વાનખેડેમાં અભિષેકની તૂફાની સદી, ટીમ ઈન્ડિયાને ઈંગ્લેન્ડને 150 રનથી હરાવ્યું; સિરીઝ પર 4-1થી કબજો

IND vs ENG: ભારતે ઈંગ્લેન્ડને ટી-20 સિરીઝમાં ખરાબ રીતે હરાવ્યું હતું. ટીમ ઈન્ડિયાએ રવિવારે સિરીઝની પાંચમી અને છેલ્લી મેચ 150 રનથી જીતી લીધી હતી. ભારતે સિરીઝને 4-1થી કબજે કરી લીધી છે. મુંબઈમાં ટીમ ઈન્ડિયા માટે અભિષેક શર્માએ શાનદાર પ્રદર્શન કર્યું. વિસ્ફોટક સદી ફટકારવાની સાથે તેમણે 2 વિકેટ પણ લીધી હતી. આ મેચમાં અભિષેકે ઘણા રેકોર્ડ તોડ્યા હતા. શિવમ દુબે પણ ભારત માટે મહત્વપૂર્ણ સાબિત થયો હતો. ઈંગ્લેન્ડ તરફથી ફિલિપ સોલ્ટે અડધી સદી ફટકારી હતી.

પ્રથમ બેટિંગ કરતા ભારતે 247 રન બનાવ્યા હતા. આ દરમિયાન અભિષેકે 135 રનની ધમાકેદાર ઇનિંગ રમી હતી. શિવમ દુબેએ 30 રનનું યોગદાન આપ્યું હતું. જેના જવાબમાં ઈંગ્લેન્ડની ટીમ માત્ર 97 રનના સ્કોર પર સમેટાઈ ગઈ હતી. ટીમ ઈન્ડિયાના બેટ્સમેન બાદ બોલરોએ પણ વાનખેડે સ્ટેડિયમમાં શાનદાર પ્રદર્શન કર્યું.

આ શહેરમાં અચાનક આકાસમાંથી વરસ્યા સેંકડો કરોળિયા, આ ડરામણી ઘટના પાછળ શું હકીકત?

અભિષેકની રેકોર્ડ બ્રેકિંગ ઇનિંગ્સ
અભિષેક શર્માએ ઈંગ્લેન્ડના બોલરો માટે મુશ્કેલી ઊભી કરી હતી. તેમણે માત્ર 54 બોલમાં 135 રન બનાવ્યા હતા. અભિષેકની આ ઇનિંગમાં 7 ફોર અને 13 સિક્સર સામેલ હતા. શિવમ દુબેએ 13 બોલમાં 30 રન બનાવ્યા હતા. તેમણે 3 ફોર અને 2 સિક્સર ફટકાર્યા હતા. આ રીતે ભારતે 20 ઓવરમાં 9 વિકેટ ગુમાવીને 247 રન બનાવ્યા હતા. ઓપનર સંજુ સેમસન 16 રન બનાવીને આઉટ થયો હતો. તિલક વર્મા 24 રન બનાવીને પેવેલિયન પરત ફર્યો હતો. જ્યારે કેપ્ટન સૂર્યકુમાર યાદવ માત્ર 2 રન બનાવી શક્યો હતો.

આ રાશિના જાતકો માટે આગામી 11 મહિના ભારે, જાણો 2025ની સૌથી અનલકી રાશિઓ

માત્ર 97 રનના સ્કોર પર ઈંગ્લેન્ડની આખી ટીમ સમેટાઈ
ભારતીય બેટ્સમેનો બાદ બોલરોએ પણ શાનદાર પ્રદર્શન કર્યું હતું. ઈંગ્લેન્ડની ટીમ 10.3 ઓવરમાં માત્ર 97 રન બનાવીને ઓલઆઉટ થઈ ગઈ હતી. આ દરમિયાન ફિલિપ સોલ્ટે અડધી સદી ફટકારી હતી. તેમણે 23 બોલમાં 55 રન બનાવ્યા હતા. સોલ્ટે 7 ફોર અને 3 સિક્સર ફટકાર્યા હતા. જેકબ બેથેલ 10 રન બનાવીને આઉટ થયો હતો. આ બે ખેલાડીઓ સિવાય કોઈ ડબલ ફિગરને સ્પર્શી શક્યું નથી.