Cricket Tournament: దేవాలయాల్లో.. శుభకార్యాల్లో మంత్రాలు.. పూజలు చేస్తూ బిజీగా ఉండే అర్చకులు క్రికెట్‌ బ్యాట్‌.. బంతిని చేతపట్టి మైదానంలో రెచ్చిపోయారు. మమ అనే చోట ఫోర్‌.. సిక్స్‌.. ఔట్‌ అంటూ అరుపులు కేకలు పెట్టారు. పూజలు.. పునస్కారాలే కాదు తాము క్రికెట్‌ ఆడగలం అంటూ నిరూపించారు. అర్చకుల క్రికెట్‌ ఆసక్తికరంగా మారింది. మంత్రాలు చదివినట్టు క్రికెట్‌ కామెంట్రీ చేయడం ఆకట్టుకుంది. సాధారణ పురోహితులే కాకుండా ప్రసిద్ధి పొందిన ఆలయాల పూజారులు కూడా క్రికెట్‌ ఆడుతున్నారు. ఆంధ్రప్రదేశ్‌లో జరుగుతున్న అర్చకుల క్రికెట్‌ టోర్నమెంట్‌ వైరల్‌గా మారింది.
Also Read: Amaravati: ఆంధ్రప్రదేశ్‌ ప్రజలకు గుడ్‌న్యూస్‌.. రాజధాని అమరావతికి ముహూర్తం ఫిక్స్‌
రాష్ట్ర స్థాయి పురోహితుల క్రీడా పోటీలు అంబేడ్కర్‌ కోనసీమ జిల్లా అమలాపురంలో జరిగింది. కిమ్స్‌ మెడికల్‌ కాలేజ్‌ క్రీడా ప్రాంగణంలో 5 రోజులుగా క్రికెట్‌ టోర్నమెంట్‌ జరుగుతోంది. ఈ పోటీలకు రాష్ట్రంలోని నలుమూలల నుంచి 20 జట్లు పురోహితులు తరలివచ్చి క్రికెట్‌ ఆడుతున్నారు. ప్రసిద్ధ అన్నవరం, సింహాచలం తదితర పుణ్యక్షేత్రాల్లో పురోహితులు కూడా క్రికెట్‌ ఆడుతుండడం విశేషం. పంచెకట్టు.. మడిలో క్రికెట్‌ ఆడుతూ సందడి చేశారు.
Also Read: Glass Symbol: పవన్‌ కల్యాణ్‌కు భారీ శుభవార్త.. జనసేనకు శాశ్వతంగా గాజు గ్లాస్ గుర్తు రిజర్వ్
ఈ టోర్నమెంట్‌లో 50 ఏళ్లు పైబడిన పురోహితులు కూడా క్రికెట్‌బ్యాట్‌ చేతపట్టి ఆడుతూ ఆకట్టుకుంటున్నారు. ప్రసాదాలు పెట్టిన చేతులతో నిప్పులు చెరిగేలా బంతులు వేశారు. సాంప్రదాయ పంచ కట్టుతో బాల్‌ కోసం పరుగులు పెట్టడం.. బౌలింగ్‌.. బ్యాటింగ్.. ఫీల్డింగ్‌ చేస్తూ సందడి చేస్తున్నారు.. కామెంట్రీ కూడా అచ్చతెలుగులోనే.. వేదమంత్రాల మాదిరి చెబుతుండడం కూడా ఆసక్తిగా మారింది. సుదూర ప్రాంతాలనుంచి వస్తున్న పురోహిత క్రీడాకారులకు అమలాపురం పురోహిత సంఘం అన్ని ఏర్పాట్లు చేసింది. పురోహితుల్లో క్రీడా స్ఫూర్తిని రగిలించడంతోపాటు శారీరక ధారుఢ్యం, మానసిక ఉల్లాసం కోసం ప్రతీ ఏటా ఈ రాష్ట్ర స్థాయి పురోహితుల క్రికెట్‌ పోటీలు జరుగుతున్నాయి. త్వరలోనే ఫైనల్‌ జరుగుతుందని నిర్వాహకులు ప్రకటించారు. కాగా క్రికెట్‌ ఆడుతున్న అర్చకుల వీడియోలు సామాజిక మాధ్యమాల్లో చక్కర్లు కొడుతున్నాయి. నెటిజన్లు పూజారుల క్రికెట్‌ను ఆసక్తిగా తిలకిస్తున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
