Cardamom Health Benefits: സുഗന്ധവ്യഞ്ജനങ്ങളുടെ റാണിയാണ് ഏലക്ക എന്നാണ് പറയപ്പെടുന്നത്. . നമ്മില്‍ പലരും ഏലയ്ക്ക ചവയ്ക്കാൻ ഇഷ്ടപ്പെടുന്നു, ഇത് വായയുടെ രുചി മാറ്റുന്നു, വായ്ക്ക് സുഗന്ധം നല്‍കുന്നു. ചിലര്‍ ഇത് ചായയില്‍ ഉപയോഗിക്കുന്നു, പായസത്തില്‍ ഉപയോഗിക്കുന്നു. എലക്കയുടെ രുചിയും മണവും എല്ലാവര്‍ക്കും ഇഷ്ടമാണ്.
Also Read: Weekly Horoscope February 4 - 10: ഈ രാശിക്കാര്‍ക്ക് തൊഴില്‍ രംഗത്ത് നേട്ടം, ഇവര്‍ ആരോഗ്യം ശ്രദ്ധിക്കുക, ഈ ആഴ്ചയിലെ രാശിഫലം
മധുരപലഹാരങ്ങൾ, ബിരിയാണി, ഹൽവ തുടങ്ങിയ ഭക്ഷണ പദാര്‍ത്ഥങ്ങളില്‍ ഏലക്ക ഉപയോഗിക്കുക സാധാരണമാണ്. വിറ്റാമിൻ ബി 6, വിറ്റാമിൻ ബി 3, വിറ്റാമിൻ സി, സിങ്ക്, കാൽസ്യം, പൊട്ടാസ്യം എന്നിവയ്ക്കൊപ്പം പ്രോട്ടീനുകളും ആരോഗ്യകരമായ കൊഴുപ്പുകളും ഏലയ്ക്കയിൽ ധാരാളമായി അടങ്ങിയിട്ടുണ്ട്.
Also Read: UP Massive Wedding: സമൂഹ വിവാഹത്തില്‍ വിവാഹിതരും!! വരനില്ല, സ്വയം താലി ചാർത്തി വധുക്കള്‍
ചെറിയ ഏലക്ക, വലിയ ഏലക്ക എന്നിങ്ങനെ രണ്ട് തരം ഏലക്കകള്‍ ഉണ്ട്. വലിയ ഏലം സുഗന്ധവ്യഞ്ജനമായി ഉപയോഗിക്കുന്നു. ഭക്ഷണം സുഗന്ധമുള്ളതാക്കാൻ ചെറിയ ഏലയ്ക്ക ഉപയോഗിക്കുന്നു, കൂടാതെ ഇത് ഒരു സുഗന്ധവ്യഞ്ജനമായും ഉപയോഗിക്കാം. മധുരപലഹാരങ്ങൾ സുഗന്ധമുള്ളതാക്കാൻ കൂടുതലായും ചെറിയ ഏലയ്ക്ക ഉപയോഗിക്കുന്നു.
എന്നാല്‍, ഏതെങ്കിലും തരത്തില്‍ ഏലക്ക കഴിക്കുന്നതിലൂടെ നമ്മുടെ ശരീരത്തിന് എന്തെല്ലാം ഗുണങ്ങളാണ് ലഭിക്കുകയെന്ന് നിങ്ങൾക്കറിയാമോ?
വായിൽ നിന്ന് ഒരു തരത്തിലുമുള്ള ദുർഗന്ധം വരാതിരിക്കാൻ ഏലയ്ക്ക സഹായിയ്ക്കും. അതായത് ഒരു മൗത്ത് ഫ്രഷ്നറായി ഏലക്ക പ്രവര്‍ത്തിക്കുന്നു. ഭക്ഷണം രുചികരമാക്കാൻ ഏലക്ക ഉപയോഗിക്കുന്നു. അതേസമയം ആയുർവേദ ഔഷധമായും ഏലയ്ക്ക ഉപയോഗിക്കുന്നു. ഇതുകൂടാതെ, അസിഡിറ്റി, മലബന്ധം, വയറുവേദന, അതായത് ദഹനവുമായി ബന്ധപ്പെട്ട പ്രശ്നങ്ങൾ എന്നിവയ്ക്കും ഏലക്ക വളരെ സഹായകരമാണ്. ഓക്കാനം, ഛർദ്ദി എന്നിവയുമായി ബന്ധപ്പെട്ട പ്രശ്നങ്ങൾക്കുള്ള ഉത്തമ പ്രതിവിധിയാണ് ഏലക്ക.
