Business Idea: పశుపోషణ వలే..కోళ్ల పెంపకం కూడా మంచి వ్యాపారం. పశుపోషణలో పాలు అమ్మడం ద్వారా మంచి ఆదాయం సంపాదించినట్లుగానే..కోళ్ల పెంపకంలో గుడ్లు అమ్మడం ద్వారా మంచి ఆదాయాన్ని పొందవచ్చు. కోడి గుడ్లు అమ్మడం ద్వారా ప్రజలు మంచి డబ్బును సంపాదించవచ్చు. ఈ బిజినెస్ గురించి పూర్తి వివరాలు తెలుసుకుందాం.
కోళ్ల పెంపకం ద్వారా మంచి లాభం పొందవచ్చు. సరైన రకాన్ని ఎంచుకోవడం మాత్రమే అవసరం ఉంటుంది. లాభాలు ఇవ్వడంలో చాలా రకాల కోళ్లు ఏటీఎం మాదిరిగానే ఉంటాయి. ఈ కోళ్లను పెంచడం వల్ల మీ ఆదాయం నాలుగు రెట్లు పెరుగుతుంది. ఈ కోడి ఏడాదికి 300కంటే ఎక్కువగా గుడ్లను ఇస్తుంది. ఇది కడక్ నాథ్ జాతి కోడి. ఈ కోడి పూర్తిగా నల్లగా ఉంటుంది.
బరాసిన్ సుల్తాన్ పూర్ లోని కృషి విజ్నాన కేంద్రంలో పనిచేస్తున్న పశువైద్య శాస్త్రవేత్త డాక్టర్. గౌరవ్ పాండే రైతులు పౌల్ట్రీ ఫామ్ ను నిర్మించి సాధారణ కోళ్ల మాదిరిగానే ఈ కడక్ నాథ్ కోళ్లను పెంచవచ్చని తెలిపారు.
ఈ కోళ్లు సాధారణ కోళ్ల మాదిరిగానే ఆహారం తింటాయి. దానిని వెనక ప్రాంగణ పద్ధతి ఉపయోగించి కూడా పెంచుకోవచ్చు. ఈ పద్ధతికి మీరు ఎక్కువగా స్థలం లేదా డబ్బు ఖర్చు చేయాల్సిన అవసరం ఉండదు. అంతేకాదు మీరు కోళ్ల పెంపకం కోసం ప్రభుత్వ పథకాలను కూడా సద్వినియోగం చేసుకోవచ్చు.
తెల్లకోడితో పోల్చితే కడక్ నాథ్ కోడిలో కొలెస్ట్రాల్ చాలా తక్కువగా ఉంటుంది. తక్కువ కొవ్వు పదార్థం కారణంగా ఈ చికెన్ గుండె, మధుమేహ రోగులకు కూడా ఎంతో ప్రయోజనకరంగా ఉంటుంది. కడక్ నాథ్ చికెన్ లో కొవ్వు తక్కువగా ఉంటుంది. ప్రొటీన్ పుష్కలంగా ఉంటుంది. ఇమ్యూనిటీ శక్తి ఉన్న గుండె, శ్వాసకోశ, రక్తహీనత రోగులకు ఎంతో ప్రయోజనకరంగా ఉంటుంది.
కడక్ నాథ్ కోడి మాంసం, గుడ్లు మార్కెట్లో అధిక ధరకు అమ్ముడవుతాయి. దీని కారణంగా మీరు తక్కువ సమయంలోనే మంచి లాభాలను పొందవచ్చు. కడక్ నాథ్ కోడి మరో ప్రత్యేక లక్షణం ఏంటంటే ఇది ఇతర కోళ్ల కంటే తక్కువ అనారోగ్యానికి గురవుతుంది. ఇది మీ ఖర్చులను కూడా తగ్గిస్తుంది. ఈ కోడిని సాధారణంగా కిలోకు 700-1000 రూపాయలకు అమ్ముతారు. కడక్ నాథ్ కోడి గుడ్డు ధర 50రూపాయల వరకు ఉంటుంది.
