Yamaha Tenere 700 Price In India: భారత్‌లో ఆటో ఎక్స్‌పో 2025 కొనసాగుతూ వస్తోంది. మార్కెట్‌లోకి కొత్త కొత్త కార్లు, మోటర్ సైకిల్స్‌ ఒకదాని తర్వాత ఒకటి విడుదలవుతూ వస్తున్నాయి. ఈ ఎక్స్‌పోలో చిన్న స్కూటర్స్‌ను నుంచి పెద్ద పెద్ద స్పోర్ట్స్‌ బైక్‌లు లాంచ్‌ అవుతున్నాయి. ఈ ఆటో ఎక్స్‌పోలో భాగంగా ప్రముఖ మోటర్ సైకిల్‌ కంపెనీ యమహా అద్భుతమైన స్పోర్ట్స్‌ బైక్‌ను విడుదల చేసింది. ఇది Tenere 700 పేరుతో అందుబాటులోకి వచ్చింది. అయితే ఈ స్పోర్ట్స్‌ మోటర్ సైకిల్‌కి సంబంధించిన పూర్తి వివరాలు ఇప్పుడు తెలుసుకోండి.
యమహా Tenere 700 మోటర్ సైకిల్‌ అతి శక్తితంమైన ఇంజన్‌తో అందుబాటులోకి వచ్చింది. ఈ బైక్ డబుల్ పెట్రోల్ ట్యాంక్‌తో విడుదల కావడం విశేషం.. అలాగే ఈ స్కూటర్‌ అద్భుతమైన డిజైన్‌ను కలిగి ఉండబోతోంది.
యమహా టెనెరే 700 మోటర్ సైకిల్‌ శక్తివంతమైన ఇంజన్, ఆధునిక ఫీచర్లతో లాంచ్‌ అయ్యింది. అంతేకాకుండా మోస్ట్‌ పవర్‌ఫుల్‌ 689 cc CP2 సమాంతర-ట్విన్ ఇంజన్‌తో విడుదల కానుంది. అలాగే ప్రత్యేకమైన 6 స్పీడ్ గేర్ బాక్స్‌ను కూడా కలిగి ఉంటుంది. ఈ ఇంజన్ 72 HP పవర్‌తో పాటు 68 NM టార్క్ ఉత్పత్తి చేస్తుంది.
డబుల్ పెట్రోల్ ట్యాంక్ వివరాల్లోకి వెళితే.. ఇందులో 23 లీటర్ల రెండు ఇంధన ట్యాంకులు రాబోతున్నాయి. అంతేకాకుండా ప్రత్యేకమైన స్పోర్ట్‌లుక్‌ లుక్‌ కనిపించేందుకు ట్యాంక్ స్పెషల్‌గా ఉంటుంది. అంతేకాకుండా ప్రత్యేకమైన సీటింగ్‌ సెటప్‌ను కలిగి ఉంటుంది.
ఈ టెనెరే 700 మోటర్ సైకిల్‌ యాంటీ-లాక్ బ్రేకింగ్ సిస్టమ్‌తో విడుదల కాబోతోంది. అంతేకాకుండా 62.8 అంగుళాలు బైక్ వీల్ బేస్‌ను కలిగి ఉంటుంది. అలాగే ప్రత్యేకమైన ABS సిస్టమ్‌ సపోర్ట్‌ ఫీచర్స్‌ కూడా లభిస్తున్నాయి. ఈ మోటర్ సైకిల్‌ మార్కెట్‌లోకి లాంచ్‌ అయితే బిఎమ్‌డబ్ల్యూకి బైక్‌కి గట్టి పోటీని ఇచ్చే అవకాశాలు ఉన్నాయి.
యమహా టెనెరే 700 మోటర్ సైకిల్‌ స్పెషల్ ఆఫ్‌రోడ్ రైడింగ్ ఫీచర్స్‌తో లాంచ్‌ కాబోతోంది. అలాగే ప్రత్యేకమైన KYB ఫ్రంట్ ఫోర్క్‌లను కలిగి ఉండబోతోంది. దీంతో పాటు బ్యాక్‌ వీల్స్‌ 18-అంగుళాలను కలిగి ఉంటుంది. దీని ధర భారత మార్కెట్‌లో రూ.13,00,000 నుంచి ప్రారంభం కాబోతోంది.
