मुंबई लोकलमध्ये 'फाइव्ह स्टार रेस्तरॉं', प्रवाशांना मिळाली स्पेशल डिश
Mumbai Local Train Restaurant: मुंबईकर प्रवाशांना तृप्त करण्यासाठी 2 तरुण यात दिसत आहेत. कोण आहेत हे तरुण? काय आहे हा प्रकार? सविस्तर जाणून घेऊया.
)
Mumbai Local Train Restaurant: तुम्ही मुंबई लोकलने प्रवास करत असाल तर दररोज काहीतरी वेगळ्या गोष्टी तुम्हाला पाहायला नक्कीच मिळत असतील. विरार, बदलापूरसारख्या लांब ठिकाणावरुन मुंबईत येणाऱ्यांचा तर मोठा वेळ लोकलमध्ये जातो. अशावेळी मुंबई लोकल ही प्रवाशांच्या जीवनाचा एक महत्त्वाचा भाग आहे. पहाटेपासून रात्रीपर्यंत लाखो प्रवासी आपल्या गंतव्य ठिकाणी पोहोचण्यासाठी लोकलचा वापर करतात. मुंबईच्या लोकल ट्रेनचे व्हिडीओज सोशल मीडियावर अनेकदा दिसतात. सकाळी आणि संध्याकाळच्या वेळेत लोकल इतकी भरलेली असते की प्रवाशांना पाय ठेवायला जागा नसते. तर बरेच प्रवासी लटकून प्रवास करतात. दरम्यान मुंबई लोकल ट्रेनचा आणखी एक व्हिडीओ सोशल मीडियावर व्हायरल होत आहे. ज्यामध्ये लोकलमध्ये रेस्टॉरंट उघडल्याचे तुम्हाला दिसून येईल. मुंबईकरांना तृप्त करण्यासाठी 2 तरुण यात दिसत आहेत. कोण आहेत हे तरुण? काय आहे हा प्रकार? सविस्तर जाणून घेऊया.
मुंबईच्या लोकल ट्रेनमध्ये फिरते रेस्टॉरंट
लोकल ट्रेनमधील रेस्टॉरंट आणि तेही मुंबईच्या लोकलमध्ये...असे कोणी सांगितले तर त्यावर विश्वास ठेवणे कठीण जाईल. पण सोशल मीडिया प्लॅटफॉर्म इन्स्टाग्रामवर व्हायरल झालेला हा व्हिडीओ पाहून तुम्हाला सर्व प्रश्नांची उत्तरे मिळतील. दोन तरुणांनी 'टेस्टी तिकीट' नावाच्या या रेस्तरॉंची काही निमंत्रण पत्रिका बनवली. यानंतर ही कार्डे रेल्वे स्टेशनवर बसलेल्या लोकांना वाटली. त्यानंतर कार्डवर लिहिलेल्या तारखेनुसार रेस्टॉरंटही सुरू करण्यात आले. या रेस्टॉरंटच्या उद्घाटनामध्ये प्रवाशांना मोफत जेवण म्हणजेच मोफत जेवण देण्यात आले होते, असे सांगण्यात येत आहे.
प्रवाशांनी दिल्या प्रतिक्रिया
व्हिडीओमध्ये दिसत आहे की, दोन तरुण मुंबई लोकलमधील एका प्रवाशाला ओरेगॅनो टाकून जिलेबी देत आहेत. त्याचप्रमाणे मॅगीही केचपसोबत दिली जाते. एवढेच नव्हे तर शेवटी गोड मिठाई दिली जाते आणि शेवटी लोकांकडून अभिप्रायही घेतला जातोय.
सोशल मीडिया साइट्सवर लाखो यूजर्सनी हा व्हिडीओ पाहिला आहे. यावर खूप लाइक्स आणि कमेंट्स दिसत आहेत. यूजर्स वेगवेगळ्या प्रकारच्या प्रतिक्रिया देत आहेत. एका यूजरने लिहिले, 'भाऊ तुम्ही मला कोणत्या स्टेशनवर भेटाल?' दुसऱ्या युजरने लिहिले की, 'अशा कल्पना कुठून येतात?' तिसरा यूजर्स म्हणाला, 'भाई, तू माझ्याकडे कधीच का पाहत नाहीस?' अशा प्रतिक्रिया वाचायला मिळत आहेत. या प्रतिक्रिया 2 तरुणांसाठी अभिप्राय आहे. प्रवाशांच्या अभिप्रायाप्रमाणे तरुणांना त्यांच्या व्यवसायाच आवश्यक ते बदल करायचे आहेत.