ക്യാൻസറിനെ ചെറുക്കാൻ ഏലക്ക സഹായിക്കുന്നു
ഏലക്കയിൽ അടങ്ങിയിരിക്കുന്ന ആന്‍റി -ഇൻഫ്ലമേറ്ററി ഗുണങ്ങൾ വായ്, ചർമ്മ കാൻസറിനെ ചെറുക്കാൻ സഹായിക്കും.
ശരീരഭാരം കുറയ്ക്കാൻ ഏലക്ക സഹായിക്കുന്നു
പൊണ്ണത്തടി കുറയ്ക്കാൻ ഏലയ്ക്ക ഭക്ഷണത്തിൽ ഉൾപ്പെടുത്താം.ഇതിൽ അടങ്ങിയിരിക്കുന്ന പോഷകങ്ങൾ വേഗത്തിൽ ശരീരഭാരം കുറയ്ക്കാൻ സഹായിക്കുന്നു.
രക്തചംക്രമണം മെച്ചപ്പെടും
ഏലക്ക രക്തം മൃദുവാക്കാന്‍ സഹായിയ്ക്കുന്നു. ഏലക്ക കഴിയ്ക്കുന്നതു മൂലം, സിരകളിലെ രക്തചംക്രമണം മെച്ചപ്പെടുന്നു. ഇത് കഴിക്കുന്നത് രക്തം കട്ടപിടിക്കുന്നത് തടയുകയും ഹൃദയാഘാത സാധ്യത കുറയ്ക്കുകയും ചെയ്യുന്നു.
ശരീരം വിഷവിമുക്തമാക്കും
വിഷ പദാർത്ഥങ്ങൾ നമ്മുടെ ശരീരത്തിൽ അടിഞ്ഞുകൂടാൻ തുടങ്ങിയാൽ, അത് പല രോഗങ്ങൾക്കും വഴിതെളിക്കും. എന്നാൽ ചെറിയ ഏലക്ക കഴിക്കുന്നത് മൂത്രത്തിന്‍റെ ഒഴുക്ക് വർദ്ധിപ്പിക്കുകയും ശരീരം വിഷരഹിതമാക്കുകയും ചെയ്യും. ഇത് വൃക്കകളുടെ പ്രവർത്തനം മെച്ചപ്പെടുത്താൻ സഹായിക്കും, ഇത് വൃക്കസംബന്ധമായ രോഗങ്ങളുടെ സാധ്യത ഇല്ലാതാക്കും.
വിളർച്ച തടയാം
ഇരുമ്പിന്‍റെ സമ്പന്നമായ ഉറവിടമാണ് ഏലക്ക. അതിനാല്‍, തലകറക്കം, അലസത തുടങ്ങിയ വിളർച്ചയുടെ ലക്ഷണങ്ങളെ ചെറുക്കാൻ ഏലക്ക സഹായിക്കുന്നു. വിറ്റാമിൻ സി കൊണ്ട് സമ്പന്നമായ ഇത് ശരീര കോശങ്ങളിൽ ഇരുമ്പിന്‍റെ ആഗിരണം വർദ്ധിപ്പിക്കുന്നു.
കൊഴുപ്പിനെ നീക്കാം
അടിവയറ്റിൽ കൊഴുപ്പ് അടിഞ്ഞുകൂടുന്നത് തടയാൻ ഏലക്ക സഹായിക്കുന്നു. കൊഴുപ്പ് ശരീരത്തിൽ അധികമായി അടിഞ്ഞുകൂടുന്നത് ഉപാപചയ പ്രവർത്തനത്തെ തടസ്സപ്പെടുത്തുകയും ഹൃദയസംബന്ധമായ പ്രശ്നങ്ങളെ വർദ്ധിപ്പിക്കുകയും ചെയ്യുന്നു. ഏലക്ക പതിവായി കഴിക്കുന്നത് ഇത്തരത്തിൽ അടിഞ്ഞുകൂടുന്ന കൊഴുപ്പിനെ നീക്കം ചെയ്യാൻ സഹായിക്കുന്നു.
ചുമ, ജലദോഷം അകറ്റാം
ചുമ, ജലദോഷം തുടങ്ങിയ പ്രശ്‌നങ്ങള്‍ പരിഹരിക്കാന്‍ ഏലക്ക വളരെ നല്ലതാണ്. തൊണ്ടയിലെ അണുബാധ, ചുമ തുടങ്ങിയ പ്രശ്‌നങ്ങള്‍ക്ക് ഏലക്ക പൊടിച്ചതില്‍ അല്‍പം തേന്‍ ചേര്‍ത്ത് കഴിക്കുന്നത് ഏറെ നല്ലതാണ്.
(നിരാകരണം: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം സ്വീകരിക്കണം. ZEE NEWS അത് സ്ഥിരീകരിക്കുന്നില്ല.)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
