Pendulum Movie: ടൈം ട്രാവൽ മൂവിയോ പെൻഡുലം? വിജയ് ബാബു ചിത്രം ട്രെയിലർ പുറത്ത്

നടനും നിർമാതാവുമായ വിജയ് ബാബുവിനെ കേന്ദ്രകഥാപാത്രമാക്കി ഒരുക്കുന്ന പെൻഡുലം സിനിമയുടെ ട്രെയിലർ റിലീസ് ചെയ്തു. ഒരാൾ സ്വപ്നം കാണുന്നതൊക്കെ ഫലിച്ചാൽ എന്തൊക്കെയാകും സംഭവിക്കുക? അതാണ് ഈ ചിത്രത്തിലും പറയുന്നതെന്നാണ് ട്രെയിലറിൽ നിന്നും ലഭിക്കുന്ന സൂചന. വളരെ ത്രില്ലിം​ഗ് ആയിട്ടുള്ള ട്രെയിലറാണ് റിലീസ് ചെയ്തിരിക്കുന്നത്. ചിത്രം ജൂൺ 16ന് തിയേറ്ററുകളിൽ റിലീസ് ചെയ്യും. 

നവാഗതനായ രജിൻ എസ് ബാബു സംവിധാനം ചെയ്യുന്ന ചിത്രം ഒരു ടൈം ട്രാവൽ മൂവി ആയിരിക്കുമെന്ന സൂചനയാണ് ഫസ്റ്റ്ലുക്ക് പോസ്റ്ററിൽ നിന്നും ലഭിച്ചത്. ലൈറ്റ്സ് ഓൺ സിനിമാസിന്റെയും ബാറ്റ് ബ്രോസ് ഇന്റർനാഷ്ണലിന്റെയും ബാനറിൽ ഡാനിഷ് കെ.എ, ലിഷ ജോസഫ്, ബിനോജ് വില്ല്യ എന്നിവരാണ് ചിത്രം നിർമിച്ചിരിക്കുന്നത്. സംവിധായകനായ രജിൻ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്.  

വിജയ് ബാബുവിനെ കൂടാതെ ചിത്രത്തിൽ ഇന്ദ്രൻസ്, രമേശ് പിഷാരടി, അനുമോൾ, ദേവിക രാജേന്ദ്രൻ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. അരുൺ ദാമോദരനാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. ഷമീർ ബിൻസി, ടിറ്റോ പി തങ്കച്ചൻ, ലിഷ ജോസഫ് എന്നിവരുടെ വരികൾക്ക് ജീനാണ് സംഗീതം നൽകിയിരിക്കുന്നത്. സൂരജ് ഇഎസാണ് എഡിറ്റിങ്.

Also Read: Pappachan Olivilanu: 'മുത്തുക്കുട മാനം പന്തലൊരുക്കിയില്ലേ'... 'പാപ്പച്ചൻ ഒളിവിലാണ്' ചിത്രത്തിലെ വീഡിയോ ​ഗാനം

പൃഥ്വിരാജ്, ഇന്ദ്രജിത്ത് കൂട്ടികെട്ടിലെ രതീഷ് അമ്പാട്ട്- മുരളി ഗോപി ചിത്രത്തിലാണ് ഏറ്റവും അവസാനമായി വിജയ് ബാബു അഭിനയിച്ചത്. നടന്റെ തന്നെ പ്രൊഡക്ഷൻ കമ്പനിയായ ഫ്രൈഡെ ഫിലിംസ് നിർമിച്ച ചിത്രം ബോക്സ്ഓഫീസിൽ പരാജയമായിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...