपलं यश पचवता आलं नाही. विनोद कांबळी आंतररराष्ट्रीय क्रिकेट खेळल्यानंतर हुरळून गेल्याचं सांगण्यात येतं.

3/8

फोकस राहा

पृथ्वी शॉच्या कोचने दिलेल्या माहितीनुसार, पृथ्वी शॉने मेहनतीच्या जोरावर क्रिकेट टीममध्ये स्थान मिळवलं. पण तो आपल्या खेळाप्रती फोकस राहिला नाही. आपल्या मित्रपरिवार यावेळी अतिशय महत्त्वाचा असतो. तुम्ही करिअरमध्ये फोकस राहण्यासाठी आपल्या क्षेत्राशी निगडीत किंवा तुमच्या क्षेत्राची तुम्हाला जाणीव करुन देणारी संगत हवी. कारण संगत अतिशय महत्त्वाची आहे.

4/8

कृतज्ञता

सतत आपण कृतज्ञ असणं गरजेचं आहे. पण कृतज्ञता फक्त माणसांची व्यक्त करायची का? तर अजिबात नाही. सचिन तेंडुलकर सांगतो की, कृतज्ञता आपल्या किटची देखील व्यक्त करा. रमाकांत आचरेकरांनी सरांनी दिलेली ही शिकवण तो सगळ्याच तरुण खेळाडूंशी व्यक्त करतो.

5/8

हुरळून जाऊ नका

परिस्थिती अगदी कितीही सकारात्मक आणि यशाची असली तरीही हुरळून न जाता पाय जमिनीवर ठेवणे अत्यंत गरजेचे आहे. यश मिळाल्यानंतर आपल्या आजूबाजूची परिस्थिती बदलते. अतिशय सकारात्मक होते. पण या परिस्थितीत कुणीही बदलू नये. कारण ही परिस्थिती कायम राहिल अशी काही गॅरंटी नाही.

6/8

पृथ्वी शॉचं कुठे चुकलं?

पृथ्वी शॉला अतिशय कमी वयात मिळालेलं यश कौतुकास्पद आहे. पृथ्वीने आपला फोकस हलवून ध्येय दुसऱ्या क्रमांकावर ठेवलं. संगत बदलणे ही सर्वात मोठी चूक ठरली. पृथ्वी क्रिकेटरपेक्षा कलाकारांच्या संगतीत जास्त रंगला आणि हीच चूक त्याला महागात पडली. या काळात त्याचं क्रिकेट दुसऱ्या क्रमांकावर पोहोचले. खेळासाठी लागत असलेलं डेडिकेशन या काळात कमी झालं.

7/8

विनोद कांबळीचं कुठे चुकलं?

विनोद कांबशी याचा खेळ सर्वोत्तम पण नेमकं चुकलं कुठे? असा प्रश्न अनेकांना पडला. पण मिळालेलं यश टिकवून ठेवणे ही सर्वोत्त कला आहे. मेहनत आणि सातत्य हे यशानंतरही टिकून राहील याकडे लक्ष असणे गरजेचे असते.

8/8

पालकांची काय जबाबदारी?

अशा काळात पालक आणि त्या व्यक्तीच्या जवळच्या मित्र मैत्रिणींची सर्वात मोठी जबाबदारी असते. पालकांना आपलं मुलं चुकीच्या वळणाकडे जाताना दिसलं तर त्याने सावध असणे तितकेच गरजेचे आहे. पालक म्हणून मुलाला पाठिशी घालणं किंवा दुर्लक्ष करणं त्यांना महागात पडू शकतं.

पुढील
अल्बम